Ekisodha 38
38
Giluvelo nya miphaso nya guvbiswe
(Ekisodha 27:1-8)
1A di gira giluvelo nya miphaso nya guvbiswe khu mapulango nya sena, gi gu na ni livbandre mikono gulapha ni livbandre mikono gugula. Maphuvbo yaye ya mana ma diri ni pimo moyo gugula; aholu gukhugega mikono miraru. 2A di gira dzikeho dzina dzi dugago khu mudzikhonani dza dzina nya giluvelo dzi gira gilo gimwegyo basi ni giluvelo, a dzi londrela khu sugu. 3A di gira sombo satshavbo sa vbagiluvelotunu a gu esi: Siwolelo nya nguma, mafosola, dzimbiya, mikho nya gukhuthe khiyo nilo ni sikalango nya guthele umo magala; satshavbo sombo sesi si di girwa khu sugu. 4Vbagiluvelotunu a di gira gihuto nya sugu a gi vega vbavbatshi nya libhandri nya giluvelo, gi khugega kala vbakari nya giluvelo. 5A di pfhula masindra mana ma tiyisa mudzikhonani dza dzina nya gihuto nya sugu gasi gu bedza khumo mipingo. 6A di gira mipingo khu misimbo nya sena a yi londra khu sugu. 7A di bedza mipingo umo nya masindra ma manegago khu phuvbo ga eno ni phuvbo ga eyi nya giluvelo, gasi gu gi pinga khiyo. A di gira giluvelo khu mapulango gu khala liphanga ndrani gakone.
Ginamelo nya sugu ni likupakupa
(Ekisodha 30:17-21)
8A di gira ginamelo nya sugu ni gidzigaredzo nya sugu nigyo; giride esi khu mabona ya vanyamayi va nga bani va gu thumela nyangwani nya Tshatsha nya Tshangano.
Likupakupa
9Khu hwane a di gira likupakupa khu phuvbo ga Marandzi, a di gira mwendra nya gulugwe khu linyu wu pimago lizana (100) mikono gulapha, 10ni madingo yaye nya magumavili ma tsitsidwego avba nya magumavili dzitshina nya sugu. Sivbaregedzo nya madingo ni mitalatsi si diri sa parata. 11Khu phuvbo ga Wuronga myendra nya makhuvi yi diri ni lizana (100) mikono gulapha, ni madingo yaye nya magumavili dzitshina; sivbaregedzo nya madingo ni mitalatsi yakone nya parata.
12Khu phuvbo ga Muhwadambo, gu di pima livbandre magumi mikono nya mwendra ni likhumi madingo ni likhumi dzitshina, ni sivbaregedzo ni mitalatsi yakone nya parata. 13Khu phuvbo ga Khugadambo, a diri myendra nya makhuvi nya livbandre magumi mikono. 14Myendra yakone nya makhuvi ya vbamwanyatunu, gulapha gwaye yi di enedza likhumi na livbandre mikono ni madingo mararu, ni dzitshina dzitharu. 15Khu limbe liphuvbo la nyangwatunu nya likupakupa, gu diri kharato, maphuvbo ya mavili ya nyangwatunu, gu diri ni makhuvi nya likhumi na livbandre mikono ni madingo mararu ni dzitshina dzaye dza dzitharu. 16Myendra yatshavbo nya makhuvi yi nga bani yi bhiyide likupakupa, yi diri ya linyu nya wumburi. 17Dzitshina nya madingo, dzi di girwa khu sugu, sivbaregedzo nya madingo ni mitalatsi yakone yi diri ya parata.
