Mavingu 21
21
1Monyo wa mufumeli, wa gu fanana ni gitsongwana nya mati
gi gimbidziswago khu Pfhumu Nungungulu,
uye a gu mu rumela ni evbini a gunago.
2Dzindzila dzatshavbo muthu a gimbilago khidzo,
guwonani gwaye wari khuye dzi lulamide,
aholu Pfhumu Nungungulu khuye a khedzago
monyo waye.
3Gugira ugo gu gu gwadi khu gululama ni nongameto
silo si godwago khu Pfhumu Nungungulu,
guvbindra gu mu girela dzimhamba.
4Maho nya gu dzi khusedze ni monyo nya matshandza,
mwenge wa va nya guvivbedwa khu monyo,
gambe si ngu va ghohisa.
5Makungo ya muthu a gu ma pimisa gwadi,
ma na mu ninga mihandro,
aholu ayo nya gu ma dongisele khu guvbiredza,
kha ma bhindzuli gilo.
6Thomba nya gu yi mane khu gu kanganyisa,
ya gu tshatshega gu fanana ni thondrwane,
i naphwi wu gu vangelago lufu.
7Va nya guvivbedwa khu myonyo va gumbembiswa
khu mithumo yawe nya dzihanyi,
kholu kha va dzumeli gulandra mithumo ya yadi.
8Muthu nya guvivbedwe khu monyo ndzila
yaye yi wegede,
gasi ya uye nya monyo wu agidego yi lulamide.
9I tshukhwana gu khala vbalangwetunu nya nyumba,
guvbindra gu khala khu ndrani gakone
ni nyamayi nya liwondrisa.
10Muthu nya guvivbedwe khu monyo a gu alakanyela guvivba;
ambari ni muakelane waye khapwi khuye gisiro.
11Wa gutsayiswa gindragamilayo,
gipumbu gya gu mana guti;
gasi wa gu laya muthu nya guti, uye a gu engedzela
gu mana mapimo.
12Muthu a lulamidego #21:12 Muthu a lulamidego, gu ngu kodza guthudwa kamwe Nungungulu, a lamulago mavbanyelo ya va nya guvivbedwa monyo, a va ninga tsayiso yi va lumbago.
a gu khedzisa gwadi ndranga nya sighohi,
a gu thesa mhangoni
va nya guvivbedwa khu monyo.
13Uye a si yingisigo huwa nya gisiwana gya gulila,
uye nuye kha na yingiswa litshigu a na gu
lombago giphaso.
14Ningelo nya gisihaledza wa gu bosisa likhulo,
ni sihiwa si ningedwago khu misihalo, si ngu bosisa
likhulo nya likhongolo.
15Malamulelo nya gululame, ma gu tsakisa
avo valulamidego,
aholu ma swihadzisa va nya guvivbedwa khu myonyo.
16Muthu a ndreyago ndzilani nya mapimo,
a naya tshanganiswa gumogo ni vale va guromo
phalani nya lufu.
17Uye a golago gu dzi tsakisa a na khala gisiwana,
ni wule a golago vbinyu ni mafura,
gima kha na fuma.
18Muthu nya guvivbedwe khu monyo
a na bani nari mudzegisi nya milandru
ya valulamidego,
va tsayiswa khu kotani nya sighoho
sa va nya gululama.
19Tshukwana gu khala giwulani,
guvbindra guvbanya ni nyamayi nya gihafane
ni gu dwanisa.
20Thomba ni mafura nya lisima sa gu manega
nyumbani ga muthu nya mapimo,
aholu gipumbu gya gu mwaladzela satshavbo gi gu naso.
21Uye a landrisago ndzila nya gululame ni wuhindzi,
a na mana guvbanya, gululama ni wuzundzo.
22Muthu nya gugengele a ngu kodza gu dhumela
madhoropa nya dzindrena,
a pfhungumula ni makhokhola yawe va ma tumbago.
23Uye a vegedzago likana ni lidimi laye,
a gu sayisa womi waye sigaradzoni.
24Muthu nya matshandza ni lunya;
khu wule a dzi khusedzago ni gu vega vbavbatshi
vakwawe.
25Ngara a gufa khu gunavela,
kholu mawogo yaye kha ma dzini guthuma.
26Muthu nya wudogodogo a gu khala khu gunavela
litshigu latshavbo,
aholu muthu nya gululame, a gu thawuludza mandza
a ningela nyamba hegisa.
27Mhamba ya muthu nya guvivbedwe khu monyo
yi nyenyezide mahoni ga Pfhumu,
ngudzungudzu a gu yi ningela khu maalakanyo
nya guvivbe.
28Fakazi nya malipha yi na mbembiswa,
aholu muthu a yingisago gwadi, magana
yaye khya lisine.
29Muthu nya guvivbedwe khu monyo, a gu khala
na hungide giwombo,
gasi muthu nya gululame a gu tiya mavbanyeloni gwaye.
30Mwalo muthu a gengedego ni mapimo ambari
wusingalagadzi, a vbindrago Pfhumu Nungungulu.
31Khu litshigu nya litunga, va gu dongisela kavalu,
aholu Pfhumu Nungungulu khuye a ningago tshivba
nya gupale.
Currently Selected:
Mavingu 21: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
