Ekisodha 39
39
Guambala ga vaphasi nya mhamba
(Ekisodha 28:2-43)
1Khu mwendra nya livala nya nga la damboni, ni giwunguwungu, ni guvbyuga, va di gira dzingandzu nya miphaso gasi gu dzi thumisa nyumbani nya guage. Va di gira gambe dzingandzu nya guagiswe dza muphasi nya mhamba Aroni, kha nga edzi Pfhumu Nungungulu a nga leletela khidzo Mosi.
Efodhe
(Ekisodha 28:6-14)
2Va di gira efodhe nya ndralama, nya mwendra nya livala nya nga la damboni, nya giwunguwungu, nya guvbyuge ni linyu nya gulugwe. 3Va di pfhula ndralama va yi ladza va yi kwaya yi khala dzingodzi va dzi lugela ni mwendra nya livala nya nga la damboni, ni giwunguwungu, ni guvbyuga ni linyu nya wuzundzo va lugela khu wumeseri ni wugengeli. 4Va di vega dzingodzi dzimbili dza magatani dzitshokha dzakone dzi hungana mahegiso. 5Keka wakone wu hungago ni gu tiyisa efodhe wulugedwa idzosaye; khu ndralama ni mwendra nya livala nya nga la damboni, ni giwunguwungu, ni guvbyuga ni dzikhindra nya linyu, kha nga idzo Pfhumu Nungungulu a nga rumelago khidzo Mosi. 6Va di namegedzela siwindri nya lisima nya onikisi ni sikhweletedzo nya ndralama, na va lovide malina nya sanana sa Israyeli, khu gu bethedwa vbasiwindritunu kha nga idzo va lovago khidzo avbo nya phera nya gifungo. 7Si di vegedzwa gwadi magatani nya efodhe, kha nga siwindri nya gialakanyiso nya sanana sa Israyeli, kha nga idzo Pfhumu Nungungulu a nga leletelago khidzo Mosi.
Gikhweso gya vbakhanatunu
(Ekisodha 28:15-30)
8A di lugela gambe gikhweso gya vbakhanatunu “thumo nya wumeseri” kha nga Efodhe: Khu ndralama ni mwendra nya livala nya nga la damboni, ni giwunguwungu, ni guvbyuga ni linyu nya gulugwe. 9Gi diri ni maphuvbo mana nya idzosaye, na gi petidwe, na giri ni pimo nya gyandza gulapha ni gyandza guanama. 10Va di sasamedzela avbo ndzarara dzina nya siwindri nya lisima a gu edzi: Ga ndzarara nya guhegule va di namega rubi, topaziyo, karibhukulu ni korinalina; 11ga ndzarara nya wuvili, esmeralidha ni safira ni dhayimane; 12ga ndzarara nya wuraru va di namega opala, agata ni ametista; 13ga eyi nya wu na, krizolito, onikisi ni jaspe. Siwindri sesi satshavbo si di namegedzedwa malangani yawe khu ndralama. 14Siwindri sesi nya likhumi na sivili si vegidwe khu gulandrelana nya malina nya sanana sa Israyeli, avba nya giwindri ni giwindri gu lovidwe lina limwedo nya aya nya likhumi na mavili mahundzu khu gu bethwa kha nga idzo va lovago khidzo avba nya phera nya gifungo. 15Va di gira gambe dziketane nya ndralama nya guhutwe, dzi vborwa kha nga dzingodzi gasi gu hunga gikhweso gya vbakhanatunu. 16Va di gira gambe sikhweletedzo sivili nya ndralama ni masindra mavili nya ndralama ma vegwa dzikhonani dza dzimbili nya gikhweso gya vbakhanatunu. 17Va di vbulela dzingodzi nya ndralama umo nya masindra ya mudzikhonani nya gikhweso gya vbakhanatunu. 18Dzimbe dzitshoka nya dzingodzi dzi di hungwa omu nya sikhweletedzo dzi ta mola avba nya magata nya efodhe khu mbeli gakone. 19Va di gira gambe masindra mavili nya ndralama va vega mahegiso nya dzikhona dza dzimbili nya gikhweso khu phuvbo ga ndrani gu kuhanago ni efodhe. 20Va di gira mambe masindra mavili nya ndralama ma gu sonedwa vbamagatatunu ya mavili nya efodhe, khu phuvbo ga vbavbandze avba dzi ta tshanganago vbakekatunu nya efodhe. 21Va di hunga gikhweso gya vbakhanatunu, va hunga masindra yaye avbo nya aya nya efodhe khu ngodzi nya gulugwe khu dzikhindra mwendra nya livala nya nga la damboni, gasi gu tiyisa gikhweso gya vbakhanatunu vbatshani nya keka nya efodhe, gi fela gumba hanahana, kha nga idzo Pfhumu Nungungulu a nga leletelago khidzo Mosi.
