Popular Bible Verses from Mavingu 21

Share

Uye a landrisago ndzila nya gululame ni wuhindzi, a na mana guvbanya, gululama ni wuzundzo.

Makungo ya muthu a gu ma pimisa gwadi, ma na mu ninga mihandro, aholu ayo nya gu ma dongisele khu guvbiredza, kha ma bhindzuli gilo.

Uye a vegedzago likana ni lidimi laye, a gu sayisa womi waye sigaradzoni.

Dzindzila dzatshavbo muthu a gimbilago khidzo, guwonani gwaye wari khuye dzi lulamide, aholu PFHUMU Nungungulu khuye a khedzago monyo waye.

Khu litshigu nya litunga, va gu dongisela kavalu, aholu PFHUMU Nungungulu khuye a ningago tshivba nya gupale.

Gugira ugo gu gu gwadi khu gululama ni nongameto silo si godwago khu PFHUMU Nungungulu, guvbindra gu mu girela dzimhamba.

Mwalo muthu a gengedego ni mapimo ambari wusingalagadzi, a vbindrago PFHUMU Nungungulu.

Uye a si yingisigo huwa nya gisiwana gya gulila, uye nuye kha na yingiswa litshigu a na gu lombago giphaso.