Levhi 2
2
Miphaso nya dzimbewu
1Muthu a gu vbweta gu ningela ga Pfhumu Nungungulu, phaso nya dzimbewu dza thembweni, ningelo waye wu na bani wuri wa wuguvbi nya gudadatwe, wu thedwa mafura ni libani nya gunungele. 2A na dzega wuguvbi a ningela ga vaphasi nya mhamba, sanana sa Aroni. Moyo wawe, a na baga gyandza nya wuguvbi wu thedwego mafura ni libani latshavbo; muphasi nya mhamba a na si vbisa vbagiluvelotunu si khala gialakanyiso, kha nga phaso nya gunungele gwadi wu salalegisago Pfhumu Nungungulu. 3Esi si na tshalago vbaningelotunu sa gu lumba Aroni ni sanana saye. Egi gipandre gi agidego#2:3 Vajudha va di gu hambanisa guaga nya silo ni guaga nya vathu. Silo si lumbago ningelo wu bikedwago ga Nungungulu, si di hengela guaga gwa Nungungulu. ngudzu, nya phaso wu vbisedwago Pfhumu Nungungulu.
4Wa gu vbweta gu bikela ningelo nya dzimbewu nya guvawudwe, u na gira dzifiyoso nya wuguvbi nya gudadatwe, nyamba thedwa mela, nya gusugwe khu mafura, mwendro mikati nyamba thedwa mela na yi todzidwe mafura. 5Wa gu bikela ningelo nya gugadzingwe litindzaloni, gu vbwetega wuguvbi nya gudadatwe, nya gusugwe khu mafura, nyamba thedwa mela. 6U na si pilelela khu sipandre u thedzela mafura khu vbatshani; owu ningelo nya miphaso nya dzimbewu. 7Wa gu bikela ningelo nya guphudwe khalini, gu vbwetega wuguvbi nya gudadatwe, wu phudwa khu mafura. 8U nata bikela kharati ga Pfhumu Nungungulu ningelo nya dzimbewu wu dongisedwego khu magirelo yaya, u ta ningela ga muphasi nya mhamba, uye a na wu yisa giluvelotunu.
9Muphasi nya mhamba a na vbungula gipandre gi yelago gu gira ningelo nya gialakanyiso a wu vbisa vbagiluvelotunu; ningelo nya guvbiswe, nya mahema nya gunungele gwadi wu salalegisa Pfhumu Nungungulu. 10Esi si tshalago nya dzimbewu vbagiluvelotunu, si na lumba Aroni ni sanana saye, silo si agidego ngudzu nya miningelo nya guvbisedwe Pfhumu Nungungulu.
11Miningelo yatshavbo nya dzimbewu u na bikelago ga Pfhumu Nungungulu gu vbwetega nyambana mela, u nga pati gilo gi gu na ni mela,#2:11 Nyambana mela: Kholu guvila nya gufure gilo gwa gu gimbilelana ni guhina. Gilo gi hinidego gi ghohekide, kha gi dzi kodzi gu ya bikedwa ga Pfhumu Nungungulu, kholu kha gya vbelela wuwadi. Khidzo kharato nayo wu rumago guhodza sibaba nyambana mela khu Phasika. mwendro wulombe umo nya miningelo yi vbisedwago Pfhumu Nungungulu. 12Silo sesi mu ngu dzi kodza gu si bikela kha nga ningelo nya mihandro nya guphele ya thembweni gasi gu bonga Pfhumu Nungungulu, aholu yi nga vegwi vbatshani nya giluvelo gukhwatshi khu phaso nya gunungele gwadi wu salalegisa. 13U na thela munyu miningeloni gwatshavbo nya silo sa thembweni; u nga dzumedzisi gu hamugega munyu nya gidzumeledzwano gya Nungungulu umo nya miningelo yago#2:13 Vambe, khavo: “Kholu munyu avbo nya miningelo yago wa gu tshamusela Gidzumeledzwano a giridego Nungungulu nago., miningelo yago yatshavbo u na yi thela munyu.
14Wa gu bikela ga Pfhumu Nungungulu mihandro nya guphele ya thembweni, u nata ningela sivbila nya siphya nya guvawudwe niloni si hindzwa, kha nga ningelo nya mihandro yago nya guphele. 15U na thela mafura vbatshani, u pata ni libani; owu ningelo nya dzimbewu dza thembweni. 16Khu guralo, muphasi nya mhamba a na vbisa gipandre nya gialakanyiso nya sivbila nya guhindzwe na si patidwe ni mafura, ni libani latshavbo; owu phaso wu vbisedwago Pfhumu Nungungulu.