Gifenengelo ni ngandzu
(Ekisodha 28:31-43)
22Va di gira gifenengelo nya efodhe, gi lugidwego gyatshavbo khu mwendra nya livala nya nga la damboni. 23Gifenengelo gi di podwe vbakari gukhwatshi thamo nya gikatawu na gi tiyisidwe dzuwulugo watshavbo gasi gi si pferugi. 24Va di mburisela dzibambe nya gifenengelo khu maroma nya gugirwe khu mwendra nya livala nya nga la damboni ni giwunguwungu ni guvbyuga dzuwulugo watshavbo khu dzikhindra nya gumbure. 25Va di gira nyangendre nya ndralama nya guhutwe, va hungelela gimwegyo ni gimwegyo vbakari nya maroma, khu mahegiso gulandra dzuwulugo watshavbo nya gifenengelo. 26Si di ningedzana, liroma ni nyangendre, nyangendre ni liroma, gulandra dzuwulugo watshavbo nya gifenengelo nya thumo nya wukhozeli, kha nga idzo Pfhumu Nungungulu a nga leletelago khidzo Mosi.
27Va di gira gambe dzingandzu dza Aroni ni sanana saye, dzingandzu dzodzo dzi di lugwa khu linyu nya wuzundzo nya gulugedwe, 28gihugu nya linyu nya wuzundzo, sihugu nya sidugwane nya thumo nya wukhozeli ni sikhunyula nya linyu nya wuzundzo, 29ni keka nya dzingodzi nya linyu nya wumburi ni mwendra nya livala nya nga la damboni, nya giwunguwungu, nya guvbyuge, wu lugidwego khu wumeseri kha nga idzo Pfhumu Nungungulu a nga leletelago khidzo Mosi.
30Va di gira libhareti nya ndralama nya guhutwe; va li namega vbagihugutunu nya guagiswe; va lova vbalibharetitunu nya ndralama khu gukenya, kha nga idzo va lovago khidzo vbapheratunu nya gifungo, khavo: “A phasedwego Pfhumu Nungungulu.” 31Va di li hunga khu ngodzi nya mwendra nya livala nya nga la damboni mbeli nya gihugu khu vbavbatshi gakone, gasi gu mola libhareti kha nga edzi Pfhumu Nungungulu a nga leletago Mosi.
Vameseri va ngu bikela thumo ga Mosi
(Ekisodha 35:10-19)
32Khu kharati, va di vbedza thumo watshavbo nya guvbahe Wulanga nya Guage, Tshatsha nya Tshangano; sanana sa Israyeli si thumide satshavbo esi Pfhumu Nungungulu a leletedego Mosi. 33Khavbo avbo, va di bikela Wulanga nya Guage ga Mosi, tshatsha ni sombo satshavbo si lumbago umo a gu esi: Sipharo, mapulango, mitalatsi, madingo ni dzitshina; 34wupfhulelo nya malowo nya dzinvuta nya guthedwe nyiwa nya gufuvile, wupfhulelo nya malowo nya wuzundzo, mwendra nya makhuvi; 35ngasa nya gidzumeledzwano ni mipingo yaye ni gikhalo nya ditshedzo. 36Meza ni sombo saye satshavbo ni sibaba nya miphaso; 37gidzigaredzo nya dzikandriya nya ndralama nya guhutwe ni dzikandriya dzatshavbo na dzi sasamedzedwe gwadi, ni sombo saye satshavbo, ni mafura nya dzikandriya. 38Giluvelo nya ndralama, mafura nya gutodze ni libani nya gunungele gwadi; mwendra wa vbamwanyatunu nya Tshatsha; 39giluvelo ni gihuto nya sugu, mipingo ni sombo saye satshavbo; ginamelo ni girandro gyaye ni madingo yaye, ni dzitshina ni mwendra nya gusege vbamwanya nya likupakupa; 40mwendra nya likupakupa ni madingo yaye, ni dzikhogo dzaye, ni dzingodzi ni sombo satshavbo esi si vbwetegago gu thumela wulanga nya guage, Tshatshani nya Tshangano; 41guambala gu mburisidwego nya mithumo nya wukhozeli ya Wulangani nya Guage, nya dzingandzu nya guage, dza muphasi nya mhamba Aroni ni dzingandzu nya miphaso dza sanana saye, gasi va thuma wuphasi nya mhamba.
42Sanana sa Israyeli si giride mithumo yatshavbo, khu gu landrisa sileletelo satshavbo esi Pfhumu Nungungulu a ningidego Mosi. 43Khu guralo, Mosi a di khedzisa thumo watshavbo, a wona gukhuye wu gimbide gukhedza khu edzi Pfhumu Nungungulu a mu rumidego khidzo nyamba tshiya gilo. Mosi a di va kategisa.
