Amosi 6
6
Gumbembiswa ga Israyeli
(Isaya 5:11-25)
1Libango ga avo va vbanyago Siyoni na va
khadzisegide,
va dzipwago na va tiyide
gigomoni gya Samariya,
vathu nya guthavisege vbakari nya mayigo nya guhegule,
mayigo ma tumbwago khu va na Israyeli!
2Vbindrani khu dhoropani ga Kaline, mu li wona;
khu vbale indrani kala Hamati nya gukhongolo;
mu relela kala Gati, nya Vafilisitiya.
Ina madhoropa yaya ma mburide guvbindra mifumo yanu, gani?
Mwendro litigo lawe likhongolo
guvbindra lanu, gani?
3Enu mu pimisago gukhenu mwa gu ndreya
ga litshigu nya guvivbe,
gasi mwa gu hidzimela vbafuvbi ni wulanga nya tshanisa.
4Enu mu lalago malawuni nya gugirwe khu magwaha nya ndzofu,
mu dzi ghwimba umo nya masofa yaye,
mu hodzani sinvutana nya tshambi
ni simombyana nya gunone sa mavbandroni,
5mu embelela khu wutsendze nya hwambi
mu dzi girela siwombawomba nya wutsendze nga Dhavhidhe.
6Enu mu selago vbinyu khu mikanvu,
mu tola mafura nya lisima,
gambe kha mu khathali khu gumbembiswa ga Josefa.
7Khu guralo, mu na thangiswa mbeli
ga avo va yiswago wugumbitunu;
gu vbela ni mibuzo ya avo
va nga bani va dzipwa na va tangade.
8 Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye:
Nyi ngu swireka khu matshandza ya Jakobe,
nyi ngu nyenya dzinyumba dzawe nya wufumu;
nyi na ningela lidhoropa ni satshavbo si guromo umo.
9Gu na girega iso nya gu, ambari va gu tshala likhumi vama ga ndranga mweyo, avo navo va nafa. 10A gu manega muthu, nya gute dzega girumbi gya nongo waye, gasi guya gi vbisa, gikhati a tago a ta bela nyumbani, a na embela uye a guromo dzikhonani nya nyumba, khuye: “Ina a nga guromo mumbe muthu omu, gani?” Uye a na khuye ahihi! Aholu uye a na khuye: Degula! Kholu hi mwalo fanelo nya gu dundruge khu lina la Pfhumu Nungungulu.
11Kholu wona nya gukhuwe Pfhumu Nungungulu,
a ngu rumela gukhuye
nyumba nya yikhongolo yi na pfhungumudwe
yi khala marumbi
nyumba nya yidugwana
yi pandreledwa yi khala malufa.
12Ina dzikavalu dzi ngu kodza gu tutuma musiwindrini,
mwendro gulima khu dzimombe, gani?
Khu ginani mu vbindrugedzago gululama gu khala nyongwa,
ni handro nya gululame, wu khala wuhungu.
13Enu mu tsakelago iso nyamba phasa gilo,
mu ganela, khenu:
Ina khandri tshivba yathu hi nga pala khiyo, gani?
14Kholu wonani nya gukhenu
nyi na emisa vbakari gwanu, enu va na Israyeli,
litigo li na guta mu sasela,
a ngu ganela Pfhumu Nungungulu nya Tshivba Yatshavbo,
li nata mi tshanisa
gukhugela dzinyangwani dza Hamati kala gitsongwanani gya panini ga Arabha.
Currently Selected:
Amosi 6: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
