Levhi 1
1
Milayo nya miphaso nya guvbiswe#1:0 Milayo yatshavbo nya miphaso hi yi manago umo nya libhuku la Valevhi gukhugela gipimo 1 kala gipimo 7 (Levh 1—7) ya gu lumba gikhati va na Israyeli va nga vbanyago mugiwulani, gambe ya gu vegwa tshivbani nya gurume ga Mosi. Aholu yi dita tshingiswa ngudzu hwane nya gu va na Israyeli na va wide khu wugumbini ga mufumo. Milayo yeyi kheyi yi nga bani yi gu thumiswa Nyumbani nya wuvili ya Nungungulu.
(Ekisodha 29:10-18; Levhi 6:1-6; Mitengo 15:1-31)
1 Pfhumu Nungungulu khu Tshatshani nya Tshangano, a di rana Mosi a gu ganela naye, khuye: 2“Ganela ga vathu va na Israyeli, u va embela, khuwe: Muthu wa na gyanu a gu vbweta gu resa ningelo nya phaso ga Pfhumu Nungungulu, mu ngu kodza gu hatha mhamba vbakari nya sifuyo sa tshambini gwanu, nya mombe mwendro nya nvuta a ningela khigyo.”
3A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa,#1:3 Matune nyamba hasa: Gasi gu ningela miphaso ga Nungungulu, gu vbwetega gu dusa esi si vbeledego wuwadi. Girengo nya matune nyamba hasa. a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu. 4Khavbo avbo, a na handzega mandza yaye hungoni nya gifuyo#1:4 Guhandzega mandza hungoni nya gifuyo nya miphaso gu yeyedza gupwani oyu a dusago mhamba a dzi ningela uye mune, a gu wonegiswa khu gifuyo gile; gu songa gifuyo nya miphaso gu tshamusela gupwani oyu a dusa mhamba a gu ningela wurumba waye a khala phaso wu vbisedwago Nungungulu. nya miphaso nya guvbiswe, gasi mhamba yi hakhwe gwadi, a kodza gu mana gutsetseledwa sighoho saye. 5Khu hwane, a na paya gimombyana mbeli ga Pfhumu Nungungulu. Vaphasi nya mhamba, a gu sanana sa Aroni, va na dzega novba wakone va wu bikela#1:5 Va na dzega novba wakone va wu bikela: Novba gilo gikhongolo ngudzu vbaphasotunu nya mhamba, kholu novba womi vbavbandze nya miphaso gu di si dzumedziswi gu thumisa novba, kholu novba wa gu nonedza gu yinga muthu womini wa Nungungulu. ga Pfhumu Nungungulu, va mitegedzela khuwo maphuvbo yatshavbo nya giluvelo, gi guromo vbamwanyatunu nya Tshatsha nya Tshangano. 6Na va vbedzide gu tshula lidowo girengo nya phaso nya guvbiswe, va na gi pilelela khu sipandre. 7Sanana sa Aroni, a gu vaphasi nya mhamba, va na khondrisa nilo vbatshani nya giluvelo va vegedzela gwadi dzikhuni vbatshani nya nilo. 8Vaphasi nya mhamba sanana sa Aroni, va na vega gambe khu gusasamedzela sipandre nya nyama, gupata ni hungo ni mafura vbatshani nya dzikhuni dzi guromo niloni vbagiluvelotunu. 9Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.
10A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa. 11A na paya gifuyo khu phuvbo ga Wuronga nya giluvelo, mbeli ga Pfhumu Nungungulu. Vaphasi nya mhamba, sanana sa Aroni, va na dzega novba wakone va mitegedzela khuwo giluvelo maphuvbo yatshavbo. 12Khu hwane a na pilelela gifuyo khu sivbango, khavbo avbo, muphasi nya mhamba a na handzega sipandre ni hungo ni mafura vbatshani nya nilo wu dzurago vbagiluvelotunu. 13Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.
14Muthu a gu dusela Pfhumu Nungungulu ningelo nya guvbiswe, wa gu bani wuri wa sinyoni, a na resa matuva mwendro sifondro nya sipomba. 15Muphasi nya mhamba a na ningela lituva vbagiluvelotunu, a li tshomborosa ngolo, nyamba li pila hungo, a li vbisa vbagiluvelotunu; a na gamela novba wakone ndzarini nya giluvelo; 16a na dusa gitutwa, esi sa gitutwani a si pata gumogo ni mitenga a gu rinya vbatalatunu, vbafuvbi ni giluvelo, khu phuvbo ga Khugadambo. 17Khavbo avbo, muphasi nya mhamba a na hapfha ginyoni khu vbakari ni vbakari nya mambapi nyamba gi tshapula, a gi vbisa vbagiluvelotunu vbatshani nya dzikhuni dzi guromo niloni; khuwo phaso nya guvbiswe, ningelo nya gunungele gwadi wu salalegisago Pfhumu Nungungulu.”