Currently Selected:
Ekisodha 39: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Ekisodha 39
39
Guambala ga vaphasi nya mhamba
(Ekisodha 28:2-43)
1Khu mwendra nya livala nya nga la damboni, ni giwunguwungu, ni guvbyuga, va di gira dzingandzu nya miphaso gasi gu dzi thumisa nyumbani nya guage. Va di gira gambe dzingandzu nya guagiswe dza muphasi nya mhamba Aroni, kha nga edzi Pfhumu Nungungulu a nga leletela khidzo Mosi.
Efodhe
(Ekisodha 28:6-14)
2Va di gira efodhe nya ndralama, nya mwendra nya livala nya nga la damboni, nya giwunguwungu, nya guvbyuge ni linyu nya gulugwe. 3Va di pfhula ndralama va yi ladza va yi kwaya yi khala dzingodzi va dzi lugela ni mwendra nya livala nya nga la damboni, ni giwunguwungu, ni guvbyuga ni linyu nya wuzundzo va lugela khu wumeseri ni wugengeli. 4Va di vega dzingodzi dzimbili dza magatani dzitshokha dzakone dzi hungana mahegiso. 5Keka wakone wu hungago ni gu tiyisa efodhe wulugedwa idzosaye; khu ndralama ni mwendra nya livala nya nga la damboni, ni giwunguwungu, ni guvbyuga ni dzikhindra nya linyu, kha nga idzo Pfhumu Nungungulu a nga rumelago khidzo Mosi. 6Va di namegedzela siwindri nya lisima nya onikisi ni sikhweletedzo nya ndralama, na va lovide malina nya sanana sa Israyeli, khu gu bethedwa vbasiwindritunu kha nga idzo va lovago khidzo avbo nya phera nya gifungo. 7Si di vegedzwa gwadi magatani nya efodhe, kha nga siwindri nya gialakanyiso nya sanana sa Israyeli, kha nga idzo Pfhumu Nungungulu a nga leletelago khidzo Mosi.
Gikhweso gya vbakhanatunu
(Ekisodha 28:15-30)
8A di lugela gambe gikhweso gya vbakhanatunu “thumo nya wumeseri” kha nga Efodhe: Khu ndralama ni mwendra nya livala nya nga la damboni, ni giwunguwungu, ni guvbyuga ni linyu nya gulugwe. 9Gi diri ni maphuvbo mana nya idzosaye, na gi petidwe, na giri ni pimo nya gyandza gulapha ni gyandza guanama. 10Va di sasamedzela avbo ndzarara dzina nya siwindri nya lisima a gu edzi: Ga ndzarara nya guhegule va di namega rubi, topaziyo, karibhukulu ni korinalina; 11ga ndzarara nya wuvili, esmeralidha ni safira ni dhayimane; 12ga ndzarara nya wuraru va di namega opala, agata ni ametista; 13ga eyi nya wu na, krizolito, onikisi ni jaspe. Siwindri sesi satshavbo si di namegedzedwa malangani yawe khu ndralama. 14Siwindri sesi nya likhumi na sivili si vegidwe khu gulandrelana nya malina nya sanana sa Israyeli, avba nya giwindri ni giwindri gu lovidwe lina limwedo nya aya nya likhumi na mavili mahundzu khu gu bethwa kha nga idzo va lovago khidzo avba nya phera nya gifungo. 15Va di gira gambe dziketane nya ndralama nya guhutwe, dzi vborwa kha nga dzingodzi gasi gu hunga gikhweso gya vbakhanatunu. 16Va di gira gambe sikhweletedzo sivili nya ndralama ni masindra mavili nya ndralama ma vegwa dzikhonani dza dzimbili nya gikhweso gya vbakhanatunu. 17Va di vbulela dzingodzi nya ndralama umo nya masindra ya mudzikhonani nya gikhweso gya vbakhanatunu. 18Dzimbe dzitshoka nya dzingodzi dzi di hungwa omu nya sikhweletedzo dzi ta mola avba nya magata nya efodhe khu mbeli gakone. 19Va di gira gambe masindra mavili nya ndralama va vega mahegiso nya dzikhona dza dzimbili nya gikhweso khu phuvbo ga ndrani gu kuhanago ni efodhe. 20Va di gira mambe masindra mavili nya ndralama ma gu sonedwa vbamagatatunu ya mavili nya efodhe, khu phuvbo ga vbavbandze avba dzi ta tshanganago vbakekatunu nya efodhe. 21Va di hunga gikhweso gya vbakhanatunu, va hunga masindra yaye avbo nya aya nya efodhe khu ngodzi nya gulugwe khu dzikhindra mwendra nya livala nya nga la damboni, gasi gu tiyisa gikhweso gya vbakhanatunu vbatshani nya keka nya efodhe, gi fela gumba hanahana, kha nga idzo Pfhumu Nungungulu a nga leletelago khidzo Mosi.
