Dzindzimo 101
101
Giwonelo nya mufumeli nya wadi
Ndzimo ya Dhavhidhe
1Nyi na embelela wuhindzi ni gululama;
nyi na embelela gwago Pfhumu Nungungulu.
2Nya gu vbweta gu landra ndzila nya gululame;
lini u natago avbo gwangu?
Ndrangani gwangu nyi na vbanya khu mavbanyelo nya gululame.
3Kha nyi na khedzisela silo nya guvivbe,
nyi na nyenya mithumo ya sighohi,
gima kha nyi na dzumela gu hengela navo.
4Avo va vivbidego myonyo va na khale hwindzo ni eni;
kha nyi vbweti gupwa mahungu nya guvivbe.
5Oyu a lembago ni gu singedza muthu kwawe mugusihalani,
uyoyo nyi na mu mbembisa;
gima kha nyi na timisela va nya matshandza ni va nya gu dzi khusedza.
6Maho yangu nyi na ma vega ga vathu va tumbegidego tigoni,
gasi nyi kodze gu khala gumogo navo;
uye a gimbilago khu ndzila nya gululame, a na nyi thumela.
7Muthu nya gidambane kha na mana wulanga nyumbani gwangu,
ni oyu nya guganele malipha, kha na ema mbeli gwangu.
8Tshigu ni litshigu, nyi na mbembisa sighohi satshavbo sa tigoni,
gasi nyi fuvisa dhoropani gwa Pfhumu Nungungulu, avo va girago guvivba.
Currently Selected:
Dzindzimo 101: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
