Dzindzimo 137
137
Gu suva litigo nya mavelego
1Bambe nya mitsongo ya Bhabhiloni,
hi di khala hi lila khu gu dundruga lidhoropa la Siyoni.
2Hi di vbayega sitendre sathu
matamoni nya sivbewu sa matsongoni,
3kholu avo va nga hi vbagela va hi yisa wugumbini
va di hi lomba gu embelela dzindzimo dzathu,
ni vasanisi vathu va di hi lomba, khavo:
“Embelelani mu hi tangadzisa khu dzindzimo dza Siyoni!”
4Hi na dzi kodza kharini gu embelela ndzimo ya Pfhumu Nungungulu
na hiri tigoni nya valombo?
5Nya gu gu divala uwe Jerusalema,
libogo langu la nyamudye li na khwenyele.
6Nya gumba gu alakanya uwe Jerusalema,
lidimi langu li na tsharamele kanani gwangu,
nya gumba tsakela uwe guvbindra silo satshavbo.
7 Pfhumu Nungungulu, alakanya esi va nga gira vathu va Edhomi
litshigu valala va nga belago Jerusalema va li phanga,
kholu va di ganela, khavo:
“Li khungumuleni, li khungumuleni kala mu sigulela ni siseketelo sakone.”
Uwe,
8 # Wona gambe: Gutu 18:6. Nyamahegyane wa Bhabhiloni u na khungumudwago,
kategide oyu a na gu tsayisago
a gu bweledzela guvivba gwatshavbo u hi giredego.
9Kategide oyu a na gikhago sanana sago,
a si pfara khu siwindri.
Currently Selected:
Dzindzimo 137: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
