Dhewuteronome 27
27
III. HUWELELO NYA WURARU WA MOSI
Gu lowa nya nayo
(Josuwa 8:30-35; 24:1-28)
1Mosi gumogo ni madhota ya Israyeli a di laya vathu, khuye: Vegedzani milayo yatshavbo eyi nyi mi leletedego muhuno. 2Ga litshigu mu na gu tshatugago tsongo wa Joridhani gasi guya bela ga litigo lile Pfhumu Nungungulu wago a na gu ningago, u naya emisa siwindri nya sikhongolo u si pendra khu phembe. 3Hwane nya gu bani mu tshatugide, nu gu bela ga litigo nya ladi mu ningwago khu Pfhumu Nungungulu wanu, litigo li gogago mahwe ni wulombe, kha nga idzo Pfhumu Nungungulu wago a mi tumbisidego khidzo, mu naya lova vbatshani nya siwindri yatshavbo magana nya nayo yoyu. 4Avbo mu na tshatugago, na muri khisikheyi nya tsongo wa Joridhani, mu naya emisa siwindri sesi muhuno nyi mi leletelago gigomoni gya Ebhali, bwelo khavbo mu si pendra khu phembe. 5Mu naya vbaha vbale giluvelo gya Pfhumu Nungungulu wanu, giluvelo gyakone mu na gi vbaha khu siwindri nyamba vatwa khu simbi. 6#Wona gambe: Eks 20:25. Giluvelo gegi mu na gu vbahelago Pfhumu Nungungulu wanu, mu na gi emisa khu siwindri nyamba vatwa, mu ningela avbo miphaso nya guvbiswe. 7Mu naya ningela avbo miningelo nya gurule; mu naya yi hodza iyoyo mu nengela mbeli ga Pfhumu Nungungulu wanu. 8Mu na lova vbatshani nya siwindri sesi, magana yatshavbo nya nayo yoyu, ma wonega gwadi. 9Mosi a di ganela ga va na Israyeli nari gumogo ni vaphasi nya mhamba, va na Levhi, khuye: “Enu va na Israyeli, degulani mu yingisa! Muhuno mu khade vathu va Pfhumu Nungungulu wathu, 10khu guralo, yingisani satshavbo iso Uye a mi rumago, ni gu landrisa sirumo ni milayo yatshavbo eyi muhuno nyi mi ningago.”
Manyala ya gigomoni gya Ebhali
11Khu litshigu lolo, Mosi a di ninga sileletelo sesi va na Israyeli, khuye: 12#Wona gambe: Dhet 11:29; Jos 8:33-35. Aya khu mahundzu ma na gu bani ma romo gigomoni ga Garizimi gasi gu kategisa vathu, hwane nya gu bani mu tshatugide tsongo wa Joridhani: Simiyoni, Levhi, Judha, Isakari, Josefe ni Bhejami. 13Gasi avo va naya emago gigomoni gya Ebhali gasi gu ganela magana nya givalo khava: Rubheni, Gadhi, Aseri, Zebhuloni, Dhani ni Nafitali. 14Va na Levhi va na khusedza malito va ganela ga va na Israyeli, khavo:
15 # Wona gambe: Eks 20:4; 34:17; Levh 19:4; 26:1; Dhet 4:15-18; 5:8. Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela.
Vathu vatshavbo va na hakha, khavo: “Amen!”
16 # Wona gambe: Eks 20:12; Dhet 5:16. Libango ga wule a vengago babe mwendro mayi waye.
Vathu vatshavbo va na hakha, khavo: “Amen!”
17 # Wona gambe: Dhet 19:14. Libango ga wule a vbindrugedzago mivbingano ya muakelane waye.
Vathu vatshavbo va na hakha, khavo: “Amen!”
18 # Wona gambe: Levh 19:14. Libango ga wule a khulugisago gikhumu ndzilani.
Vathu vatshavbo va na hakha, khavo: “Amen!”
19 # Wona gambe: Eks 22:21; 23:9; Levh 19:33-34; Dhet 24:17-18. Libango ga wule a hambanisago fanelo ya muluveli, ya khulungu ni ya malile.
Vathu vatshavbo va na hakha, khavo: “Amen!”
20 # Wona gambe: Levh 18:8; 20:11; Dhet 22:30. Libango ga wule lalago ni mayidugwane waye, kholu a gu funungula wumbwiri wa babe waye.
Vathu vatshavbo va na hakha, khavo: “Amen!”
21 # Wona gambe: Eks 22:19; Levh 18:23; 20:15. Libango ga wule a lalago ni girengo.
Vathu vatshavbo va na hakha, khavo: “Amen!”
22 # Wona gambe: Levh 18:9; 20:17. Libango ga wule a lalago ni ndriyaye, a gu gyanana gya babe waye mwendro gyanana gya mayi waye.
Vathu vatshavbo va na hakha, khavo: “Amen!”
23 # Wona gambe: Levh 18:17; 20:14. Libango ga wule a lalago ni ngogadzi waye.
Vathu vatshavbo va na hakha, khavo: “Amen!”
24Libango ga wule a songago muakelane waye gusihalani.
Vathu vatshavbo va na hakha, khavo: “Amen!”
25Libango ga wule a dzumelago gu livbwa gasi gu songa muthu nyambana nandru.
Vathu vatshavbo va na hakha, khavo: “Amen!”
26 # Wona gambe: Gal 3:10. Libango ga wule a na gumba tiyisa magana nya nayo yoyu, ni gu ma landrisa.
Vathu vatshavbo va na hakha, khavo: “Amen!”
Currently Selected:
Dhewuteronome 27: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
