Isaya 34
34
Gulamudwa nya mayigo
(Matewu 12:43; Gutuledwa 18:2)
1Hidzimelani enu mayigo, gasi mu yingise,
ni enu vathu yingisani!
Mafu ni satshavbo si guromo umo si na yingise,
litigo ni satshavbo si dugelago umo.
2Kholu Pfhumu Nungungulu a gorogede mayigo yatshavbo;
ni likhulo laye lomo vbatshani nya mabutho yawe;
uye a ma ningede ma songetedwa ni gu mbembisedwa muphelo.
3Vale va songetedwego va na dzudzugedwa vbavbandze,
sirumbi si na nunga khu guhina;
ni novba wawe wu na goga musigomoni.
4 # Wona gambe: Vambe vari khavo ndzawu Mat 24:29; Mark 13:25; Luk 21:26; Gutu 6:13-14. Lidambo, ngima, dzinyeledzi ni mabuthu yatshavbo nya sivangwa sa ndzadzini,
si na fuviswa,
ni damboni gu na fumbwa gu fanana ni lidangalila;
mabutho yaye yatshavbo ma na thegela khu vbatshani
gu fanana ni nyahagane nya uvha mwendro nya ndzowe.
5Kholu litshari la Pfhumu Nungungulu li ngu wonega ndzadzini na li tade khu novba;
wonani, li na thegela vbatshani ga Edhomi gasi guta mu lamula,
vathu nyi va konidego, gasi gu va mbembisa.
6Litshari la Pfhumu Nungungulu li tade khu novba,
li fenengedzidwe khu mafura ni novba nya dzinvuta ni vanyamabhongwe,
ni mafura nya dzitshwa nya dzihamba.
Kholu Pfhumu Nungungulu a ngu gira miphaso tigoni ga Bhozira,
ni gusongetela nya gukhongolo tigoni ga Edhomi.
7Va na songwa gumogo ni dzimombe nya likhabi, marole ni dzikuzi;
litigo lawe li na lewa khu novba
ni kudzudzwane wawe wu na nyuga khu mafura.
8Kholu gu na bani guri litshigu nya guphodze ga Pfhumu Nungungulu,
ni mwaga nya gubweledzele valala, khu kotani ya Siyoni.
9Mati nya mitsongo ya Edhomi, ma na vbindrugedza
ma khala kha nga tita,
mafu yakone ma vbindrugedza ma khala nguma,
ni litigo lawe li na khondra li fanana ni mbato yi vbisidwego.
10 # Wona gambe: Gutu 14:11; 19:3. Wutshigu ni mihani wu na khondra nyamba tshimega;
wutshi wu na tuviga wu gwela gikhati gyatshavbo;
gu na vbindra situgulwana ni situgulwana na gu ngari marumbi,
guvbindra mazanazana myaga,
nyamba tsemakanya muthu umomo.
11Khu kharato, gu na khala umo masekwa ni vanyamatate;
mapfhuguli#34:11 Mapfhuguli vambe vari khavo sisungulokhuru. ni vamahigonganye va na vbanya umo,
uye a na ladza umo ngodzi nya pfilupfilu ni pimo nya gumbembise.
12Olu kha gu na manega gambe vathu nya guthavisege
tigoni mule, gasi gu phariswa ndronga nya wufumeli;
ni dzindruna dzawe dzatshavbo,
dzi na bani dzi si phasi gilo.
13Dzinyumbani gwawe nya wufumu gu na buga miba,
ni makhokholani gwawe gu na buga sirangalabwa ni maheho;
gu na khala gambe wuvbanyelo nya masolwa ni dzimbowa.
14Sirengo sa giwulani ni vanyadugwi, si na tshangana umo,
vamangulu#34:14 vamangulu: Phongo nya likhabi. nya likhabi va na tshangana
gumogo ni vangana vawe;
ni sikono nya gugimbile wutshigu,#34:14 Liphuvbo nya guvivbe nya nyamayi umo nya tumbunugo wa Vabhabhiloni va nga bani va khodwa gukhavo la gu vbanya malangani nya giwula. si naya vbanya si hefemula umomo.
15Khumo gambe mule dzinyoga ni mapfhuguli si na vbahago umo sihaga sawe,
si vega mandra, si fundramela, si pandra,
si fundramela
sifondro;
khumo gambe makoti ma na tshanganelago,
ma landrana umo mikhonge ni mimbaha.
16Vbwetani libhuku la Pfhumu Nungungulu mu li hevbule;
ni gimwegyo nya silo soso kha gi na hamugega;
wu mwalo patwa wu na hamugegago,
kholu leletede khu likana laye,
ni Liphuvbo laye kamwe li na si tshanganisa.
17 # Wona gambe: Isa 63:1-6; Jer 49:7-22; Ezek 25:12-14; 35:1-15; Amos 1:11-12; Obhad 1-14; Mik 1:2-5. Kholu Pfhumu Nungungulu ningide giavelo
ga gimwegyo ni gimwegyo nya iso,
khu mandza yaye a va kabanisede litigo a li pima khu ngodzi.
Iso si na li fumela khu mimelana ni melana kala gupindruga,
yi vbanya umo.
Currently Selected:
Isaya 34: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
