Ezekiyeli 45
45
Malanga ya Nungungulu, tigoni ga Israyeli
(Jeremiya 14:1)
1“Avbo enu mu na kabanelanago litigo khu sipandre, gasi gu ningwa mahundzu ya Israyeli, mu na vega phuvbo gipandre gimwegyo kha nga gipandre gi phasedwego Pfhumu Nungungulu, na giri ni magumavili na livbandre magumi mazana (25.000) mikono; #45:1 Covado khu Gihebheru, a diri pimo nya ndronga va nga bani va pima khuwo, wu diri pimo nya gipandre nya meturo 50cm.gulapha nya gipandre gegi gu na bani guri ni magumavili na livbandre magumi mazana (25. 000) mikono, guanama, likhumi magumi mazana (10. 000); gipandre gegi gi na bani gi kategide. 2Gipeto gyogyo, gipandre gimwegyo gi na manegago na giri idzosaye khu maphuvbo yatshavbo, khu pimo nya livbandre mazana mikono (250) dzimetro maphuvbo yatshavbo, gi na lumba Wulanga nya Guage, na gi randredwe khu wulanga wu tulegidego, na wuri ni pimo nya livbandre magumi mikono (25) dzimetro. 3Ga gipandre gegi nya Guage u na kasa gipandre gi gu ni pimo nya likhumi na dzimbili dzikilometro ni gipandre gulapha, (12,5 km) ni livbandre dzikilometro guanama (5km). Avbovbo gu na bani guri ni nyumba nya Guage, Wulanga nya Guage Ngudzu. 4Egi gi na bani giri gipandre nya gukatege nya mafu gi lumbago vaphasi nya mhamba; avo va na thumelago wulangani nya guage, khavbo, va na hidzimela guta thumela Pfhumu Nungungulu. Vbale gu na manega ni dzindranga dzawe, gumogo ni wulanga nya guage nya Nyumba ya Nungungulu. 5Gipandre gi na gu bani giri likhumi na dzimbili dzikilometro ni gipandre gulapha, ni livbandre dzikilometro guanama, gi na lumba va na Levhi, avo va na thumelago Nyumbani ga Nungungulu; igyogyo, gi na bani giri gipandre gyawe nya thomba gasi va vbaha umo dzinyumba dzawe; va na vbaha umo, magumavili dzinyumba.”
6“Gasi khu gipandre nya lidhoropa, guanama mu na pima dzikilometro dzimbili ni gipandre, ni likhumi na dzimbili dzikilometro ni gipandre gulapha, mbeli nya gipandre nya guage, igyo gi na lumbago va na Israyeli vatshavbo.”
Gipandre gya mufumeli
7Muthangeli, a na piledwa gipandre gyaye ga wulanga wowu wu khadego khu eno ni eno nya wulanga nya guage ni thomba nya lidhoropa, mbeli nya gipandre nya guage ni mbeli nya thomba nya lidhoropa, khu phuvbo ga Muhwadambo ni Khugadambo; gi ladza kala phuvbo ga Muhwadambo, ni phuvbo ga Khugadambo, gukhugela vbinganoni wa Muhwadambo kala vbinganoni wa Khugadambo. 8“Litigo leli li na bani liri thomba yaye tigoni ga Israyeli; vafumeli vangu gima kha va na nga tshanisa gambe vathu vangu; gambe, va na kabanisela litigo ga va na Israyeli, gukhedza khu lihundzu lawe.”
Siguruvedzo sa valamuli
9Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu. 10#Wona gambe: Levh 19:36. Thumisani gikalo nya gyadi nya gululame, efa nya wadi ni kanvu nya wadi. 11Efa ni kanvu si na khale na siri nya pimo moyo, esi si gu khiso: Deva wu na manege ni pimo nya gipandre nya likhumi nya homeri, ni efa nuwo gipandre nya likhumi nya homeri;#45:11 homeri a diri pimo nya gupime dzimbewu dzi anegidwego dzi banga: Nya nga sivbila, mala ni simbe ni simbe. gukhedza khu homeri a nga bani ari uwo pimo waye. 12Sekeli yi na bani yiri magumavili mipimo. Magumavili dzisikulu, ni magumavili na livbandre dzisekeli, ni likhumi na livbandre dzisikulu, dzi na gira pimo nya wukhongolo gwanu wu ranwago pwani mina.
