Mavingu 19
19
1Muthu nya gisiwana a gimbilago khu ndzila
nya gululame,
a ngu vbindra muthu nya gipumbu
a dusago magana nya wukanganyisi
khu kanani gwaye.
2Mahingigedzo nyamba phela khu gupimisa
kha ma phasi gilo,
gututuma guvbindrwa khu gu gimbila khu gwadi.
3Wupumbu nya muthu wu ngu ghoha guvbanya
gwaye,
monyo waye wa gu wugela Pfhumu Nungungulu.
4Dzithomba dzi ngu rana dzipari nya dzingi,
aholu gisiwana, ambari dzipari dzaye dza gu mu diga.
5Fakazi nya malipha gima kha yi na hamuga tsayiso,
ni wule a ganelago malipha kha na vbuluga.
6Vathu nya vangi va gu tsakela vathu nya guthavisege,
muthu ni muthu pari ya wule a ningelago dzisagwati.
7Gisiwana gya gu nyenywa khu vandriyaye vatshavbo,
dzipari dzaye nidzo dzi na gimbilela hwindzo gwaye;
ambari gya gu lomba guphaswa khavo,
avo va gu hambana nagyo.
8Uye a vbwetago wugengeli, a gu gola
hefemulo waye,
ni uye a gu na ni mapimo, a na mana makategwa.
9Fakazi nya malipha yi na mana tsayiso,
ni uye a ganelago malipha kha na vbuluga.
10Kha gu yeli gu gipumbu gi mana mavbanyelo
nya yadi,
ambari githumi gu fumela muthangeli waye!
11Muthu nya mapimo kha vbiredzeli gu goroga,
wuzundzo waye, khu gutsetselela sihoso.
12Likhulo la mufumeli la gu fanana ni gubhonga
nya nghala,
gutsakedwa khuye gu fanana ni thondrwane
mwasini.
13Gyanana nyamba yingisa gikhunguvanyiso
ga nyehe waye,
ni gu dzega nyamayi nya siregera, gufanane
ni gu khala nyumbani nya gurute matshigu yatshavbo.
14Nyumba ni gutala nya silo, thomba hi tshiyedwago
khu vavelegi,
gasi gu mana nyamayi nya mapimo giningwa
gya Pfhumu Nungungulu.
15Muthu nya ngara gu khala na lade,
ni muthu nyambana lipindru, a nafa khu ndzala.
16Uye a vegedzago milayo a gu sayisa womi waye;
aholu uye a gumba dzumela sileletelo,
a gu dzi vangela lufu.
17Uye a phasago gisiwana a gu fiyarisa
Pfhumu Nungungulu,
Uye a na mu bweledzela wuwadi waye.
18Tsayisa mwanago gikhati gi nga gu dzumela,
aholu u nga mu tsayiseli gu mu songa.
19Muthu nya gihafane fanede gulivba abune
nandru waye,
kholu wa gu mu phasa, a gu engedzela gu gira gigaha.
20Yingisa gulaywa u dzumela sileletelo,
u na hegisa khu gu khala muthu nya guti
matshiguni matago.
21Monyoni ga muthu momo makungo nya mangi,
aholu iso si tiyidego, khiso Pfhumu Nungungulu
a fungidego.
22Igyo gi mburisago muthu khu wuhindzi,
I tshukwana gu khala gisiwana guvbindra gu khala
muthu nya malipha.
23Guthava Pfhumu Nungungulu ndzila
yiyago guvbanyani,
uye a mu ningago githawo a na khala na tsakide
nyamba mana dzimhango.
24Muthu nya ngara a gu thela libogo mbiyani,
a gu tandrega ni gu li yisa kanani gwaye!
25Tsayisa mutshanisi gasi gipumbu gi kodza
gu mana gihevbulo,
laya muthu nya guti a kodza gu engedzela mapimo.
26Muthu a tshanisago babe waye ni gututumisa
mayi waye,
gyanana gi thesago dzitshoni ni gihegiso.
27Mwanangu, wa gu diga gu yingisa guhevbudzwa,
dziti nya gukhuwe u na hambana ni magana nya guti
u hevbudzidwego.
28Fakazi nya malipha ya gu ghoha malamulelo nya yadi,
ni maganani ga vathu nya guvivbedwe khu myonyo
gwa gu duga silo nya gunyenyeze basi.
29Vathu nya dzihanyi va emedwe khu tsayiso,
ni gisephu gi emede gu kwamula mihwambo
ya sipumbu.
Currently Selected:
Mavingu 19: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
