Popular Bible Verses from Mitengo 21

Share

PFHUMU Nungungulu a di embela Mosi, khuye: “Gira gifananiso nya nyoga nya wuhungu nya gusonge u yi vbayega vbasimbotunu. Muthu a gu hodzwa khu nyoga a khedzisa vbanyogatunu nya sugu, a na vbanya.”

Khu guralo, Mosi a di gira nyoga nya sugu a yi vbayega vbasimbotunu. Avbo muthu a hodzwago khu nyoga, a gu khedzisa nyoga nya sugu, a di vbanya.

Vathu va di wugela Nungungulu gumogo ni Mosi, khavo: “U hi dusede ginani khu Egipito, gasi hi ta fela giwulani momu? Omu gu mwalo guhodza mwendro mati, olu hi garade khu guhodza gogu nyamba khurisa.”

Aholu, PFHUMU Nungungulu a di va rumela dzinyoga nya guthise nya wuhungu nya gusonge, dzi nga hodzago vathu, khu kharato gu difa va na Israyeli nya vangi.

Khavbo avbo, avo va nga tshalago va di hongola ga Mosi va ya mu embela, khavo: “Hi ghohide khu guyeyisa PFHUMU Nungungulu ni uwe. Hi lombelele ga PFHUMU Nungungulu gasi a ndreyisela hwindzo ni ethu dzinyoga dzedzi.” Mosi a di lombelela khu vathu.