Dzindzimo 92
92
Ndzimo nya gudhumise Nungungulu
Ndzimo nya litshigu nya Sabhadho
1Gwadi gu gu bongwa Pfhumu Nungungulu
ni gu rungudza lina lago khu dzindzimo,
uwe u Khusegidego ngudzu,
2gu ngu tsakisa gu huwelela lihaladzo lago na gu ngari dzimindru,
ni gutumbega gwago vbasilambotunu,
3na gu wombwa mihwambi ni mitandrandra,
na gu embeledwa khu sitendre.
4Kholu, sigiro sago Pfhumu Nungungulu si ngu tsakisa;
Nyi na womba kulungwane nyi tsakela thumo nya mandza yago.
5 Pfhumu Nungungulu mithumo yago yikhongolo ngudzu!
Mipimiso yago mi etide ngudzu!
6Sipumbu kha si mati mahungu yaya,
ambari va nya guhandruga kha va si pimi esi.
7Vathu nya guvivbe ambari va dandra kha nga mwasi,
vatshavbo va thumago guvivba va andra,
mahegiso yawe va na mbembiswa kala gupindruga,
8aholu uwe Pfhumu Nungungulu,
u Khusegide kala gupindruga.
9Hi ngu dziti gukhethu valala vago Pfhumu Nungungulu va na mbembiswa,
vatshavbo va girago guvivba va na phalalegiswa.
10Aholu eni u nyi ningide tshivba gukhwatshi kheyi nya nyari,
u nyi todzide hungoni khu mafura yago nya gunungele.
11Nyi na wona khu maho yangu gu thega ga valala vangu,
ni dzindzeve dzangu dzi napwa va nya guvivba, vale va nyi wugelago.
12Va nya gululama va na buga kha nga ngindru,
va dandra nga misimbo nya sedhari ya Libhanoni.
13Avo va yadwego Nyumbani ga Pfhumu Nungungulu,
va na thela matamo dzindzarini nya Nyumba ya Nungungulu wathu.
14Ambari na va gumbide, va na ninga mihandro,
gikhati gyatshavbo va na mana tshivba,
va tala khu womi,
15gasi va tivisa khavo Pfhumu Nungungulu lulamide.
Uye khuye muvhikeli wangu, avbo gwaye gi mwalo nya guvivbe.
Currently Selected:
Dzindzimo 92: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
