Dzindzimo 128
128
Sikategiso nya mapango
Ndzimo ya avo va gwelago Nombelotunu
1Kategide uye a thavago Pfhumu Nungungulu,
a gimbilago dzindzilani gwaye!
2Kholu u na hodza mihandro nya thumo wago,
u na katega, satshavbo si na gu dugela gwadi.
3Ndrangani gwago, mwangadzi wago a na fanana ni simbo nya kandzu,
wu velegago ngudzu nyumbani gwago,
sanana sago si na fanana ni matamo nya ngindru ma randredego meza yago.
4Khidzo kharati a na gu kategiswago khidzo
muthu a thavago Pfhumu Nungungulu.
5 Pfhumu Nungungulu a na gu kategise gukhugela gigomoni gya Siyoni,
u na wone gukatega ga Jerusalema
matshigu yatshavbo nya guvbanye gwago,
6u nengela khu gu wona sanana sa sanana sago.
Gurula gu na khale ga va na Israyeli!
Currently Selected:
Dzindzimo 128: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
