Dzindzimo 88
88
Nombelo nya muthu a sanisekago ngudzu
Ndzimo ya sanana sa Kore. Ga muthangeli nya tsawa nya vaembeleli, madwalini. Ndzimo nya sileletelo sa Hemani wa Ezira
1 Pfhumu Nungungulu ni muvbanyisi wangu,
wutshigu ni mihani nyi ngu lila avbo gwago.
2Hakha nombelo wangu,
yingisa gulila gwangu.
3Kholu hefemulo wangu wu garade khu gutshaniseka,
nyi womo vbafuvbi ni gufa.
4Nya gu sayedwa tengoni nya vafi,
kholu nyi vbede tshivba.
5Nyi tshidwe vbakari nya vafi,
khwatshi khu avo va nga songwa vbakari nya litunga,
va keledwego, hi si va alakanyigo gambe,
kholu va dusidwe mandzani gwago.
6U nyi rinyide guetani nya lithowo,
phalani nya guete nya guthise.
7Likhulo lago li ngu nyi lemela,
ni mavimbi yago yatshavbo ma ngu nyi fenengedza.
8U nyi hambaniside ni dzipari dzangu,
u nyi gira muthu nya gunyenyeze mahoni gwawe;
nyi khothedwe kha nga gibotshwa
nyi ngu sindra guduga.
9Maho yangu ma garade khu gu lila;
matshigu yatshavbo nya gu lombelela gwago,
na nyi gu khusedza mandza.
10Ina u na gira siliwugiso sago, u girela avo va fudego, gani?
Ina, vafi va na dzi kodza guwuga, va gu dhumisa, gani?
11Ina va na ganela khu lihaladzo lago
avo va ladego thowoni, gani?
Mwendro gu tivisa lisine lago ga
avo va guromo phalani nya vafi, gani?
12Gululama ni siliwugiso sago, si na dzi wonegisa gusivbalani nya lufu, gani?
Umo silo satshavbo si divadwago, gani?
13Aholu, eni nya gu lila gwago, Pfhumu Nungungulu,
dzimindrudzile, nya gu khusedza nombelo wangu
nyi wu yisa iyo gwago.
14Khu ginani u nyi nyenyago, Pfhumu Nungungulu?
Khu ginani u nyi sihelago khovbe yago?
15Gukhugela wananani gwangu nyi wa gu hodza tshanisa;
ni gu holela lufu vbafuvbi,
u ngu nyi wonisa sigaradzo nya guthise,
olu si ngu nyi vbedza tshivba.
16Likhulo lago li ngu nyi lemela,
mavetelo yago ma ngu nyi rerekisa.
17Likhulo lago la gu nyi talela
kha nga mati matshigu yatshavbo.
18U nyi hambaniside ni dzipari ni vaakelane vangu;
olu nyi tshade ni gidema basi.
Currently Selected:
Dzindzimo 88: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
