Ekisodha 40
40
Gukhangudwa nya Wulanga nya Guage
1 Pfhumu Nungungulu a di ganela gambe ga Mosi, khuye: 2“Khu litshigu nya guphele nya ngima nya guhegule, u na tsitsa wulanga nya guage nya Tshatsha nya Tshangano.” 3U na vega umo Ngasa nya Gidzumeledzwano, u sega mwanya wakone khu mwendra. 4U na bedza meza u dongisela sombo saye satshavbo khu edzi gu vbwetegago khidzo; u na bedza gidzigaredzo nya dzikandriya, u khondrisa dzikandriya dzaye. 5U na vega wulangani gwaye giluvelo nya ndralama nya guningele avbo libani, mbeli nya Ngasa nya Gidzumeledzwano, u gira mwendra nya makhuvi mwanyani nya wulanga nya guage.
6U na vega giluvelo nya miphaso nya guvbiswe mbeli nya mwanya nya wulanga nya guage nya Tshatsha nya Tshangano. 7U na vega ginamelo vbakari nya Tshatsha nya Tshangano ni giluvelo, u thela mati ginameloni. 8U na bhiya likupakupa maphuvbo yatshavbo u vega mwendra nyangwatunu nya likupakupa.
9U na dzega mafura nya gutodze u todza wulanga nya guage ni satshavbo si manegago umo; u na agisa ni sombo saye satshavbo, gu khala wulanga wu agidego. 10U na todza giluvelo nya miphaso nya guvbiswe ni sombo saye satshavbo; u na agisa giluvelo; ni giluvelo gi na khala wulanga nya guage ngudzu. 11Khavbo avbo, u na todza ginamelo ni girandro gyakone gasi gu gi agisa.
Guwumbedwa ga vaphasi nya mhamba
(Ekisodha 29:19; 30:22-38)
12U na hidzimisa Aroni ni sanana saye kala vbamwanyatunu nya Tshatsha nya Tshangano, u va handza khu mati. 13U na ambagisa Aroni dzingandzu nya miphaso; u mu todza, u mu agisa gasi gu mu wumbela thumoni nya wuphasi nya mhamba mbeli Gwangu. 14U na hidzimisa niso sanana saye u ta si ambagisa dzingandzu nya wuphasi nya mhamba. 15U na si todza nga idzo u nga todzago khidzo babe wawe, gasi va thuma thumo nya wuphasi nya mhamba mbeli gwangu. Gutodzwa gogu gu na va wumbela wuphasi nya mhamba kala gupindruga, ga situgulwana ni situgulwana. 16Mosi a di gira satshavbo kha nga idzo Pfhumu Nungungulu a nga rumago khidzo.
Gutsitswa nya Wulanga nya Guage
17Khu litshigu nya guhegule nya ngima nya guphele nya mwaga nya wuvili, wu di tsitswa Wulanga nya Guage. 18Mosi a di tsitsa Wulanga nya Guage, a di vega siseketelo, mapulango ni mitalatsi a gu emisa madingo; 19a di thawuludza Tshatsha, va gu pfhulela Wulanga nya Guage nya nga idzo a nga rumago khidzo Pfhumu Nungungulu.
20A di dzega siwindri nya gidzumeledzwano a si vega ndrani nya Ngasa; a bedza mipingo avba nya Ngasa, khu vbatshani nya Ngasa a di handzega Gikhalo nya Ditshedzo. 21Va di rwala ngasa va gu yi bedza wulangani nya guage, va vbayega myendra nya makhuvi, gasi gu bhiya Ngasa nya Gidzumeledzwano kha nga idzo Pfhumu Nungungulu a nga mu leletelago khidzo Mosi.
