Dzindzimo 121
121
Nungungulu tumbegide, a ngu sayisa vathu vaye
Ndzimo ya avo va gwelago nombelotunu
1Nya gu khusedza maho nyi wona sigomo,
nya gu dzi wudzisa, kheni:
Gi nata khu hayi giphaso?
2Giphaso gyangu gya guta khu ga Pfhumu Nungungulu,
a nga gira ndzadzi ni mafu.
3Kha na gu diga u kwiriga,
oyu a gu sayisago gima kha na lala.
4Lisine, kha na lala mwendro gu wotela
oyu a sayisago Israyeli.
5 Pfhumu Nungungulu khuye a gu sayisago,
Uye womo vbafuvbi gwago,
khuye a gu vhikelago.
6Lidambo nya mihani kha li na nga gu vbisa,
ambari ngima wutshiguwule kha wu na gira gilo.
7 Pfhumu Nungungulu, a na gu vhikela guvivbani gwatshavbo,
Uye a na sayisa womi wago.
8 Pfhumu Nungungulu a ngu gu vhikela gikhati u dugago ni gikhati u belago,
gukhugela olu kala gupindruga.
Currently Selected:
Dzindzimo 121: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
