Joba 41
41
1 # Wona gambe: Dzind 74:14; 104:26; Isa 27:1. Uye a yi khuthago, khuye a na dwana nayo a yi pala,
a gu dzi pemba;
ni uye a yi wonago basi a gu vbela tshivba.
2Mwalo muthu a yi tiyelago gu yi khutha,
aholu, khu mani wule a kodzago gu dzi khusedza
mbeli gwangu?
3Khu mani a phedego khuye a nyi ninga gilogyo,
gasi nyi kodza neni gu mu bweledzela?
Kholu satshavbo si guromo vbavbatshi nya lidambo,
sa gu lumba Eni.
4Kha nyi na diga gu ganela khu mahungu nya
sivbango saye,
ambari khu tshivba yaye, ni wumburi nya makhalelo yaye.
5Khu mani a kodzago gu yi tshula lidowo;
mwendro gu yi hamisa likana?
6Khu mani uye a kodzago gu yi tula likana,
olu magwaha yaye ma thisago, na?
7Magwaru yaye khayo wumburi waye,
ma namarelanide ma tiya nga khwatshi
ma di lemwa;
8ligwaru ni ligwaru li namarede ga likwawe,
nya gu gumba kodza guvbindra ni phuvbo khu vbakari.
9Ma patane limwedo ni limwedo vbatshani ga likwawe,
avbo ma si dzi kodzigo gutsapuruga.
10Ya gu watshimula, gu duga dzitshahe nya gungangamele,
maho yaye nga Wuronga nya guge.
11 # Wona gambe: Rom 11:35. Khu kanani gwaye, gu duga malavbelavbe,
gu piriga ni dzitshahe nya nilo.
12Khu dzithonvuni gwaye, gu tuviga wutshi,
nya gukhwatshi khali yi vilago,
mwendro dzitshava dzi khondrago.
13Ya gu hefemula, ya gu khondrisa magala;
khu kanani gwaye, gu duga malavbelavbe.
14Tshivba yaye yomo thamoni gwaye,
ni wevbini a yi wonago a gu tedwa khu hwanga.
15Misivba nya nyama yaye yi patane gumogo,
yi namarelane kha yi gimbiligimbili.
16Monyo waye wu tiyide nga giwindri,
gu tiya gwaye, kha nga libwe nya gutshindre.
17Ya gu khuga yi ema gwa gu ndrendremela dzindrena,
va pilega hwambo, va thava gusasedwa khiyo.
18Ambari wa gu yi paya khu litshari iyo kha yipwi gilo,
ambari khu wulaho mwendro khu sighalala.
19Iyo ya gu wona simbi kha nga mwasi,
sugu, yi wu wona nga simbo nya guhine.
20Iyo kha yi tutumiswi khu gighalala;
ni siwindri nya fijiga, ya gu si wona nga mafu.
21Sighomba ya gu si wona nga dzitshava,
ya gu hegiswa khu gupwa wungelengendze nya matshari.
22Vbavbatshi nya girumbu gyaye, momo magwaru nya guvbire;
ya gu khwirira maragani,
kha nga gilo nya guvbule.
23Ya gu vhilusa mitsongo gukhwatshi khali yi vilago,
yi gira linene gukhwatshi khali nya mafura.
24Avbo yi vbindrago khavbo gu tshala tseneno
nya gungangamele,
ni mati nya linene ma aga nga dzinvi nya gikhosane.
25Mafuni gimwalo gilo gi fananago naye,
kholu yi giridwe gasi yi si khali hwanga,
26Ya gu khedza yi yeyisa satshavbo si khusegidego,
iyo pfhumu nya sirengo satshavbo nya wurena.”
Currently Selected:
Joba 41: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
