Mavingu 18
18
1Uye a dzi hambanisago ni vakwawe, a gu vbweta
gu dzi tsakisa uye mune wurumba,
a si dzumeli satshavbo iso si gu ni fanelo.
2Gipumbu kha gi dzi garadzi khu gu vbweta mapimo,
gya gu tsakiswa khu wupumbu waye.
3Gumbana githawo gwa gu dugela ga muthu
nya guvivbedwe khu monyo;
ni silo nya dzitshoni sa gu girwa khu vathu
nya vamadhadhavale.
4Magana ma dugago khu kanani ga muthu
gu fanana ni mati nya guete,
ni mabhulo ya muthu nya mapimo
gifefe nya guti ni tsongo wu khulungago.
5Guvhikela muthu a ghohidego, khu gufela
gu rwega nandru muthu nya gululame gu vivbide.
6Magana ya muthu nya gipumbu ma gu
wusa mayunga,
likana laye la gu mu ranela dzimboma.
7Gipumbu gya gu dzi wusela libango
khu magana yaye,
ni likana laye lizinga nya hefemulo waye.
8Magana ya muthu nya milembo ma gu lombela
kha nga sikiri,
ma gu vbiredza gu midzwa ma relela kala
mahembeni.
9Muthu a khalago wugara ni thumo waye,
a gu fanana ni muthu a golago gupfhungumula basi.
10Lina la Pfhumu Nungungulu likhokhola li tiyidego
va sihalago avbo vathu nya gululame.
11Lidhoropa nya likhokhola la muthu nya gufume
khu thomba yaye,
uye a gu alakanya khuye libhiyo li mu vhikelago.
12Monyo nya muthu,
wu si gu thegedwi khu mhango,
wa gu dzi khusedza ngudzu,
aholu wuzundzo gu wu mana khu gu dzi nogisa.
13Uye a vbiredzelago gu hakha na si gu yingisi,
a gu yeyedza wupumbu ni gu dzi thela dzitshoni.
14Liphuvbo la muthu li ngu kodza gu mu tiyisedza
madwalini gwaye,
aholu khu mani a kodzago gu phasa muthu
a khuvekidego?
15Muthu nya mapimo a ngu gola guti,
a gu tsakela gu mana sihevbudzo ga vathu
nya mapimo.
16Avo va ningelago dzisagwati va gu tula dzindzila,
dzi kodzago gu vboha kala ga vakhongolo nya vathu.
17Gulamudwatunu uye a phelago khuye gu hakha
a gu dzipwa nari ni lisine,
khu hwane a ta konwa khuye a ketsaranago naye.
18Gulolwa dzisolo gu ngu vbedza mayunga,
gu lamula mahungu ya va nya dzitshivba.
19Guphasa ndriyago a gorogidego, gu lemede
ngudzu
guvbindra gupfhungumula lidhoropa li bhiyidwego
khu likhokhola;
mayunga ma gu fanana ni sikwinyaro nya likhokhola.
20Muthu ni muthu a gu hakha handro nya magana yaye,
a na khura khiso si dugago khu kanani gwaye.
21Gufa ni guvbanya gomo
tshivbani nya lidimi la muthu,
uye a li thumisago a na havela mihandro yaye.
22Uye a manago nyamayi a manide litsako,
a manide makategwa ya Pfhumu Nungungulu.
23Gisiwana gya gu ganela khu gu dzi thesa vbavbatshi,
aholu gitetema gya gu phindrula khu dzihanyi.
24Uye a vbwetago dzipari nya dzingi a gu dzi
vbwetela libango,
aholu dzomo dzipari dzi tumbegago guvbindra
ndriyago.
Currently Selected:
Mavingu 18: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
