Dzindzimo 24
24
Guta ga Mufumeli nya wudhumo
Ndzimo ya Dhavhidhe
1 # Wona gambe: 1 Kor 10:26. Litigo la gu lumba Pfhumu Nungungulu,
ni satshavbo si guromo ga ilo,
mafu ni vatshavbo va vbanyago mafuni.
2Uye mune a li vbahide vbatshani nya yiphwa
a li tiyisa vbatshani nya mitsongo.
3Khu mani a dzi kodzago gu gwela
gigomoni gya Pfhumu Nungungulu?
Khu mani a dzi kodzago gu khala wulangani gwaye
nya guage?
4 # Wona gambe: Mat 5:8. Khu uye a gu ni mandza ma lulamidego
a gu ni monyo wu agidego,
a si tumbigo vanungungulu nya malipha,
a si sambanyigo malipha.
5Uyoyo a na hakha gikategiso
gya Pfhumu Nungungulu,
a na mana gu vhikedwa khu Nungungulu, muvbanyisi waye.
6 # Wona gambe: Dzind 15:1-3. Oyu khu melana nya ava va vbwetago Pfhumu Nungungulu,
ava va vbwetago khovbe yago, uwe Nungungulu wa Jakobe.
7Enu myanya, khusedzani mihungo yanu;
khusegani enu malimba ya gale,
gasi a bela Mufumeli nya Wudhumo!
8Khu mani Mufumeli yoyo nya Wudhumo?
Khu Pfhumu Nungungulu nya Tshivba Yatshavbo,
Khu Pfhumu Nungungulu, mupali nya dzinyimbi.
9Myanya khusedzani mihungo yanu;
khusedzani enu malimba ya gale,
kholu a ngu bela Mufumeli nya Wudhumo.
10Khu mani Mufumeli yoyo nya Wudhumo?
Khu Pfhumu Nungungulu nya Tshivba Yatshavbo.
Khuye a gu Mufumeli nya Wudhumo.
Currently Selected:
Dzindzimo 24: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
