Esiteri D
D
Tshivba nya gudzisodzise
3 Na gu vbede matshigu mararu, na vbedzide gu gira nombelo waye, Esiteri a di tshula dzingandzu nya gililo, a gu dzi mburisela khu guambala gwaye nya wuzundzu. 4 Na gu ngangamela khu wumburi waye watshavbo, a di gira nombelo ga Nungungulu, Muvbanyisi waye a wonago silo satshavbo, a di dzega sithumi saye sivili si mu bangaladza. 5 Kha nga muthu nya wukheta, Esiteri a di pharedzela githumi gimwegyo a gu tiya khigyo, 6 gimbe githumi gi di landra khu hwane gi khusedzela mwendra nya gifenengelo gyaye. 7 A di wonega kha nga gyenge nya gungangamele khu wumburi waye, khovbe yaye yi di tala khu gunengela ni lihaladzo, aholu monyoni gwaye a di tade khu wuvi ni guthava.
8 A di tsemakanya malimba yatshavbo limwedo khu limwedo, a guya dzi wonegisa mbeli ga mufumeli. Asuwero a di khade vbagikhalotunu nya wufumu, na ambalede wuzundzo watshavbo nya wufumu waye, a di ngangamela khu ndralama ni siwindri nya lisima, a di wonega na tade khu wuzundzo ni guthavisega. 9 A di khusedza khovbe yaye nya gutale khu wuzundzo ni guthavisa, a gu khedzisa pfhumugadzi, khu maho nya gutale khu likhulo. Pfumugadzi a di vbindrugedza a kwalala, a vbela tshivba, a gu khihimedza hungo waye vbakhatatunu ga githumi gyaye gi nga bani gi mu bangaladza. 10 Aholu Nungungulu a di vbindrugedza likhulo la mufumeli li gu khala ndruda, uye a di thuruga a khuga khu guvbiredza vbagikhalotunu nya wufumu, ata mu wugarela mawogoni gwaye, kala a tararuga, a di mu tangadzisa khu magana nya ndruda, 11 khuye: «Ginani u gi pwago, Esiteri? Eni nyi ndriyago. U nga thavi! 12 Khu na ngafa kholu nayo wangu wu giredwe vathu nya nyalidede. 13 Hidzimela!» 14 A di khusedza ndronga nya ndralama, a yi hidzimisa vbangolotunu ga Esiteri, a mu ninga besu, khuye: «Ganela. Nyi embele». 15 Esiteri a di mu embela, khuye: 16 Mufumeli wangu, eni nyi di gu wona kha nga ngilozi ya Nungungulu, monyo wangu wu di titivala khu guthava wuzundzo wago. 17 Kholu uwe mufumeli wangu u ngu samadzisa, ni khovbe yago yi ngu thavisega.» 18 Na gu ganela magana yaya a di thega gambe, a titivala, a dzima. 19 Mufumeli a di garadzega, ni sithumi saye satshavbo si di zama gu mu wusa.
20 Khavbo avbo, mufumeli a di mu wudzisa, khuye: “Gasi mahungu muni, pfhumugadzi Esiteri? Nyi embele iso u si vbwetago nyi na gu ninga, ambari wa gu lomba gu piledwa khu vbakari gipandre nya mufumo!” 21 Esiteri a di mu hakha, khuye: Sa gu gu tsakisa uwe, mufumeli, nyi di gu vbweta gukheni, muhuno u ta ni Hamani buzotunu nyi wu nga dongisedwago uwe. 22 Mufumeli a di ganela, khuye: “Vbiredzani gu ya rana Hamani, hi ta gira iso Esiteri a lombago!” Khu guralo, mufumeli ni Hamani, va di ya hodza buzo wu dongisedwego khu Esiteri. 23 Na vari vbakari nya gusele wadwa, mufumeli a di embela Esiteri, khuye: “Nyi embele igyo u gi vbwetago gu nyi lomba, nyi na gu ninga; ni gevbini u na gu nyi lombago u na gi mana, ambari wa gu lomba gu kabaniswa khu vbakari mufumo wangu u dzega gimbe gipandre.” 24 Esiteri a di hakha, khuye: “Iso nyi si lombago gumogo ni gu si vbweta khesi: 25 Pfhumu yangu, nya gu bani nyi gu tsakiside u gu dzumela esi nyi si golago gumogo ni gu gira iso nyi gu lombago, nya gu gola gukheni mwendro mindru u ta ni Hamani vbabuzotunu nyi na mi dongiselago, avbovbo khavbo nyi nata gu ningago gilombo nyi gi vbwetago.”
Hamani a ngu vbweta gu songa Moridhekayi
26 Khu guralo, litshigu lolo Hamani a di duga a hongola, monyo waye na wu salalegide khu gutsaka. Aholu a di gorogiswa ngudzu khu Moridhekayi, gikhati a nga mu wona vbamwanyatunu ga mufumeli, a si khugi ambari gu yeyedza githawo; 27 ambari khu kharato, Hamani a di dzi phara a gu hongola gaya; a di ya ranisa dzipari dzaye, gumogo ni mwangadzi waye Zeresi, 28 Hamani a di va tshamusela gutala nya dzithomba dzaye, ni gutala nya sanana saye, ni idzo mufumeli a mu khusedzidego khidzo gu khala muthangeli nya dzindruna ni sithumi sa mufumeli. 29 Bwelo khavbo a ganela, khuye: “Pfhumugadzi Esiteri a dongisede buzo nya gugirele mufumeli, aholu kha rana mumbe muthu, a di rana basi mufumeli ni eni Hamani. Ambari mindru, kheni basi nyi na gu bangaladzago mufumeli buzotunu. 30 Aholu satshavbo sesi kha si nyi nengedzisi, nya gu wona Mujudha wule Moridhekayi na gu simama gu thuma nyumbani ga mufumeli.” 31 Khu guralo, mwangadzi waye Zeresi, gumogo ni dzipari dzaye dzatshavbo, va di mu embela, khavo: “Gu na tsitswe madingo mana ma enedzago livbandre magumi mikono gulapha guya vbatshani, gasi mindru vbadzimindrutunu u na ganela ni mufumeli gasi gu Moridhekayi a vbayegwe avbovbo, gasi uwe khavbo u na gu hongolago buzotunu u na tsakide.” Mawonelo yaya ma di nengedzisa Hamani, avbo a nga leletisa gu tsitswa madingo.
Currently Selected:
Esiteri D: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.