Gifenengelo ni ngandzu
(Ekisodha 28:31-43)
22Va di gira gifenengelo nya efodhe, gi lugidwego gyatshavbo khu mwendra nya livala nya nga la damboni. 23Gifenengelo gi di podwe vbakari gukhwatshi thamo nya gikatawu na gi tiyisidwe dzuwulugo watshavbo gasi gi si pferugi. 24Va di mburisela dzibambe nya gifenengelo khu maroma nya gugirwe khu mwendra nya livala nya nga la damboni ni giwunguwungu ni guvbyuga dzuwulugo watshavbo khu dzikhindra nya gumbure. 25Va di gira nyangendre nya ndralama nya guhutwe, va hungelela gimwegyo ni gimwegyo vbakari nya maroma, khu mahegiso gulandra dzuwulugo watshavbo nya gifenengelo. 26Si di ningedzana, liroma ni nyangendre, nyangendre ni liroma, gulandra dzuwulugo watshavbo nya gifenengelo nya thumo nya wukhozeli, kha nga idzo Pfhumu Nungungulu a nga leletelago khidzo Mosi.
27Va di gira gambe dzingandzu dza Aroni ni sanana saye, dzingandzu dzodzo dzi di lugwa khu linyu nya wuzundzo nya gulugedwe, 28gihugu nya linyu nya wuzundzo, sihugu nya sidugwane nya thumo nya wukhozeli ni sikhunyula nya linyu nya wuzundzo, 29ni keka nya dzingodzi nya linyu nya wumburi ni mwendra nya livala nya nga la damboni, nya giwunguwungu, nya guvbyuge, wu lugidwego khu wumeseri kha nga idzo Pfhumu Nungungulu a nga leletelago khidzo Mosi.
30Va di gira libhareti nya ndralama nya guhutwe; va li namega vbagihugutunu nya guagiswe; va lova vbalibharetitunu nya ndralama khu gukenya, kha nga idzo va lovago khidzo vbapheratunu nya gifungo, khavo: “A phasedwego Pfhumu Nungungulu.” 31Va di li hunga khu ngodzi nya mwendra nya livala nya nga la damboni mbeli nya gihugu khu vbavbatshi gakone, gasi gu mola libhareti kha nga edzi Pfhumu Nungungulu a nga leletago Mosi.
Vameseri va ngu bikela thumo ga Mosi
(Ekisodha 35:10-19)
32Khu kharati, va di vbedza thumo watshavbo nya guvbahe Wulanga nya Guage, Tshatsha nya Tshangano; sanana sa Israyeli si thumide satshavbo esi Pfhumu Nungungulu a leletedego Mosi. 33Khavbo avbo, va di bikela Wulanga nya Guage ga Mosi, tshatsha ni sombo satshavbo si lumbago umo a gu esi: Sipharo, mapulango, mitalatsi, madingo ni dzitshina; 34wupfhulelo nya malowo nya dzinvuta nya guthedwe nyiwa nya gufuvile, wupfhulelo nya malowo nya wuzundzo, mwendra nya makhuvi; 35ngasa nya gidzumeledzwano ni mipingo yaye ni gikhalo nya ditshedzo. 36Meza ni sombo saye satshavbo ni sibaba nya miphaso; 37gidzigaredzo nya dzikandriya nya ndralama nya guhutwe ni dzikandriya dzatshavbo na dzi sasamedzedwe gwadi, ni sombo saye satshavbo, ni mafura nya dzikandriya. 38Giluvelo nya ndralama, mafura nya gutodze ni libani nya gunungele gwadi; mwendra wa vbamwanyatunu nya Tshatsha; 39giluvelo ni gihuto nya sugu, mipingo ni sombo saye satshavbo; ginamelo ni girandro gyaye ni madingo yaye, ni dzitshina ni mwendra nya gusege vbamwanya nya likupakupa; 40mwendra nya likupakupa ni madingo yaye, ni dzikhogo dzaye, ni dzingodzi ni sombo satshavbo esi si vbwetegago gu thumela wulanga nya guage, Tshatshani nya Tshangano; 41guambala gu mburisidwego nya mithumo nya wukhozeli ya Wulangani nya Guage, nya dzingandzu nya guage, dza muphasi nya mhamba Aroni ni dzingandzu nya miphaso dza sanana saye, gasi va thuma wuphasi nya mhamba.
42Sanana sa Israyeli si giride mithumo yatshavbo, khu gu landrisa sileletelo satshavbo esi Pfhumu Nungungulu a ningidego Mosi. 43Khu guralo, Mosi a di khedzisa thumo watshavbo, a wona gukhuye wu gimbide gukhedza khu edzi Pfhumu Nungungulu a mu rumidego khidzo nyamba tshiya gilo. Mosi a di va kategisa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.