Mitengo 21
21
Gupadwa ga Vakhanani ni guwandrwa ga Horima
(Jeremiya 1:16-17)
1 # Wona gambe: Mit 33:40. Mukhanani moyo a nga bani ari mufumeli wa Aradhi, a di gu vbanyela Negebhi, na dzitide gukhuye va na Israyeli va guta khu ndzila ya Atarimi; a di dwana navo, a gu mola vambe nya gukari vawe. 2Khavbo avbo, va na Israyeli va di gira gisambanyo ga Pfhumu Nungungulu, khavo: “Wa gu vega mandzani gwathu vathu vava, madhoropa yawe yatshavbo hi na ma khungumulela muphelo.” 3Pfhumu Nungungulu a dipwa lito la va na Israyeli, a va ninga mandzani gwawe Vakhanani; khavbo avbo, va di khungumulela madhoropa yawe yatshavbo. Wulanga wule wu di ranwa pwani Horima.
Nyoga nya wuhungu nya gusonge
4Khu guralo, va di khuga khu gigomoni ga Hori, va bela khu ndzila nya Yiphwa nya Gufuvile gasi gu vambaladza litigo la Edhomi, aholu vathu va di garala khu ndzila. 5Vathu va di wugela Nungungulu gumogo ni Mosi, khavo: “U hi dusede ginani khu Egipito, gasi hi ta fela giwulani momu? Omu gu mwalo guhodza mwendro mati, olu hi garade khu guhodza gogu nyamba khurisa.”
6 # Wona gambe: 1 Dzik 10:9. Aholu, Pfhumu Nungungulu a di va rumela dzinyoga nya guthise nya wuhungu nya gusonge, dzi nga hodzago vathu, khu kharato gu difa va na Israyeli nya vangi. 7Khavbo avbo, avo va nga tshalago va di hongola ga Mosi va ya mu embela, khavo: “Hi ghohide khu guyeyisa Pfhumu Nungungulu ni uwe. Hi lombelele ga Pfhumu Nungungulu gasi a ndreyisela hwindzo ni ethu dzinyoga dzedzi.” Mosi a di lombelela khu vathu.
Nyoga nya sugu
(Johane 3:14-15)
8 Pfhumu Nungungulu a di embela Mosi, khuye: “Gira gifananiso nya nyoga nya wuhungu nya gusonge u yi vbayega vbasimbotunu. Muthu a gu hodzwa khu nyoga a khedzisa vbanyogatunu nya sugu, a na vbanya.”
9 # Wona gambe: 2 Dzipf 18:4; Job 3:14. Khu guralo, Mosi a di gira nyoga nya sugu a yi vbayega vbasimbotunu. Avbo muthu a hodzwago khu nyoga, a gu khedzisa nyoga nya sugu, a di vbanya.
Liendro la va na Israyeli
10Khu guralo, va na Israyeli va di khuga va ya ghova tigoni ga Obhoti. 11Va di khuga khu Obhoti va ya ghova Ye-Abharimi, giwulani gi manegago mbeli ga Mowabhi, khu Khugadambo. 12Va khuga khu vbale va ya ghova kovani wa Zeredhi. 13Va khuga gambe khu vbale va ya ghova khisikheyi nya tsongo wa Arinoni, wu dugago khu tigoni ga Amori li tsemakanya giwula; kholu tsongo wa Arinoni khuye vbingano wa Vaamori ni va na Mowabhi. 14Khigyo gi girago gu ganedwa umo nya Libhuku nya Dzinyimbi#21:14 Gale ma di romo mabhuku gu nga bani gu lovedwa umo matimo ni dzinyimbi dzi ganelago khu dzinyimbi va nga palago va na Israyeli. Aholu, libhuku lolo li mwalo gambe. dza Pfhumu Nungungulu gupwani:
“Vhayebhi, tigoni ga Sufa, Arinoni, ni mikova nya sitsongwana saye
15wuyago kala mayigoni ga Ari
ni dzibambe nya tsongo
wu longoloka ni vbingano wa Mowabhi.”
16Khu vbale va di hongola Bheyeri,#21:16 Bheyeri khu Gihebheru pwani “Beer gu thudwa nambo. owu khu nambo Pfhumu Nungungulu a nga embelago Mosi, khuye: “Tombanisa vathu Eni nyi na va ninga mati.”