Mavegedzelelo nya sombo ndrani nya Tshatsha
22A di vega gambe meza Tshatshani nya Tshangano khu phuvbo ga Wuronga nya Wulanga nya Guage, vbavbandze nya mwendra nya makhuvi. 23A gu sasamedzela sibaba vbamezatunu, mbeli ga Pfhumu Nungungulu, gulandra khu ndzila yakone edzi a rumidwego khidzo Mosi khu Pfhumu Nungungulu. 24A di vega gidzigaredzo nya dzikandriya ndrani nya Tshatsha nya Tshangano, khu mbeli nya meza, khu phuvbo ga Marandzi nya Wulanga nya Guage. 25A di dongisela dzikandriya mbeli ga Pfhumu Nungungulu, kha nga idzo a leletedwego khidzo Mosi khu Pfhumu Nungungulu. 26A di vega giluvelo nya ndralama Tshatshani nya Tshangano mbeli nya mwendra nya makhuvi. 27Khavbo avbo, a di vbisa libani nya gunungele kha nga idzo a nga leletedwago khidzo Mosi khu Pfhumu Nungungulu. 28A di vbayega gambe mwendra nyangwatunu nya Wulanga nya Guage. 29A di vega giluvelo nya miphaso nya guvbiswe nyangwatunu nya Wulanga nya Guage, nya Tshatsha nya Tshangano, a gu gira miphaselo nya guvbiswe ni wuguvbi vbatshani nya giluvelo, kha nga idzo Pfhumu Nungungulu a nga leletelago khidzo Mosi. 30A di vega ginamelo vbakari nya Tshatsha nya Tshangano ni giluvelo, a thela umo mati nya guhambe khayo. 31Mosi ni Aroni ni sanana saye va di hamba umo mandza ni migondro. 32Gikhati gyatshavbo va belago Tshatshani nya Tshangano ni gu hidzimela vbagiluvelotunu, va di hamba mandza ni migondro, kha nga idzo Pfhumu Nungungulu a leletedego khidzo Mosi. 33Khu guhegisa, a di tsitsa libhiyo nya likupakupa li dzuwuluga Wulanga nya Guage ni giluvelo, Mosi a di vbayega mwendra nya makhuvi nya gusege mwanya nya likupakupa, a vbedzisa kharati thumo waye watshavbo.
Lipfhi li ngu fenengedza Wulanga nya Guage
(Mitengo 9:15-23)
34Khavbo avbo, lipfhi li di fenengedza Tshatsha nya Tshangano, wudhumo wa Pfhumu Nungungulu wu di tadza Wulanga nya Guage. 35Mosi a di si dzi kodzi gambe gu bela Tshatshani nya Tshangano, kholu lipfhi li di fenengedzide vbatshani nya tshatsha, ni wudhumo wa Pfhumu Nungungulu wu di tadzide Wulanga nya Guage. 36Gikhati lipfhi li khugago vbatshani nya Wulanga nya Guage, sanana sa Israyeli si di bela ndzilani si simama ni lendro lawe.
37Aholu lipfhi la gumba khuga, avo navo va di si khugi, kala gikhati li khugago lipfhi. 38Kholu mihani yile lipfhi la Pfhumu Nungungulu li di fenengedza Wulanga nya Guage, wutshiguwule nilo wu di wenengedza khavbo nya lipfhi, vbakari nya ndranga yatshavbo ya na Israyeli, lendroni gwawe gwatshavbo.
Currently Selected:
Ekisodha 40: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Ekisodha 40
40
Gukhangudwa nya Wulanga nya Guage
1 Pfhumu Nungungulu a di ganela gambe ga Mosi, khuye: 2“Khu litshigu nya guphele nya ngima nya guhegule, u na tsitsa wulanga nya guage nya Tshatsha nya Tshangano.” 3U na vega umo Ngasa nya Gidzumeledzwano, u sega mwanya wakone khu mwendra. 4U na bedza meza u dongisela sombo saye satshavbo khu edzi gu vbwetegago khidzo; u na bedza gidzigaredzo nya dzikandriya, u khondrisa dzikandriya dzaye. 5U na vega wulangani gwaye giluvelo nya ndralama nya guningele avbo libani, mbeli nya Ngasa nya Gidzumeledzwano, u gira mwendra nya makhuvi mwanyani nya wulanga nya guage.
6U na vega giluvelo nya miphaso nya guvbiswe mbeli nya mwanya nya wulanga nya guage nya Tshatsha nya Tshangano. 7U na vega ginamelo vbakari nya Tshatsha nya Tshangano ni giluvelo, u thela mati ginameloni. 8U na bhiya likupakupa maphuvbo yatshavbo u vega mwendra nyangwatunu nya likupakupa.
9U na dzega mafura nya gutodze u todza wulanga nya guage ni satshavbo si manegago umo; u na agisa ni sombo saye satshavbo, gu khala wulanga wu agidego. 10U na todza giluvelo nya miphaso nya guvbiswe ni sombo saye satshavbo; u na agisa giluvelo; ni giluvelo gi na khala wulanga nya guage ngudzu. 11Khavbo avbo, u na todza ginamelo ni girandro gyakone gasi gu gi agisa.
Guwumbedwa ga vaphasi nya mhamba
(Ekisodha 29:19; 30:22-38)
12U na hidzimisa Aroni ni sanana saye kala vbamwanyatunu nya Tshatsha nya Tshangano, u va handza khu mati. 13U na ambagisa Aroni dzingandzu nya miphaso; u mu todza, u mu agisa gasi gu mu wumbela thumoni nya wuphasi nya mhamba mbeli Gwangu. 14U na hidzimisa niso sanana saye u ta si ambagisa dzingandzu nya wuphasi nya mhamba. 15U na si todza nga idzo u nga todzago khidzo babe wawe, gasi va thuma thumo nya wuphasi nya mhamba mbeli gwangu. Gutodzwa gogu gu na va wumbela wuphasi nya mhamba kala gupindruga, ga situgulwana ni situgulwana. 16Mosi a di gira satshavbo kha nga idzo Pfhumu Nungungulu a nga rumago khidzo.