13“Owu wu na bani wuri ningelo nya guage mu yelago gu wu gira: Gitundru nya tirigu, gipandre nya livbandre na gimwegyo nya efa nya homeri ni homeri, ni dzimbewu gambe nya gutshindrwe, gipandre nya livbandre na gimwegyo nya efa khu homeri ni homeri. 14Ningelo nya mafura mu na pima gipandre nya likhumi nya kanvu wu ranwago Kore nya guduge khuno nya homeri, kholu likhumi mikanvu ya gu enedza homeri. 15Guvbwetega gambe gu dzega nvuta ga tshambi ni tshambi nya mazana mavili (200) dzinvuta dza wuhaviseloni nya gunyuge wa Israyeli. Satshavbo si gira miningelo nya guhodze ni miphaso nya guvbiswe, ni dzimhamba nya pwanano, gasi gu girwa ditshedzo nya sighoho nya vathu; a ngu ganela Mune Pfhumu Nungungulu. 16Vathu vatshavbo va tigoni va na gira mihengo, gasi gu gira ningelo yoyu ga mufumeli wa Israyeli. 17Miphaso nya guvbiswe yi na duswa khu mufumeli, ni miningelo nya guhodze, ni miphaso nya Mibuzo nya gumege nya Ngima ni dzisabhadho, ni mibuzo yatshavbo ya va na Israyeli; uye kamwe a na ningela miningelo nya guhandze sighoho, ni miningelo nya dzimbewu, ni phaso nya guvbiswe, gumogo ni miphaso nya pwanano, gasi gu gira ditshedzo ya va na Israyeli.”
Miningelo nya mwaga Wuphya
(Ekisodha 12:1-20)
18“Mune Pfhumu Nungungulu, a ngu ganela kharati, khuye: Khu ngima nya guphele, khu litshigu nya guhegule nya ngima, u na dzega gimombyana gimwegyo nyambana libawa, u agisa khigyo wulanga nya miphaso.” 19Muphasi nya mhamba a na dzega novba wakone a todza khuwo vbamihasimotunu nya nyumba, ni maphuvbo ya mana, numo nya sigandro nya giluvelo, ni vbamihasimotunu nya mwanya nya likupakupa la ndrani nya Nyumba ya Nungungulu. 20U na gira gambe kharati khu litshigu nya livbandre na mavili nya ngima, khu kotani nya avo va ghohago khu gu mbati mwendro khu guphazama; kharati mu na handza Nyumba ya Nungungulu.
Umo nya Phasika
(Ekisodha 12:18)
21 # Wona gambe: Mit 28:16-25. Khu litshigu nya likhumi na mana, nya ngima nya guhegule, mu na hodza Phasika, buzo nya livbandre na mavili matshigu; mu na hodzani gibaba nyambana mela. 22Khu litshigu lolo la limwedo, mufumeli khu uye, gumogo ni vathu vatshavbo va mafuni, a na dongisela lirole nya gugire khilo phaso waye, uye gumogo ni wa vathu vatshavbo va tigoni, gasi gu gira phaso nya guhandze sighoho. 23Khu litshigu ni litshigu, gipimo nya livbandre na mavili matshigu nya buzo, uye a na dongisela livbandre na mavili marole ni livbandre na dzimbili dzihamba nyambana mabawa, gasi gu gira phaso waye nya guvbiswe ga Pfhumu Nungungulu, ni nyamabhongwe gasi gu gira phaso nya guhandze sighoho. 24A na dongisela gambe ningelo moyo nya dzimbewu; efa mweyo khu lirole ni lirole, ni efa mweyo khu hamba ni hamba, efa mweyo, ni deva moyo nya mafura khu efa ni efa.
Buzo nya Mitshatsha
(Levhi 23:33-43)
25 # Wona gambe: Levh 23:33-36. Khu litshigu nya likhumi na livbandre, nya ngima nya livbandre na wuvili, ndrani nya livbandre na mavili matshigu nya buzo, a na gira idzosaye: Ningelo wa wumowo gasi gu handza sighoho, phaso wa wumowo nya guvbiswe, ningelo wa wumowo ni gipandre gya gimwegyo nya mafura.
Currently Selected:
Ezekiyeli 45: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
