Dzindzimo 16
16
Gunengela nya sihathwa
Ndzimo ya Dhavhidhe
1Nyi vegedze, uwe Nungungulu kholu nya gu tumba uwe.
2Nyi di embela Pfhumu Nungungulu, kheni:
“Uwe Pfhumu yangu,
khuwe thomba yangu yatshavbo;
gimwalo gimbe gilo nya guvbindre uwe.”
3Vanungungulu nya malipha va mafuni, avo va gupwani
va na ni tshivba, avo gale nyi nga bani nyi va khozela,
kha va phasi gilo.
4Avo va khozelago vanungungulu nya malipha,
va gu dzi tadzela vanungungulu, va engedzela gutshaniseka gwawe.
Eni gima kha nyi na hengela navo wughevenga wawe,
likana langu gima kha li na rana malina yawe.
5 Pfhumu Nungungulu, uwe u thomba ni gikombe gyangu,
khuwe u pharidego guvbanya gwangu.
6Nyi kabanisidwe giavelo malangani ma nyi tsakisago,
lisine, nyi ningidwe thomba nya yadi ngudzu.
7Nyi ngu rungudza Pfhumu Nungungulu a nyi layago,
ni vbakari nya wutshigu, monyo wangu wu ngu nyi dundrugisa.
8Gikhati gyatshavbo nya gu vega Pfhumu Nungungulu mbeli gwangu,
khu guralo, uye khade nyamudye gwangu, gima kha nyi na thava gilo.
9Khu guralo, monyo wangu wu ngu nengela,
lidimi langu li ngu kulungela,
ni givili gyangu gi ngu hefemula na gi tangade.
10 # Wona gambe: Mith 13:35. Kholu khu na diga guvbanya gwangu phalani nya vafi;
khu na diga gihathwa gyago gifa.
11 # Wona gambe: Mit 2:25-28. U na nyi yeyedza ndzila nya guvbanye,
nyi na tala khu gutsaka mbeli gwago,
nyi napwa gutshamba nyamudye gwago kala gupindruga.
Currently Selected:
Dzindzimo 16: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