18Mwendra wa vbamwanyatunu nya likupakupa, wu diri wa livala nya nga la damboni, nya giwunguwungu, nya guvbyuge ni linyu nya gulugwe yi mburisedwa khu wumeseri; yi diri magumavili mikono gulapha, gukhugega ni guanama yi diri ni livbandre mikono, nya gufanane ni myendra nya makhuvi nya likupakupa. 19Madingo ya mana ni dzitshina dzakone, dzi diri dza sugu, sivbaregedzo saye si diri sa parata, mihungo nya madingo yi di londrwa khu parata ni mitalatsi yakone. 20Masindra yatshavbo nya Tshatsha nya Guage ni likupakupa, ma diri nya sugu.
Sasamedzo nya silo nya Tshatsha nya Guage
21Owu khu sasamedzo nya silo si thumisidwego vbaguvbahatunu nya Tshatsha nya Guage, a gu nyumba nya wufakazi. Sasamedzo wowu wu giridwe khu Valevhi khu gu leletedwa khu Mosi, va nga thangedwago khu Itamari, gyanana gya Aroni muphasi nya mhamba. 22Bhezaleli, mwamana wa Uri, mwamana wa Huri, nya lihundzu la Judha, a di thuma satshavbo esi Pfhumu Nungungulu a nga leletelago Mosi. 23A di phasedzedwa thumoni khu Awoliyabhi, mwamana wa Ayisamaki, nya lihundzu la Dhani, meseri nya guvate ni gu pimisela, ni gulugela myendra nya livala nya nga la damboni, nya giwunguwungu nya guvbyuge ni linyu nya wuzundzo. 24Tengo watshavbo nya ndralama wu thumisidwego mithumoni gwatshavbo nya guvbahe wulanga nya Guage, ndralama yi dusidwego khu mihengo, yi di tshanganisa magumavili na livbandre na dzina dzitaleta,#38:24 Taleta: Adiri pimo va nga bani va gu wu thumisa gupima khuwo silo; wu diri ni pimo nya magumararu na livbandre dzikilu. ni livbandre na mavili mazana ni magumararu (730) dzisekeli, nya edzi dzi thumiswago nyumbani nya guage. 25Parata yi nga hengwago khu vathu nya tshangano, va nga lovedwago yi di enedza tengo nya lizana (100) dzitaleta ni likhumi na livbandre na mavili mazana ni livbandre na mavili magumi ni livbandre (1775) dzisekeli gukhedza khu pimo nya sekeli nya wulanga nya guage. 26#Wona gambe: Mat 17:24; Eks 30:11-16. Muthu ni muthu a di dusa gipandre nya sekeli gukhedza khu pimo nya sekeli ya nyumbani nya guage. Vama vatshavbo va lovedwego gukhugela ava nya tanga nya magumavili myaga guya mbeli, va di livba idzosaye. Va tshanganisa livbandre na limwedo magumi ni magumararu na livbandre mazana ni livbandre magumi (603.550) vama. 27Lizana dzitaleta nya parata va di dzi thumisa gu pfhula khidzo dzitshina nya nyumba nya guage ni edzi nya mwendra nya makhuvi; lizana dzitshina dzi di dzega lizana dzitaleta; gu nonedza gu pwani litshina ni litshina li di dzega talenta mweyo. 28Khu dzile nya likhumi na livbandre na mavili magumi mazana ni livbandre na mavili magumi ni livbandre (1775) dzisekeli, gu giridwe sivbaregedzo nya madingo, ni gu londra mihungo nya madingo, ni gu gira mitalatsi nya guhunge madingo. 29Sugu nya miningelo wu tshanganiside livbandre na mavili magumi (70) dzitaleta ni magumavili na mana mazana (2.400) dzisekeli. 30Va wu thumiside gu gira dzitshina dza mwanyatunu nya Tshatsha nya Tshangano, giluvelo nya sugu, ni sombo satshavbo sa vbagiluvelotunu, 31Dzitshina nya likupakupa ni mwanya wa likupakupani, ni sikhwelekedzo satshavbo nya Wulanga nya Guage ni sikhwelekedzo satshavbo si dzundrulugelago likupakupa.