17Khavbo avbo, Israyeli a di emba ndzimo yeyi, khuye:
“Khugegani, enu mati nya nambo!
Kulungelani!
18Nambo va nga polago vafumeli,
ma nga kembago manganagana ,
khu dzindronga dzawe nya wufumu.”
Va di khuga khu giwulani, va gu hongola kala Matana;
19khu Matana va diya Nahaliyeli, va khuga khu Nahaliyeli
va hongola Bhamoti;
20va khuga khu Bhamoti va bela
kovani wu manegelago mahangeni ya Vamowabhi,
tshokani ga Pisiga, khu phuvbo ga giwulatunu.
Va na Israyeli va ngu pala vafumeli Seyoni ni Ogi
(Dhewuteronome 2:26-37; 3:1-17; Josuwa 12:1-6)
21Israyeli a di rumela myango ga Seyoni, mufumeli wa Vaamori a mu embela, khuye: 22“Hi dzumedzise hi vbindra khu tigoni gwago; kha hi na ndreya hi bela khu marembweni gwago ni dzivhinyani gwago, ambari gu sela mati nya milambo. Hi na landra likondro kala hi vbindra tigoni gwago.”
23Aholu mufumeli Seyoni kha va dzumedzisa gukhuye va tsemakanye litigo laye; Seyoni a di tombanisa vathu vaye a duga a khinga va na Israyeli, mugiwulani. A dita tigoni ga Jasa ata dwana ni va na Israyeli. 24Israyeli a di sasela Seyoni ni vathu vaye vatshavbo khu matshari, a wandra litigo laye gukhugela Arinoni kala Jabhoki ni litigo la va na Amoni, kholu vbingano wa na Amoni wu di vhikedwa khu likhokhola. 25Israyeli a di dzega madhoropa yale yatshavbo, a vbaha umo ga yatshavbo madhoropa ya Vaamori, Hesibhoni ni ga yatshavbo mitalala yaye. 26Hesibhoni a diri lidhoropa nya tsindza nya mufumo wa Seyoni, mufumeli wa Vaamori. Seyoni, guhegula a di dwana ni mufumeli nya guphele wa Mowabhi a mu wandrela litigo laye latshavbo kala Arinoni. 27Khidzo kharato vathokhozeli, va ganelago, khavo:
“Deluni Hesibhoni!
Gu na vbahedzwe ni gu thedwa likhokhola
lidhoropa la Seyoni!
28Khaguva nilo wu dugede Hesibhoni,
ni luvbya khu lidhoropani ga Seyoni
li di mbembisa Ari ni Mowabhi,
ni vamune nya sigomwana sa Herimoni!
29Libango avbo gwago Mowabhi!
Mu vbede, enu vathu va nungungulu Kemosi!
Giride madzaha yanu ma thava,
ni dzimbiri dzanu dzi
khala dzikhumbi ga Seyoni,
mufumeli wa Vaamori
30Ethu hi va hekhide khu sighalala;
va pfhungumudwe gukhugela Hesibhoni kala Dhibhoni;
hi sasede kala Nofa
khu nilo kala Medhebha!
Va na Israyeli va ngu pala Ogi, mufumeli wa Bhasani
(Dhewuteronome 3:1-11)
31Khu guralo, Israyeli a di vbaha tigoni ga Vaamori.
32Mosi a di rumela gu ya khedzisela gwadi litigo la Jazeri; va di wandra madhoropa yawe, va tutumisa Vaamori va nga bani va gu vbanya umomo. 33Khavbo avbo, va di thendregedza va gwela khu ndzila ya Bhasani. Ogi, mufumeli wa Bhasani gumogo ni vathu vaye vatshavbo va di duga va va khinga gasi gu ta dwana navo tigoni ga Edhereyi.
34Khavbo avbo, Pfhumu Nungungulu a di embela Mosi, khuye: “U nga mu thavi, kholu nyi na mu ningela mandzani gwago uye gumogo ni vathu vaye vatshavbo va tigoni gwaye. U na mu gira kha nga idzo u giridego Seyoni, mufumeli wa Vaamori, uye a nga bani a vbahide tigoni ga Hesibhoni.”
35Va di va pala, a mbembisa sanana sawe ni vathu vawe vatshavbo avbo gu ngamba tshala ni moyo nya guvbanye, khu kharato, va di wandra litigo lawe.
Currently Selected:
Mitengo 21: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
