Bheni Siraki 20
20
Guti guganelani
1Gomo gukawuka nyamba phela khu gu wona gikhati
ni wule degulago saye kotani nya guti gwaye.
2I tshukwana gu kawuka khu gwadi,
guvbindra gu wungedzela khorodza;
3ni wule a dzumelago gighoho gyaye,
a ngu vbuluga tsayiso.
4Gufana ni thenwa a dogorelago khu gu pfinya
nyamahegyane nya mburi,
kharato nugo uye a zamago gulamula khu tshivba.
5Womo uye tidwago nari ni guti khu kotani
nya gumba ganela,
ni wule a sodwago khu gu ganela ngudzu.
6Womo wule a degulago, khu gumba kodza
gu hakha,
ni wule a degulago, kholu a ngu giti gikhati
gi vbwetegago.
7Muthu nya guti a gu degula saye a lirela
gikhati gi vbwetegago,
aholu gipumbu nuye nyambana mapimo,
kha va lireli gikhati.
8Uye nya guganele ngudzu a ngu solega,
ni wule nya guganele nyamba hegisa
a ngu vengega muvathuni,
idzo gu mburago khidzo ga uye a yeyedzago
gudzi laya hwane nya gu na kawukidwe;
kholu kharato a na dzi wonela gugira
gighoho kha gwenye;
9lomo libango li tago ga muthu khu kotani
nya gugire mithumo ya yadi,
dzomo dzithomba dzi gu yisago gumbembani.
10Gyomo giningwa nyamba siza gilo,
ni giningwa u tshatshazedwago ngudzu
khigyo.
11Womo wule a manago gumbembiswa
khu thomba yaye,
ni wule a khusegago khu kotani nya
gudzinogise gwaye.
12Womo uye a rengago silo nya singi
khu tengo nya wudugwane,
ni uye a si livbago livbandre na dzimbili
dzinyondro guvbindra tengo waye.
13Muthu nya guti, a gu godwa khu kotani
nya magana yaye,
aholu mathomo ya va nya guhandruga
ma na pfhungumudwa.
14Giningwa nya guningwe khu muthu
nya guvivbedwe khu monyo,
kha gi na gu phasa gilo,
kholu uye a gu ronogede khu livbandre
na mavili maho.
15Uye a na gu ninga vbadugwana,
a gu ganelela dzinyondro nya dzingi;
a gu tula likana laye gu fanana ni muhuweleli;
a gu fuyarisa muhuno, a gu hengula
mindru;
muthu nya nga uyoyu, a ngu nyenyega.
16Muthu nya guvivbedwe khu monyo
wari, khuye: “Nyi mwalo dzipari,
mwalo a nyi bongago khu wuhindzi wangu.”
17Avo va hodzago guhodza gwaye, va na
ni magana nya malipha.
Dzinyondro dzingani va na gu ganelago
guvivba khuye!
Kholu iso a gu naso uye kha si hakha
khu lisine nya ladi,
gu si mana ni gu si hamuga, gwa uye khidzosaye.
18I tshukwana gu dhedhereka u thega
vbavbatshi,
guvbindra gu dzi tshunganisa khu lidimi;
Khidzo kharato gumbemba gwa va nya guvivbedwa khu monyo gu nata khu githugedza.
19Muthu nya dzihanyi, a gu fanana ni
karingane nyamba phasa gilo,
gikhati gyatshavbo yomo kanani ga vathu
nya siphuguphugu.
20Kha yi hakhwi gwadi milayo yi dugago
khu kanani ga muthu nya guvivbedwe khu
monyo,
kholu kha yi ganeli khu gikhati gi vbwetegago.
Milayo nya guhambanelane
21Womo uye a si ghohigo khu gu nari
gisiwana ngudzu,
guhefemulani gwaye kha na nga vetwa khu
livhalo.
22Womo a luzago hefemulo waye, khu kotani
nya guthave vathu,
a wu luza khu gu ningela lisine laye ga muthu nya
guvivbedwe khu monyo.
23Womo a tumbisago malipha pari yaye,
khu gupwa dzitshoni,
a dzi vbwetela, kharati, mahala nala abune.
24Malipha noda nya
dzitshoni ngudzu ga muthu,
ma gu olovela gu dugela maganani ga
vathu nyambana milayo.
25I tshukwana mbafa guvbindra muthu
nya malipha ni guganedza,
aholu vatshavbo thomba yawe khu gu
mbembiswa.
26Olovedzo nya malipha avbo ga muthu
gipoyilo nya gikhongolo,
muthu nya malipha gikhati gyatshavbo
a gu bangaladzwa khu dzitshoni dzaye.
27Muthu nya guti a gu andra guvbanyani
khu magana yaye,
muthu nya mapimo, a ngu tsakisa sitetema.
28Uye a limago mahange yaye,
a na engedzela githunga gyaye,
ni uye a tsakisago sitetema,
a na tsetseledwa a si giredwi
wudambane.
29Dzisagwati ni sihiwa si ngu sega maho ya
va nya guti,
si khala kha nga matomu kanani gwawe,
si thindrekisa sitsayiso.
30Guti gu sihadego, gwa gu fanana ni
thomba yi si wonegigo,
silo sesi sa sivili gasi sa gu phasa ginani?
31I tshukhwana muthu a sihago wupumbu
waye,
guvbindra wule a sihago guti gwaye.
32I tshukwana gusimama gutimisela nyamba
garala khu gu vbweta Pfhumu,
guvbindra guya mbeli ni womi wago nuri
mwalo muhevbudzi.
Currently Selected:
Bheni Siraki 20: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.