Dzindzimo 118
118
Tshivba ya Pfhumu Nungungulu yi ngu samadzisa
1 # Wona gambe: 1 Dzik 16:34; 2 Dzik 5:13; 7:3; Ezek 3:11; Dzind 100:5; 106:1; 107:1; 136:1; Jer 33:11. Aleluya!
Bongani Pfhumu Nungungulu kholu khwadi,
kholu wuhindzi waye wu ngu simama kala gupindruga.
2Va na ganele va na Israyeli, khavo:
“Wuhindzi waye wu ngu simama kala gupindruga.”
3Si na ganele sanana sa Aroni khiso:
“Wuhindzi waye wu ngu simama kala gupindruga.”
4Va na ganele avo va thavago Pfhumu Nungungulu, khavo:
“Wuhindzi waye wu ngu simama kala gupindruga.”
5Vbakari nya sigaradzo, nyi di lombelela ga Pfhumu Nungungulu,
Uye a di nyi yingisa a nyi vbanyisa.
6 # Wona gambe: Hebh 13:6. Pfhumu Nungungulu a na ni eni, kha nyi thavi gilo;
a nga nyi gira ginani muthu?
7 Pfhumu Nungungulu a na ni eni ni avo va nyi phasago;
nyi na va wona na va gu padwa avo va nyi vengago.
8Gwadi ngudzu gu thavela ga Pfhumu Nungungulu
guvbindra gu tumba muthu.
9Gwadi ngudzu gu tumba Pfhumu Nungungulu
guvbindra gu tumba tshivba nya dzipfhumu.
10Nyi di randredwe khu mayigo yatshavbo;
aholu nyi di ma pala linani ga Pfhumu Nungungulu.
11Va di nyi randrede, va engedza gambe gu nyi randrela khu maphuvbo yatshavbo;
aholu nyi di va mbembisa linani ga Pfhumu Nungungulu.
12Va di nyi pomela gukhwatshi dzinyosi,
va dzura gukhwatshi nilo nya mavivi;
aholu eni nyi di va mbembisa khu lina la Pfhumu Nungungulu.
13Va di nyi reda khu tshivba va fela gu nyi thesa,
aholu Pfhumu Nungungulu a di ta nyi phasa.
14 # Wona gambe: Eks 15:2; Isa 12:2. Pfhumu Nungungulu khuye tshivba ni ndzimo yangu,
khuye muvbanyisi wangu.
15Mitshatshani nya vathu nya gululame gu pwala lito nya gunengele ni guvbanyisa, khavo:
“Libogo la nyamudye la Pfhumu Nungungulu li ngu samadzisa.
16Libogo la nyamudye la Pfhumu Nungungulu li ngu dzi khusedza,
libogo la nyamudye la Pfhumu Nungungulu li ngu gira sisamadziso.”
17Kha nyi na ngafa, aholu nyi na vbanya;
nyi fela gu tivisa mithumo ya Pfhumu Nungungulu.
18 Pfhumu Nungungulu a nyi tsayiside khu tshivba,
aholu kha nyi ningela gufani.
19Nyi tuleleni malimba nya gululame;
nya gu vbweta gu bela nyi ya rungudza Pfhumu Nungungulu.
20Eyi khu nyangwa ya Pfhumu Nungungulu,
va na belago khiyo va nya gululama.
21Nyi ngu gu bonga Pfhumu, kholu u nyi pwide
u khade muvbanyisi wangu.
22 # Wona gambe: Luk 20:17; Mith 4:11; 1 Ped 2:7. Giwindri gi nga nyenywa khu vavbahi,
gi khade gikoli nya gutshanganise nyumba.
23 # Wona gambe: Mat 21:42; Mark 12:10-11. Satshavbo sesi, sigiro sa Pfhumu Nungungulu;
si ngu liwugisa mahoni gwathu.
24Eli khu litshigu a li giridego Pfhumu Nungungulu;
hi na embelele hi kulungela khu gutsaka khu ilo.
25 # Wona gambe: Mat 21:9; Mark 11:9; Joh 12:13. Khu wuhindzi wago Pfhumu Nungungulu, hi vbanyise!
Hi ngu gu lomba, Pfhumu Nungungulu, hi kategise.
26 # Wona gambe: Mat 21:9; 23:39; Mark 11:9; Luk 13:35; 19:38; Joh 12:13. Kategide oyu atago khu lina la Pfhumu Nungungulu;
ethu hi ngu gu rungudza na hiri Nyumbani ga Pfhumu Nungungulu.
27Pfhumu khuye Nungungulu a hi ningago wenengedzo;
mburiselani buzo khu matamu,
kala dzikhonani nya giluvelo.
28Uwe u Nungungulu wangu, eni nyi na gu rungudza,
Uwe u Nungungulu wangu, eni nyi na gu khusedza.
29Bongani Pfhumu Nungungulu, kholu khwadi,
kholu wuhindzi waye wu ngu simama kala gupindruga.
Currently Selected:
Dzindzimo 118: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
