Dzindzimo 126
126
Gililo gi na vbindrugedza gi khala litsako
Ndzimo ya vale va gwelago nombelotunu
1Avbo Pfhumu Nungungulu a nga wuyisa sanana sa Siyoni,
gu di gira gukhwatshi ha gu lora.
2Maganani gwathu gu di tala khu mahego nya gunengele,
malimi yathu ma di kulungela;
ni mambe mayigo ma di ganela, khayo:
“Pfhumu Nungungulu a va girede silo sikhongolo.”
3Khidzo kamwe, Pfhumu Nungungulu a hi girede silo sikhongolo,
khu guralo, hi ngu nengela.
4 Pfhumu Nungungulu,
vbindrugedza wugumbi wathu wu khala litsako;
wu fanana ni mitsongo ya Marandzi.
5Avo va yalago na va gu lila,
va na vbwera na va gu tsaka.
6Va diya guyalatunu na va gu lila,
olu va ngu wuya na va gu kulungela
na va rwade situndru nya dzimbewu.
Currently Selected:
Dzindzimo 126: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