Gutsitswa nya Wulanga nya Guage
17Khu litshigu nya guhegule nya ngima nya guphele nya mwaga nya wuvili, wu di tsitswa Wulanga nya Guage. 18Mosi a di tsitsa Wulanga nya Guage, a di vega siseketelo, mapulango ni mitalatsi a gu emisa madingo; 19a di thawuludza Tshatsha, va gu pfhulela Wulanga nya Guage nya nga idzo a nga rumago khidzo Pfhumu Nungungulu.
20A di dzega siwindri nya gidzumeledzwano a si vega ndrani nya Ngasa; a bedza mipingo avba nya Ngasa, khu vbatshani nya Ngasa a di handzega Gikhalo nya Ditshedzo. 21Va di rwala ngasa va gu yi bedza wulangani nya guage, va vbayega myendra nya makhuvi, gasi gu bhiya Ngasa nya Gidzumeledzwano kha nga idzo Pfhumu Nungungulu a nga mu leletelago khidzo Mosi.
Mavegedzelelo nya sombo ndrani nya Tshatsha
22A di vega gambe meza Tshatshani nya Tshangano khu phuvbo ga Wuronga nya Wulanga nya Guage, vbavbandze nya mwendra nya makhuvi. 23A gu sasamedzela sibaba vbamezatunu, mbeli ga Pfhumu Nungungulu, gulandra khu ndzila yakone edzi a rumidwego khidzo Mosi khu Pfhumu Nungungulu. 24A di vega gidzigaredzo nya dzikandriya ndrani nya Tshatsha nya Tshangano, khu mbeli nya meza, khu phuvbo ga Marandzi nya Wulanga nya Guage. 25A di dongisela dzikandriya mbeli ga Pfhumu Nungungulu, kha nga idzo a leletedwego khidzo Mosi khu Pfhumu Nungungulu. 26A di vega giluvelo nya ndralama Tshatshani nya Tshangano mbeli nya mwendra nya makhuvi. 27Khavbo avbo, a di vbisa libani nya gunungele kha nga idzo a nga leletedwago khidzo Mosi khu Pfhumu Nungungulu. 28A di vbayega gambe mwendra nyangwatunu nya Wulanga nya Guage. 29A di vega giluvelo nya miphaso nya guvbiswe nyangwatunu nya Wulanga nya Guage, nya Tshatsha nya Tshangano, a gu gira miphaselo nya guvbiswe ni wuguvbi vbatshani nya giluvelo, kha nga idzo Pfhumu Nungungulu a nga leletelago khidzo Mosi. 30A di vega ginamelo vbakari nya Tshatsha nya Tshangano ni giluvelo, a thela umo mati nya guhambe khayo. 31Mosi ni Aroni ni sanana saye va di hamba umo mandza ni migondro. 32Gikhati gyatshavbo va belago Tshatshani nya Tshangano ni gu hidzimela vbagiluvelotunu, va di hamba mandza ni migondro, kha nga idzo Pfhumu Nungungulu a leletedego khidzo Mosi. 33Khu guhegisa, a di tsitsa libhiyo nya likupakupa li dzuwuluga Wulanga nya Guage ni giluvelo, Mosi a di vbayega mwendra nya makhuvi nya gusege mwanya nya likupakupa, a vbedzisa kharati thumo waye watshavbo.
Lipfhi li ngu fenengedza Wulanga nya Guage
(Mitengo 9:15-23)
34Khavbo avbo, lipfhi li di fenengedza Tshatsha nya Tshangano, wudhumo wa Pfhumu Nungungulu wu di tadza Wulanga nya Guage. 35Mosi a di si dzi kodzi gambe gu bela Tshatshani nya Tshangano, kholu lipfhi li di fenengedzide vbatshani nya tshatsha, ni wudhumo wa Pfhumu Nungungulu wu di tadzide Wulanga nya Guage. 36Gikhati lipfhi li khugago vbatshani nya Wulanga nya Guage, sanana sa Israyeli si di bela ndzilani si simama ni lendro lawe.
37Aholu lipfhi la gumba khuga, avo navo va di si khugi, kala gikhati li khugago lipfhi. 38Kholu mihani yile lipfhi la Pfhumu Nungungulu li di fenengedza Wulanga nya Guage, wutshiguwule nilo wu di wenengedza khavbo nya lipfhi, vbakari nya ndranga yatshavbo ya na Israyeli, lendroni gwawe gwatshavbo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.