Dzindzimo 129
129
Nungungulu a ngu tshula Israyeli
Ndzimo ya vale va gwelago nombelotunu
1Va nyi tshaniside ngudzu gukhugela wanana wangu,
a na ganela olu Israyeli;
2va nyi tshaniside ngudzu gukhugela wanana wangu,
aholu kha va dzi kodza gu nyi pala.
3Kha nga valimi nya dzimombe,
va di kurura hwamboni gwangu
va tula umo misele nya gulaphe.
4Aholu, Pfhumu Nungungulu a lulamide;
kavilede dzitshinga va nga nyi hungago va nya guvivba.
5Va na khale dzitshoni va tutuma
vatshavbo valala va Siyoni!
6Va na khale kha nga mwasi
wu bugago vbatshani nya dzinyumba
wu wunago wu si gu dandri!
7Mwasi wu si tadzigo mandza ya muvbweri,
mwendro mawogo ya oyu a hungelelago dzinyandra.
8Gambe mwalo a embelago vavbweri nya oyu mwasi, khuye:
“Pfhumu Nungungulu a na gu kategise!”
Ethu hi ngu mi kategisa khu lina la Pfhumu Nungungulu!
Currently Selected:
Dzindzimo 129: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