Currently Selected:
Levhi 1: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 1
1
Milayo nya miphaso nya guvbiswe#1:0 Milayo yatshavbo nya miphaso hi yi manago umo nya libhuku la Valevhi gukhugela gipimo 1 kala gipimo 7 (Levh 1—7) ya gu lumba gikhati va na Israyeli va nga vbanyago mugiwulani, gambe ya gu vegwa tshivbani nya gurume ga Mosi. Aholu yi dita tshingiswa ngudzu hwane nya gu va na Israyeli na va wide khu wugumbini ga mufumo. Milayo yeyi kheyi yi nga bani yi gu thumiswa Nyumbani nya wuvili ya Nungungulu.
(Ekisodha 29:10-18; Levhi 6:1-6; Mitengo 15:1-31)
1 Pfhumu Nungungulu khu Tshatshani nya Tshangano, a di rana Mosi a gu ganela naye, khuye: 2“Ganela ga vathu va na Israyeli, u va embela, khuwe: Muthu wa na gyanu a gu vbweta gu resa ningelo nya phaso ga Pfhumu Nungungulu, mu ngu kodza gu hatha mhamba vbakari nya sifuyo sa tshambini gwanu, nya mombe mwendro nya nvuta a ningela khigyo.”
3A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa,#1:3 Matune nyamba hasa: Gasi gu ningela miphaso ga Nungungulu, gu vbwetega gu dusa esi si vbeledego wuwadi. Girengo nya matune nyamba hasa. a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu. 4Khavbo avbo, a na handzega mandza yaye hungoni nya gifuyo#1:4 Guhandzega mandza hungoni nya gifuyo nya miphaso gu yeyedza gupwani oyu a dusago mhamba a dzi ningela uye mune, a gu wonegiswa khu gifuyo gile; gu songa gifuyo nya miphaso gu tshamusela gupwani oyu a dusa mhamba a gu ningela wurumba waye a khala phaso wu vbisedwago Nungungulu. nya miphaso nya guvbiswe, gasi mhamba yi hakhwe gwadi, a kodza gu mana gutsetseledwa sighoho saye. 5Khu hwane, a na paya gimombyana mbeli ga Pfhumu Nungungulu. Vaphasi nya mhamba, a gu sanana sa Aroni, va na dzega novba wakone va wu bikela#1:5 Va na dzega novba wakone va wu bikela: Novba gilo gikhongolo ngudzu vbaphasotunu nya mhamba, kholu novba womi vbavbandze nya miphaso gu di si dzumedziswi gu thumisa novba, kholu novba wa gu nonedza gu yinga muthu womini wa Nungungulu. ga Pfhumu Nungungulu, va mitegedzela khuwo maphuvbo yatshavbo nya giluvelo, gi guromo vbamwanyatunu nya Tshatsha nya Tshangano. 6Na va vbedzide gu tshula lidowo girengo nya phaso nya guvbiswe, va na gi pilelela khu sipandre. 7Sanana sa Aroni, a gu vaphasi nya mhamba, va na khondrisa nilo vbatshani nya giluvelo va vegedzela gwadi dzikhuni vbatshani nya nilo. 8Vaphasi nya mhamba sanana sa Aroni, va na vega gambe khu gusasamedzela sipandre nya nyama, gupata ni hungo ni mafura vbatshani nya dzikhuni dzi guromo niloni vbagiluvelotunu. 9Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.
10A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa. 11A na paya gifuyo khu phuvbo ga Wuronga nya giluvelo, mbeli ga Pfhumu Nungungulu. Vaphasi nya mhamba, sanana sa Aroni, va na dzega novba wakone va mitegedzela khuwo giluvelo maphuvbo yatshavbo. 12Khu hwane a na pilelela gifuyo khu sivbango, khavbo avbo, muphasi nya mhamba a na handzega sipandre ni hungo ni mafura vbatshani nya nilo wu dzurago vbagiluvelotunu. 13Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.
14Muthu a gu dusela Pfhumu Nungungulu ningelo nya guvbiswe, wa gu bani wuri wa sinyoni, a na resa matuva mwendro sifondro nya sipomba. 15Muphasi nya mhamba a na ningela lituva vbagiluvelotunu, a li tshomborosa ngolo, nyamba li pila hungo, a li vbisa vbagiluvelotunu; a na gamela novba wakone ndzarini nya giluvelo; 16a na dusa gitutwa, esi sa gitutwani a si pata gumogo ni mitenga a gu rinya vbatalatunu, vbafuvbi ni giluvelo, khu phuvbo ga Khugadambo. 17Khavbo avbo, muphasi nya mhamba a na hapfha ginyoni khu vbakari ni vbakari nya mambapi nyamba gi tshapula, a gi vbisa vbagiluvelotunu vbatshani nya dzikhuni dzi guromo niloni; khuwo phaso nya guvbiswe, ningelo nya gunungele gwadi wu salalegisago Pfhumu Nungungulu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.