Dzindzimo 10
10
Nombelo nya vale va saniswago
1 # Wona gambe: Dzind 74:1. Pfhumu Nungungulu, khu ginani u khala hwindzo?
Khu ginani u nyi sihalela gikhati nya gusaniseke?
2Va nya guvivbedwa khu monyo, va gu dzi khusedza
va tshanisa sisiwana;
va na pfarwe khu kuni va nga riyago vabune.
3Kholu muthu nya guvivbedwe khu monyo,
a gu bhuma khu manavelo yaye nya guvivbe,
muthu nya makolo a gu nyenya, a vala Pfhumu Nungungulu.
4Muthu nya guvivbedwe khu monyo, khu kotani nya matshandza yaye;
kha khathali khu gu vbweta Nungungulu,
uye a gu pimisa, a ganela, khuye:
“Mwalo Nungungulu!”
5Gikhati gyatshavbo sigiro saye sa gu duga gwadi,
kha theli kota khu gulamula gwago;
a gu kanyisa valala vaye vatshavbo.
6Mapimoni gwaye a gu alakanya, khuye: “Mwalo a na gu nyi thesago;
gima kha nyi na nga mana libango.”
7 # Wona gambe: Rom 3:14. Khanani gwaye gu tade khu tshamba, gukanganyisa ni gutshanisa;
lidimi laye, la gu ganela manyala ni gupoyila.
8A gu varamela vathu vbafuvbi nya dzindranga,
a sihala afela gu songa muthu nyambana nandru;
maho yaye ma gu holelela gisiwana.
9A gu varama kha nghala yi guromo phalani gwaye,
a vandramela gasi gu mola gisiwana;
a gi ndrindrela phalani gwaye.
10A gu holelela, a dzi fumba, a ndraga;
gisiwana gi thegela mandzani gwaye.
11 # Wona gambe: Dzind 73:11; Sof 1:12. A ganela khu monyoni gwaye, khuye:
“Nungungulu a si divade,
fenengedzide khovbe gima kha na wona gilo.”
12Khuga u ema Pfhumu Nungungulu! Yeyedza tshivba yago!
U nga divali sisiwana.
13Khu ginani muthu nya guvivbedwe khu monyo
a valago Nungungulu,
a pimisa khu monyoni gwaye, khuye: “Nungungulu kha na nyi tsayisa?”
14Aholu Uwe u ngu wona, guvbisega ni gutshaniseka,
u si vega mandzani gwago.
Uye a sanisekago a gu dzi ningela mandzani gwago;
uwe khuwe u vhikelago khulungu.
15Fuvisa tshivba ya va nya guvivba ni sighohi,
tsayisa guvivba gwawe, kala gu si wonegi gambe.
16 Pfhumu Nungungulu, a ngu fuma kala gupindruga;
va nya mayigo va na tutumiswa tigoni gwaye.
17 Pfhumu Nungungulu, yingisa nombelo wa gisiwana,
va tiyise myonyo yawe, u va hakhe,
18u emela khulungu ni uye a sanisekago,
gasi muthu wa tigoni, a si giri gambe wughevenga.
Currently Selected:
Dzindzimo 10: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
