Joyele 1
1
I. TUNGU NYA KHABA
Ndzala nya tshanisa yi vangidwego khu khaba ni gihala
(Ekisodha 10:1-20; Dhewuteronome 28:38-42)
1Aya khu magana ya Pfhumu Nungungulu ma nga rumedwago ga Joyele, mwamana wa Petuweli.
Tungu nya khaba
2Upwani esi enu madhota,
yingisani, enu vathu vatshavbo mu vbanyago tigoni.
Ina gu di nga girega silo nya esi guvbanyani gwanu, gani,
mwendro matshiguni ya vakokwe vanu, gani? 3Embeledzelani esi sanana sanu,
ni sanana sanu niso si embeledzela sanana sawe;
situgulwana si embeledzela simbe situgulwana.
4Esi si tshidwego khu pungu,
si hodzidwe khu khaba;
iso si nga tshidwago khu khaba si hodzidwe khu mbasa
niso si nga tshidwago khu mbasa,
si hodzidwe khu sibukhwa.
5Wugani mu lila, enu sidhakwa;
wombani huwa mwatshavbo vaseli nya vbinyu,
lilani khu kotani nya wadwa nya dosi nya diuvha,
wu dusidwego maganani gwanu.
6 # Wona gambe: Gutu 9:8. Kholu li dzude litigo nya tshivba
li ta dhumela litigo langu,
ni vathu nya vangi nyamba tidwa ni tengo wawe;
magwaha yawe ma gu fanana ni magwaha nya nghala,
na vari ni siwombo nya nghala nya ngadzi.
7Va sasede marembwe yangu nya miuvha,
va kuluwula ngwandzi nya kandzu wangu, va wu dzudzuga vbavbatshi
wu tshala nyambana gilo;
matamo yaye ma kwalala.
8Lila nga nyamahegyane nya likendzi
a ambadego gilendra a lilela mwama waye nya lidzaha.
9Miningelo nya dzimbewu, niyo nya wadwa,
yi mwalo gambe Nyumbani ga Pfhumu Nungungulu;
vaphasi nya mhamba a gu sithumi sa Pfhumu Nungungulu,
va swihade.
10Va sasede lithembwe,
litigo lomo gililoni,
kholu va ghohetede tirigu,
wadwa nya dosi nya dziuvha,
mafura kha ma manegi gambe.
11Valimi va va vbede tshivba,
va yali nya miuvha va womba huwa
khu kotani nya tirigu ni mala,
kholu dzimbewu dza mahangeni dzi fuvisidwe.
12Miuvha yi bangide,
gu wu na ni kandzu;
dimwa, ni ngindru ni manga;#1:12 Vambe khavo Hopola simbo nya gu velege masa.
misimbo yatshavbo ya mahangeni yi bangide
gu fuva litsako vbakari nya sanana nya vathu.
13Enu vaphasi nya mhamba, ambalani silendra mu lila;
wombani huwa enu mu thumelago vbagiluvelotunu;
belani na mu ambade silendra,
mu lila wutshigu watshavbo,
enu mu thumelago Nungungulu wangu;
kholu miningelo nya dzimbewu niyo nya wadwa,
kha yi ningedwi gambe Nyumbani ga Nungungulu wanu.
14Dzi agiseleni litshigu nya guhale,
tivisani litshigu nya guloledziswe,
mu tombanisa madhota ni vatshavbo vavbanyi va tigoni momu,
Nyumbani ga Pfhumu Nungungulu wanu,
mu lila ga Pfhumu Nungungulu.
15 # Wona gambe: Isa 13:6. Yowe! Litshigu lile!
Kholu litshigu la Pfhumu Nungungulu lomo vbafuvbi.
16Ina kha ha dzegedwa guhodza na hi gu si wona khu maho yathu, gani?
Ina gutsaka ni gunengela kha ga
fuviswa Nyumbani ga Nungungulu wathu, gani?
17Mbewu yi hinide vbavbatshi nya mafu,
sisangala si tshade nyambana gilo ni sithathe si pfhungumudwe,
kholu tirigu yi bangide.
18Sifuyo si ngu keta, mitshambi nya dzimombe yomo vbakari nya pfilupfilu,
kholu wu mwalo wuhaviselo;
ni mitshambi nya dzinvuta niyo yomo gutshanisekani.
19Nyi ngu lila avbo gwago uwe Pfhumu Nungungulu,
kholu nilo wu vbiside mahawo ya giwulani,
ni malavbelavbe nya nilo ma khondriside misimbo yatshavbo ya khabini.
20Ni sirengo sa khabini niso si ngu lila gwago,
kholu mitsongo yi bangide,
ni nilo wu vbiside mahawo ya giwulani.
Currently Selected:
Joyele 1: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
