Dzindzimo 125
125
Nungungulu a ngu vhikela vale va khodwago gwaye
Ndzimo ya avo va gwelago nombelotunu
1Avo va tumbago Pfhumu Nungungulu
va ngu fanana ni gigomo gya Siyoni,
gi si tsekatsekigo, gi tiyidego kala gupindruga.
2Kha nga sigomo si randredego Jerusalema,
kharato nugo, Pfhumu Nungungulu a ngu randrela vathu vaye,
olu ni gikhati gyatshavbo.
3Avo va girago guvivba, kha va na fuma kala gupindruga
tigoni ga vathu nya gululame,
gasi va nya gululama va si khusedzi mandza va gira guvivba.
4 Pfhumu Nungungulu, gira nya sadi ga avo va gu vadi
ni ga vale va gu ni monyo wu lulamidego.
5Aholu, vale va ndreyago va bela khu dzindzila nya guvivbe,
Pfhumu Nungungulu a na va pata gumogo ni sighevenga.
Gurula gu na manege ga va na Israyeli!
Currently Selected:
Dzindzimo 125: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