Currently Selected:
Ekisodha 38: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Ekisodha 38
38
Giluvelo nya miphaso nya guvbiswe
(Ekisodha 27:1-8)
1A di gira giluvelo nya miphaso nya guvbiswe khu mapulango nya sena, gi gu na ni livbandre mikono gulapha ni livbandre mikono gugula. Maphuvbo yaye ya mana ma diri ni pimo moyo gugula; aholu gukhugega mikono miraru. 2A di gira dzikeho dzina dzi dugago khu mudzikhonani dza dzina nya giluvelo dzi gira gilo gimwegyo basi ni giluvelo, a dzi londrela khu sugu. 3A di gira sombo satshavbo sa vbagiluvelotunu a gu esi: Siwolelo nya nguma, mafosola, dzimbiya, mikho nya gukhuthe khiyo nilo ni sikalango nya guthele umo magala; satshavbo sombo sesi si di girwa khu sugu. 4Vbagiluvelotunu a di gira gihuto nya sugu a gi vega vbavbatshi nya libhandri nya giluvelo, gi khugega kala vbakari nya giluvelo. 5A di pfhula masindra mana ma tiyisa mudzikhonani dza dzina nya gihuto nya sugu gasi gu bedza khumo mipingo. 6A di gira mipingo khu misimbo nya sena a yi londra khu sugu. 7A di bedza mipingo umo nya masindra ma manegago khu phuvbo ga eno ni phuvbo ga eyi nya giluvelo, gasi gu gi pinga khiyo. A di gira giluvelo khu mapulango gu khala liphanga ndrani gakone.
Ginamelo nya sugu ni likupakupa
(Ekisodha 30:17-21)
8A di gira ginamelo nya sugu ni gidzigaredzo nya sugu nigyo; giride esi khu mabona ya vanyamayi va nga bani va gu thumela nyangwani nya Tshatsha nya Tshangano.
Likupakupa
9Khu hwane a di gira likupakupa khu phuvbo ga Marandzi, a di gira mwendra nya gulugwe khu linyu wu pimago lizana (100) mikono gulapha, 10ni madingo yaye nya magumavili ma tsitsidwego avba nya magumavili dzitshina nya sugu. Sivbaregedzo nya madingo ni mitalatsi si diri sa parata. 11Khu phuvbo ga Wuronga myendra nya makhuvi yi diri ni lizana (100) mikono gulapha, ni madingo yaye nya magumavili dzitshina; sivbaregedzo nya madingo ni mitalatsi yakone nya parata.
12Khu phuvbo ga Muhwadambo, gu di pima livbandre magumi mikono nya mwendra ni likhumi madingo ni likhumi dzitshina, ni sivbaregedzo ni mitalatsi yakone nya parata. 13Khu phuvbo ga Khugadambo, a diri myendra nya makhuvi nya livbandre magumi mikono. 14Myendra yakone nya makhuvi ya vbamwanyatunu, gulapha gwaye yi di enedza likhumi na livbandre mikono ni madingo mararu, ni dzitshina dzitharu. 15Khu limbe liphuvbo la nyangwatunu nya likupakupa, gu diri kharato, maphuvbo ya mavili ya nyangwatunu, gu diri ni makhuvi nya likhumi na livbandre mikono ni madingo mararu ni dzitshina dzaye dza dzitharu. 16Myendra yatshavbo nya makhuvi yi nga bani yi bhiyide likupakupa, yi diri ya linyu nya wumburi. 17Dzitshina nya madingo, dzi di girwa khu sugu, sivbaregedzo nya madingo ni mitalatsi yakone yi diri ya parata.
