Hoseya 1
1
Dzegano wa Hoseya
1 # Wona gambe: 2 Dzipf 15:1-7; 2 Dzik 26:1-23; 2 Dzipf 15:32-38; 2 Dzik 27:1-8; 2 Dzipf 16:1-20; 2 Dzik 28:1-27; 2 Dzipf 18:1—20:21; 2 Dzik 29:1—32:33; 2 Dzipf 14:23-29. Aya khu magana Pfhumu Nungungulu a nga embela Hoseya, mwamana wa Bheyeri, matshiguni ya Uziya, Jothamo, Akazi ni Ezekhiya, vafumeli va Judha, matshiguni ga Jerobhowamo, mwamana wa Jowasi, mufumeli wa Israyeli.
2Guhegulani nya magana ya Pfhumu Nungungulu a nga phela gu ganela ga Hoseya, a di ganela, khuye: “Indra, u ya dzega nyamayi nya gibhayi a na gu velegela sanana nya wubhayi, kholu litigo li giride wubhayi, va ndreya ndzilani ga Pfhumu Nungungulu.” 3Khu guralo, uye a diya dzegana ni Ghomeri, nyamahegyane wa Dhibhalayimi, uye a di khura mimba a mu velegela gyanana nya gikhwathana. 4Khavbo avbo, Pfhumu Nungungulu a di embela Hoseya, khuye: “Mu riye lina la Jezireyeli, kholu kha nyi na hwela gu tsayisa mufumo wa Jewu, nyi fuvisa mufumo wa linyumba la Israyeli. 5Khilo litshigu lolo, nyi na fanyeledzelago wulaho wa Israyeli kovani ga Jezireyeli.”
6Ghomeri a di engedza a khura mimba a velega gyanana nya nyamahegyane. Khavbo avbo, Pfhumu Nungungulu a di mu embela, khuye: “Mu riye lina la Lo-Ruwama, kholu eni gima kha nya na ngapwa gambe gisiro khu nyumba ya Israyeli, nyi na mu dzegela satshavbo. 7Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”
8Hwane nya gu bani na lumude Lo-Ruwama, Ghomeri a di velega gimbe gyanana nya gikhwathana. 9Pfhumu Nungungulu a di mu embela, khuye: Mu riye lina la Lo-Ami, gutshamusago gupwani khandri vathu vangu, kholu kha mwi vathu vangu, eni neni kha nyiri Nungungulu wanu.
10Aholu va na Israyeli, tengo wawe wu nga na gu simama gu andra nga fungu wa phwani wu si kodzwigo gu pimwa ambari gu sayedwa. Aholu, avbo gu nga bani gu ganedwa gupwani: “Enu mu dirisi vathu vangu.” Va na embedwa pwani: “Enu mu vathu va Nungungulu a vbanyago.” 11Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.
Currently Selected:
Hoseya 1: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
