Mavingu 14
14
Nyamayi nya gugengele
1Nyamayi nya guti a ngu dzi vbahela
ndranga yaye,
aholu gipumbu gya gu yi pfhungumula khu
mandza yaye.
2Uye a gimbilago khu ndzila nya gululame
a ngu thava Pfhumu Nungungulu,
aholu uye a gimbilago khu ndzila nya guwegele,
a gu mu nyenya.
3Khanani nya gipumbu, lomo lipitso nya
matshandza,
aholu khu kanani ga muthu nya guti,
gomo gu dzi vhikela.
4Avbo gu gu mwalo dzimombe, sisangala sa gu khala
maphanga,
kholu tshivba nya dzimombe,
khiyo yi resago gufuma dzimbewu nya dzingi.
5Fakazi nya gutumbege yi mwalo malipha,
aholu fakazi nyamba tumbega ya gu resa malipha.
6Mutseketseli a gu vbweta guti,
aholu kha gu mani;
gasi muthu nya mapimo, a gu gu mana
khu guvbevbuga.
7U nga hengeli ni muthu nya guvivbedwe
khu monyo,
kholu kanani gwaye ma mwalo magana nya yadi.
8Guti gwa muthu nya mapimo gwa gu mu
layedza ndzila;
gasi wupemi nya gipumbu wa gu mu kanganyisa.
9Sipumbu sa gu tsaka khu gighoho,
aholu mavbanyelo nya yadi, momo ga vathu nya gululame.
10Monyo khuwo wabune wu pwago wuvi,
aholu gutsaka gwaye mwalo mumbe muthu a gupwago.
11Nyumba ya vathu nya guvivbedwe khu monyo,
yi na pfhungumudwa,
aholu tshatsha wa vathu nya gululame, wu na tiya.
12 # Wona gambe: Mav 16:25. Yomo ndzila muthu a yi wonago khwatshi
yi lulamide,
aholu khu guhegisani yi mu yisa gufani.
13Muthu a ngu kodza guhega na guvbisega monyoni;
aholu mahegiso nya gutsake, guta mhango.
14Uye nya guvivbedwe khu monyo a na khura
khu mavbanyelo yaye,
aholu muthu nya gululame a na khura khiso sa monyoni gwaye. 15Muthu nyambana mapimo a gu dzumeledzela satshavbo,
gasi muthu nya mapimo a gu khedza umo a gandrago.
16Muthu nya mapimo a ngu thava a ndreya whindzo
nya gihoso,
aholu gipumbu gya gu dzi tumba gi hunisela.
17Muthu nya gihafane a gu gira silo nya guhandruge,
gasi muthu nya mapimo nya guwegele
khwa gu nyenywa khu vathu.
18Tshatshazelo wa vathu nyambana mapimo, khu
wupumbu,
aholu guti gihugu nya wufumu gya va nya
gugengela.
19Vathu nya guvivbedwe khu myonyo, va gu
khidzima mbeli ga vathu nya vadi,
ni va nya gihafane va na khidzima mbeli ga
muthu nya gululame.
20Gisiwana gya gu nyenywa ambari khu
pari yaye,
aholu sitetema si na ni dzipari nya dzingi.
21Uye a vengago muthu kwawe a gu gira gighoho,
gasi wule a pwelago gisiro sisiwana, a na mana makategwa.
22Avo va lugago makungo nya ugo nya guvivbe,
va gu gira gihoso!
Aholu lihaladzo ni gutumbega, somo ga avo va lulamidego.
23Thumo watshavbo wu na ni tshatshazelo waye,
aholu gu ganela ngudzu basi, gwa gu yisa wusiwanani.
24Gihugu gya va nya guti, khu thomba yawe;
aholu wupumbu nya sipumbu, dzitshoni basi.
25Fakazi nya lisine, yi ngu vbanyisa mihefemulo,
aholu iyo yi ganelago malipha, mukanganyisi.
26Gu ninga githawo Pfhumu Nungungulu gu na ni
tshivba ni gutumba,
sanana saye si na mana wulanga nya guthavele umo.
27Gu thava Pfhumu Nungungulu nambo nya womi,
gu ndreyisa muthu mazingani nya lufu.
28Wudhumo wa mufumeli khu talo nya vathu,
aholu gumbana vathu, gwa gu thesa mufumeli.
29Muthu nya litimiselo a na ni mapimo,
aholu uye nya gihafane a gu vbiredzela
gu yeyedza wupumbu waye.
30Monyo nya gurule wa gu vbanyisa givili,
aholu lidiwo, madwali nya guhinise sikongolo.
31Uye a tshanisago gisiwana, a gu vala
Muvangi waye,
aholu uye a sayisago gwadi gisiwana
a gu zundza Nungungulu.
32Muthu nya guvivbedwe khu monyo,
a na theswa khu mithumo yaye,
aholu muthu nya gululame ambari na gu fude
a na ni gitumbo.
33Guti gomo monyoni gwa muthu
nya mapimo,
aholu maalakanyo ya sipumbu, ma gu dzi wonegisa.
34Gululama gwa gu khusedza mayigo,
aholu sihoso givalo ni ga levbini litigo.
35Githumi nya mapimo gi ngu zundzega
ga mufumeli waye,
aholu likhulo laye la gu thegela ga wule a thumago
silo nya dzitshoni.
Currently Selected:
Mavingu 14: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
