Esiteri 6
6
Hamani a ngu gurumedzwa gu ninga githawo Moridhekayi
1Wutshiguni wowo, mufumeli Asuwero, kha nga mana ligovbe. Khu guralo, a di rumela gu resedwa Libhuku nya Matimo li ta hevbudwa mbeli ga mufumeli. 2#Wona gambe: Est 2:21-22. Gu di lovidwe gupwani Moridhekayi a di nga ya bika khu gikungo gi nga bani gi lugidwe khu Bhigitani ni Teresi mithenwa yi nga bani yi ghadha vbanyangwatunu, pwani va di gu vbweta gu songa mufumeli. 3Khavbo avbo, mufumeli a di ganela, khuye: “Gasi Moridhekayi ginani a giredwego ni gu bongwa khu thumo wowu a giridego?” Sithumi si nga bani si mu thumela, si di hakha, khiso: “Gimwalo ni gimwegyo a giredwego.” 4Mufumeli a di bwelo gambe a wudzisa, khuye: “Khu mani a guromo phathani?” Khu gikhati gyogyo Hamani a di ngari gu bela nyumbani ga mufumeli gasi guta ganela ni mufumeli khu gu vbweta gu songa Moridhekayi vbamadingotunu a nga bani a ma rumede gu tsitswa. 5Sithumi sa mufumeli si di ya mu embela, khiso: “Hamani emide nyangwatunu.” Mufumeli a di hakha, khuye, a na bele. 6Hamani na gu bela, mufumeli a di mu wudzisa, khuye: “Ginani hi yedego gu girela muthu a vbwetago gu zundzwa khu mufumeli?” Hamani a di pimisa khu monyoni gwaye, khuye: “Khu mani a yelago gu zundzwa khu mufumeli vbavbandze gwangu?” 7Uye a di hakha, khuye: Uwe mufumeli wa gu alakanya gu zundza muthu, 8mu ninge dzingandzu nya wufumu, edzi u olovelago gu ambala; u mu resela ni kavalu u olovelago gu khilela, u mu vega gihugu nya wufumu hungoni gwaye.#6:8 Gu gira gukhwatshi a diri gimburiselo nya gukari gi bani gi fanana ni gihugu nya wufumu, gi nga bani gi thedwa hungoni nya girengo. 9Gasi dzingandzu dzedzi, ni kavalu yeyi, dzi na ningwe moyo nya linganagana nya guthavisege gasi a ambagise muthu yoyu wago uwe mufumeli u vbwetago gu mu zundza, bwelo khavbo a mu dzundrulugisela ni dzindzila dzatshavbo dza dhoropani na gu huwelela, khuye: Muthu a godwago gu zundzwa khu mufumeli a gu giredwa silo nya nga esi! 10Khu guralo, mufumeli a di embela Hamani, khuye: “Khuga kamwe olu khu guvbiredza u dzega dzingandzu ni kavalu kha nga guganela gwago u ambagisa Mujudha wule Moridhekayi, a thumelago phathani nya wufumu! U nga hambanisi ni gimwegyo nya iso u ganedego.” 11Khavbo avbo, Hamani a di dzega dzingandzu a ambagisa Moridhekayi a mu khiledza kavalu a dzundrulugela naye dzindzilani dza dhoropani na gu huwelela, khuye: “Khidzo kharati a giredwago, muthu a zundzegago ga mufumeli.” 12Khu hwane nya isoso, Moridhekayi a di bwelela a wuya phathani ga mufumeli, gasi Hamani a di dzegela gu bwelela khu gu vbiredza a hongola gaya na thuvigide khovbe. 13A ya tshamusela mwangadzi waye Zeresi gumogo ni dzipari dzaye, iso si nga mu dugelelago. Khavbo avbo, vagengeli vava gumogo ni mwangadzi waye Zeresi, va di mu embela, khavo: “Olu Moridhekayi a gu wa lifumbu nya Vajudha, u phedego gu dzi thesa migondroni gwaye, olu uwe khu na nga mu pala, aholu u na dzi thesa ngudzu mbeli gwaye.”
Hamani vbabuzotunu gwa Esiteri
14Na va nga guganela naye, gu di vboha khu givbiredza mithenwa ya mufumeli, gasi guta dzega Hamani aya buzotunu wa Esiteri.
Currently Selected:
Esiteri 6: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.