Dzindzimo 148
148
Sivangwa satshavbo si na dhumise Pfhumu Nungungulu
Ndzimo nya gudhumise Pfhumu Nungungulu!
1Aleluya!
Dhumisani Pfhumu Nungungulu!
A na dhumiswe Pfhumu Nungungulu ndzadzini,
mu dhumiseni enu mu vbanyago vbatshani.
2Dzingilozi dzaye dzatshavbo dhumisani Pfhumu;
mu dhumiseni enu sivangwa satshavbo sa ndzadzini.
3Lidambo ni ngima, si na mu dhumise,
mu dhumiseni enu dzinyeledzi dzatshavbo mu wenengedzago.
4Dzindzadzi nya dzindzadzi, dzi na mu dhumise,
mu dhumiseni enu mati mu guromo vbatshani nya ndzadzi.
5Dhumisani mwatshavbo lina la Pfhumu Nungungulu,
kholu uye a di ruma, si gu vangwa silo satshavbo.
6A si tiyiside malangani gwaye kala gupindruga,
a si ningide nayo si tandregago gu wu yeyisa.
7Mafuni a na dhumiswe Pfhumu Nungungulu,
sirengo nya sikhongolo sa matini ni gueta gwatshavbo nya linene;
8nilo ni maralala, girame ni hunguva;
dziphuvbo nya tshivba mu girago guruma gwaye;
9sigomo satshavbo ni sigomwana;
misimbo nya mihandro ni misimbo yatshavbo nya misedhari;
10sirengo nya likhabi ni sifuyo satshavbo,
sinyoni si vbuvbago ni sirengo si khwirirago khu lididi;
11mu dhumiseni enu vafumeli va mafuni momu ni vathu vatshavbo,
vathangeli ni valamuli vatshavbo nya litigo;
12madzaha ni dzimbiri,
sikhosane ni sanana.
13Mwatshavbo dhumisani lina la Pfhumu Nungungulu,
kholu lina laye li khusegide guvbindra malina yatshavbo;
wudhumo waye wu khusegide vbatshani nya ndzadzi ni mafu.
14Uye a ngu khusedza tshivba ya vathu vaye,
gasi a rungudzwe khu sihathwa saye satshavbo,
gasi a dhumiswe khu vathu vatshavbo va na Israyeli,
a gu vathu a va golago.
Aleluya!
A na dhumiswe Pfhumu Nungungulu!
Currently Selected:
Dzindzimo 148: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
