Esiteri A
A
Magana nya guhegule
(A:1-17)
Nungungulu a ngu yingisa vatshavbo
1 Mwagani nya wuvili nya gufume ga Asuwero, mufumeli nya khongolo, khu litshigu nya guphele nya ngima nya Nisani, Moridhekayi, # 1:1 Umo nya malovelo nya Gigereki nya libhuku leli, Moridhekayi a gu ningwa lisima nya likhongolo ngudzu, ugo gu girago nya vangi va pimisa gukhavo libhuku leli li di yela gu ranwa pwani «Libhuku la Moridekayi». Mapimo yoyo ma gu girwa kholu Libhuku leli khu Gigereki, la gu tula khu ndroro ya Moridhekayi, li gu sega khu tshamuselo nya ndroro ya Moridhekhayi. mwamana wa Jayiri, mwamana wa Khisi nya lihundzu la Bhejami, a di lora ndroro. 2Adiri Mujudha nya gukari a nga bani na gu vbanya dhoropani ga Susa#1:2 Suza adiri lidhoropa nya ndruma li nga bani li gu manegela phuvbo wa Marandzi ga Khugadambo nya litigo la Mezopotamiya. Khu gale adiri tshindza nya mufumo wa Elami, gambe matshiguni nya mufumu wa Vaperesi, li di thumiswa kha nga tsindza khu nango nya girame.,khongolo nya muthu a nga bani ari linganagana huwoni ga mufumeli. 3Adi lumba tsawa nya sibotshwa sile Nabhukodhonosori, mufumeli wa Bhabhiloni a nga si vbagelago gukhugela Jerusalema, gumogo ni Jekoniya, mufumeli wa Judha.
4 Ndroro yaye kheyi: A di gira gukhwatsi a gupwa dzihuwa nya githugedza, ni pfilupfilu ni mabara ni girevereva nya mafu, ni wuvi maphuvbo yatshavbo. 5Khu githugedza, gu di tumbuluga Vamwamilambo vavili, va dongidego gu dwana khu gyawe, va gu gira huwa nya yikhongolo ngudzu. 6Mayigo, na ma pwide huwa yoyo, ma di soma matshari gasi gu wugela litigo nya vathu nya gululame. 7A diri litshigu nya gidema, litigo nya vathu nya gululame li di tala khu hwanga; 8li di thava guvivba gwatshavbo, li di dzi dongisela gufa. 9Va di rana Pfhumu Nungungulu, gikhati va nga khusago lito, va di wona gukhavo gifefe nya gidugwana gi di vbindrugedza gi gu khala tsongo nya wukhongolo, nya mati nya mangi ni mwedzi nya tshivba. 10Wenengedzo ni lidambo si di ngangamela, avo va nga bani va tshisidwe vbavbatshi va di khusedzwa va gu mbembisa avo nya vakhongolo.
11 Hwane nya gu na wone ndroro yeyi ni esi Nungungulu a nga bani a dongide gu gira, Moridhekayi a di khuga a ema. A di sayisa ndroro yeyi monyoni gwaye, kala ni wutshigu, na gu zama gupima tshamuselo yakone.
Gikungu nya guwugele mufumeli
12 Moridhekayi adiri huwoni ga mufumeli gumogo ni Bikitani ni Teresi, vathenwa va mufumeli va nga bani va thuma kha nga vahakhi nya vapfhumba nyumbani nya wufumu. 13A di tugula gikungu gyawe; a di dziti nya gukhuye va gu zama gu wugela mufumeli Asuwero va mu songa, a di va thuledza ga mufumeli. 14Mufumeli a di ruma gu wudzisisa gwadi gikungo gyogyo. Avo va di dawulela, va ningedwa guya songwa.
15 Mufumeli a di ruma gu lovetedwa satshavbo sesi, gasi gu khala gialakanyiso, ni Moridhekayi nuye a di lova a gu ningela gialakanyiso nya sigiro soso. 16Mufumeli a di mu parisa thumo nya wuzundzo nyumbani nya mufumo, a wuya a mu tshatshazela khu miningelo. 17Aholu, Hamani, gyanana gya Hamedata, Muagagi, a nga bani ari ni giemo nya wuzundzo ni gu tumbega mahoni ga mufumeli, a di zama gu mana gilo nya gutshise vbavbatshi Moridhekayi gumogo ni vathu vaye, khu kotani nya vathenwa vale nya vavili va mufumeli.
Currently Selected:
Esiteri A: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.