18Mwendra wa vbamwanyatunu nya likupakupa, wu diri wa livala nya nga la damboni, nya giwunguwungu, nya guvbyuge ni linyu nya gulugwe yi mburisedwa khu wumeseri; yi diri magumavili mikono gulapha, gukhugega ni guanama yi diri ni livbandre mikono, nya gufanane ni myendra nya makhuvi nya likupakupa. 19Madingo ya mana ni dzitshina dzakone, dzi diri dza sugu, sivbaregedzo saye si diri sa parata, mihungo nya madingo yi di londrwa khu parata ni mitalatsi yakone. 20Masindra yatshavbo nya Tshatsha nya Guage ni likupakupa, ma diri nya sugu.
Sasamedzo nya silo nya Tshatsha nya Guage
21Owu khu sasamedzo nya silo si thumisidwego vbaguvbahatunu nya Tshatsha nya Guage, a gu nyumba nya wufakazi. Sasamedzo wowu wu giridwe khu Valevhi khu gu leletedwa khu Mosi, va nga thangedwago khu Itamari, gyanana gya Aroni muphasi nya mhamba. 22Bhezaleli, mwamana wa Uri, mwamana wa Huri, nya lihundzu la Judha, a di thuma satshavbo esi Pfhumu Nungungulu a nga leletelago Mosi. 23A di phasedzedwa thumoni khu Awoliyabhi, mwamana wa Ayisamaki, nya lihundzu la Dhani, meseri nya guvate ni gu pimisela, ni gulugela myendra nya livala nya nga la damboni, nya giwunguwungu nya guvbyuge ni linyu nya wuzundzo. 24Tengo watshavbo nya ndralama wu thumisidwego mithumoni gwatshavbo nya guvbahe wulanga nya Guage, ndralama yi dusidwego khu mihengo, yi di tshanganisa magumavili na livbandre na dzina dzitaleta,#38:24 Taleta: Adiri pimo va nga bani va gu wu thumisa gupima khuwo silo; wu diri ni pimo nya magumararu na livbandre dzikilu. ni livbandre na mavili mazana ni magumararu (730) dzisekeli, nya edzi dzi thumiswago nyumbani nya guage. 25Parata yi nga hengwago khu vathu nya tshangano, va nga lovedwago yi di enedza tengo nya lizana (100) dzitaleta ni likhumi na livbandre na mavili mazana ni livbandre na mavili magumi ni livbandre (1775) dzisekeli gukhedza khu pimo nya sekeli nya wulanga nya guage. 26#Wona gambe: Mat 17:24; Eks 30:11-16. Muthu ni muthu a di dusa gipandre nya sekeli gukhedza khu pimo nya sekeli ya nyumbani nya guage. Vama vatshavbo va lovedwego gukhugela ava nya tanga nya magumavili myaga guya mbeli, va di livba idzosaye. Va tshanganisa livbandre na limwedo magumi ni magumararu na livbandre mazana ni livbandre magumi (603.550) vama. 27Lizana dzitaleta nya parata va di dzi thumisa gu pfhula khidzo dzitshina nya nyumba nya guage ni edzi nya mwendra nya makhuvi; lizana dzitshina dzi di dzega lizana dzitaleta; gu nonedza gu pwani litshina ni litshina li di dzega talenta mweyo. 28Khu dzile nya likhumi na livbandre na mavili magumi mazana ni livbandre na mavili magumi ni livbandre (1775) dzisekeli, gu giridwe sivbaregedzo nya madingo, ni gu londra mihungo nya madingo, ni gu gira mitalatsi nya guhunge madingo. 29Sugu nya miningelo wu tshanganiside livbandre na mavili magumi (70) dzitaleta ni magumavili na mana mazana (2.400) dzisekeli. 30Va wu thumiside gu gira dzitshina dza mwanyatunu nya Tshatsha nya Tshangano, giluvelo nya sugu, ni sombo satshavbo sa vbagiluvelotunu, 31Dzitshina nya likupakupa ni mwanya wa likupakupani, ni sikhwelekedzo satshavbo nya Wulanga nya Guage ni sikhwelekedzo satshavbo si dzundrulugelago likupakupa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.