Currently Selected:
Levhi 2: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 2
2
Miphaso nya dzimbewu
1Muthu a gu vbweta gu ningela ga Pfhumu Nungungulu, phaso nya dzimbewu dza thembweni, ningelo waye wu na bani wuri wa wuguvbi nya gudadatwe, wu thedwa mafura ni libani nya gunungele. 2A na dzega wuguvbi a ningela ga vaphasi nya mhamba, sanana sa Aroni. Moyo wawe, a na baga gyandza nya wuguvbi wu thedwego mafura ni libani latshavbo; muphasi nya mhamba a na si vbisa vbagiluvelotunu si khala gialakanyiso, kha nga phaso nya gunungele gwadi wu salalegisago Pfhumu Nungungulu. 3Esi si na tshalago vbaningelotunu sa gu lumba Aroni ni sanana saye. Egi gipandre gi agidego#2:3 Vajudha va di gu hambanisa guaga nya silo ni guaga nya vathu. Silo si lumbago ningelo wu bikedwago ga Nungungulu, si di hengela guaga gwa Nungungulu. ngudzu, nya phaso wu vbisedwago Pfhumu Nungungulu.
4Wa gu vbweta gu bikela ningelo nya dzimbewu nya guvawudwe, u na gira dzifiyoso nya wuguvbi nya gudadatwe, nyamba thedwa mela, nya gusugwe khu mafura, mwendro mikati nyamba thedwa mela na yi todzidwe mafura. 5Wa gu bikela ningelo nya gugadzingwe litindzaloni, gu vbwetega wuguvbi nya gudadatwe, nya gusugwe khu mafura, nyamba thedwa mela. 6U na si pilelela khu sipandre u thedzela mafura khu vbatshani; owu ningelo nya miphaso nya dzimbewu. 7Wa gu bikela ningelo nya guphudwe khalini, gu vbwetega wuguvbi nya gudadatwe, wu phudwa khu mafura. 8U nata bikela kharati ga Pfhumu Nungungulu ningelo nya dzimbewu wu dongisedwego khu magirelo yaya, u ta ningela ga muphasi nya mhamba, uye a na wu yisa giluvelotunu.
9Muphasi nya mhamba a na vbungula gipandre gi yelago gu gira ningelo nya gialakanyiso a wu vbisa vbagiluvelotunu; ningelo nya guvbiswe, nya mahema nya gunungele gwadi wu salalegisa Pfhumu Nungungulu. 10Esi si tshalago nya dzimbewu vbagiluvelotunu, si na lumba Aroni ni sanana saye, silo si agidego ngudzu nya miningelo nya guvbisedwe Pfhumu Nungungulu.
11Miningelo yatshavbo nya dzimbewu u na bikelago ga Pfhumu Nungungulu gu vbwetega nyambana mela, u nga pati gilo gi gu na ni mela,#2:11 Nyambana mela: Kholu guvila nya gufure gilo gwa gu gimbilelana ni guhina. Gilo gi hinidego gi ghohekide, kha gi dzi kodzi gu ya bikedwa ga Pfhumu Nungungulu, kholu kha gya vbelela wuwadi. Khidzo kharato nayo wu rumago guhodza sibaba nyambana mela khu Phasika. mwendro wulombe umo nya miningelo yi vbisedwago Pfhumu Nungungulu. 12Silo sesi mu ngu dzi kodza gu si bikela kha nga ningelo nya mihandro nya guphele ya thembweni gasi gu bonga Pfhumu Nungungulu, aholu yi nga vegwi vbatshani nya giluvelo gukhwatshi khu phaso nya gunungele gwadi wu salalegisa. 13U na thela munyu miningeloni gwatshavbo nya silo sa thembweni; u nga dzumedzisi gu hamugega munyu nya gidzumeledzwano gya Nungungulu umo nya miningelo yago#2:13 Vambe, khavo: “Kholu munyu avbo nya miningelo yago wa gu tshamusela Gidzumeledzwano a giridego Nungungulu nago., miningelo yago yatshavbo u na yi thela munyu.
14Wa gu bikela ga Pfhumu Nungungulu mihandro nya guphele ya thembweni, u nata ningela sivbila nya siphya nya guvawudwe niloni si hindzwa, kha nga ningelo nya mihandro yago nya guphele. 15U na thela mafura vbatshani, u pata ni libani; owu ningelo nya dzimbewu dza thembweni. 16Khu guralo, muphasi nya mhamba a na vbisa gipandre nya gialakanyiso nya sivbila nya guhindzwe na si patidwe ni mafura, ni libani latshavbo; owu phaso wu vbisedwago Pfhumu Nungungulu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.