Bharuki 3
3
1Pfhumu Nungungulu nya Tshivba Yatshavbo, Nungungulu wa Israyeli, khu hefemulo nya guvbisege ni monyo wu vbedego tshivba, hi ngu lila gwago! 2Yingisa, Pfhumu Nungungulu! Hi pwele wusiwana, kholu hi gu ghohede. 3Kholu Uwe u ngu fuma kala gupindruga, gasi ethu hi emedwe khu gumbemba kala gupindruga nyambana rendre. 4#Wona gambe: Dhet 4:1-40; Job 28:1-28; Mav 4:20-22. Pfhumu Nungungulu nya Tshivba Yatshavbo, Nungungulu wa Israyeli, yingisa nombelo wa vafudego va Israyeli, ni wa sanana sa vale va gu ghohedego, va ngamba yingisa lito lago, lito la Nungungulu wawe. Khu kotani nya isoso, ethu hi ngu tshikavedzwa khu sigaradzo sesi. 5U nga alakanyeli guvivba ga vakokwe vathu. Ga gikhati gegi, alakanya basi tshivba yago ni Lina lago, 6kholu, uwe khuwe Pfhumu, Nungungulu wathu, khu kotani nya isoso, Pfhumu Nungungulu, hi na gu dhumisa. 7Khu kota nya givangelo gyogyo, u thede githawo gyago myonyoni gwathu, gasi hi rungudze lina lago, hi gu dhumise wugumbini gwathu, kholu myonyo yathu yi nyenyide guvivba ga vababe vathu, va gu ghohedego. 8Wona! Hi womo avba muhuno guvbagedwani gwathu, u hi phalalegisedego umo, gasi hi khale gilo nya gihegiso, nya tsayiso ni guvadwa, gasi hi livba khu gunyenyeza nya mithumo ya vakokwe vathu, va hambanidego ni Pfhumu, Nungungulu wathu.”
Guti, ndzila nya womi
9Uwe Israyeli, yingisa sileletelo nya guvbanye;
dzi pimisele, gasi u hevbule wugengeli.#3:9 gukhugela ndrimana nya 9 kala ndrimana nya 4 nya Gipimo 4 hi ngu mana sileletelo nya singi si hevbudzago gu tugula dzindzila nya guti a gu iyo ndzila nya lisine nya guvbanye. Gomo gufanane nya gukhongolo nya guti ni Nayo. Oyu a landrisago Nayo a na ni guti. Mabango ni gutshaniseka gwatshavbo ga Israyeli gwa gu girwa khu gumba landrisa ndzila nya Nayo. Dhet 4:1-40.
10Uwe Israyeli, gasi ginani egi?
Khu ginani uwe u manegago tigoni ga valala vago?
11Khu ginani u gumbago tigoni nya valombo?
U dzi nyenyeziside khu sirumbi,
u sayedwe ga avo va relelago phalani nya vafi.
12U digide gifefe nya guti!
13Nari gukhwatshi u di gimbide khu ndzila ya Nungungulu,
nu gu vbanya gurulani kala gupindruga.
14Hevbula guti avbo wu guromo wugengeli, tshivba ni gupima,
gasi u tugule, gikhati gya gimwegyo, umo wu guromo womi ni litsako,
wenengedzo nya maho ni gurula.
15Khu mani a gu tugudego avbo gu vbanyago guti?
Khu mani a nga belago mufumoni gwaye?
16Vomo hayini vathangeli nya mayigo,
ni vapali nya sirengo sa tigoni?
17Vomo hayini avo va haganago ni sinyoni sa damboni,
va wungedzelago parata ni ndralama,
dzithomba dzakone dzi gumba vbela,
va tumbago idzo vathu?
18Vomo hayini avo va thumago parata
va dzi garadzago khu gukhavo thumo wawe wu si tugudwi?
19Va mwalalegide, va relede phalani nya vafi,
va manegide vambe va ngata tshikedza wulanga waye.
20Mimelana nya yiphya yi wonide wenengedzo,
yi vbanyide tigoni, aholu, kha ya tugula ndzila nya guti,
21ambari guti sindzilana saye;
sanana sawe kha sa gu manela,
si di simama gu khala hwindzo ni ndzila yaye.
22Kha va pwa na gu ganedwa khu guti tigoni ga Khanani,
ambari gu dzi diga gu wonwa tigoni ga Temani.
23Sanana sa Agari si di tugula wugengeli nya giwuthu;
va nya wugwewo va Merani ni Temani,
va sawutelago matimo, va ngu mana wugengeli,
kha va tugula ndzila nya guti, ambari gu dundruga sindzilana saye.
24Ama Israyeli! Nga khedza wukhongolo nya Nyumba ya Nungungulu,
nga wona guanama nya malanga yaye!
25Ina! Yi anamide ngudzu, yikhongolo, yi tulegide ngudzu, yi mwalo mahegiso!
26Va velegidwe umo vadandrangulu nya ndruma va gale,
nya gulaphe ngudzu, va dongisedwego gu dwana nyimbi.
27Pfhumu Nungungulu kha va hatha,
ambari gu va nonedza ndzila nya guti.
28Va di mbemba khu gu hamuga wugengeli,
va gu songwa khu wupumbu wawe.
29Khu mani a litidego ndzadzini gasi gu ya dzega guti,
a gu gira gu tshiga khu mapfhini?
30Khu mani a khisidego linene aya vbweta guti,
a gu renga, khu tengo nya ndralama nya guhutwe?
31Mwalo a dzitigo dzindzila dzaye,
mwalo a tugulago sindzilana saye,
32vbavbandze ga wule a tigo satshavbo, khuye basi a gutigo.
A gu tugude khu wugengeli waye wule a vangidego litigo kala gupindruga#3:32 Guti hi ngu gu mana ngudzungudzu na gu patidwe ni gihevbudzo nya tumbunugo nya maphelelo nya silo satshavbo, nya guvangwe; gwa gu dzi wonegisa kha nga wugengeli wa Nungungulu, a wu thumisago tshivbani gwaye nya guvange, (Job 28: 23-27; Mav 8: 22-31); Ndzim 6: 12.21. Khuye Nungungulu a gu ningelago ga vathu vaye, gasi Israyeli a kodze gu landrisa nayo, a simame na tumbegide ga Gidzumeledzwano ni Nungungulu.
a li tadzidego khu sirengo,
33a rumelago wenengedzo, uwo wu gu hongola,
a wu rana, uwo wu mu yingela na wu gu ndrendremela.
34Dzinyeledzi dza gu khedziga malangani gwawe, na dzi tsakide.
35 # Wona gambe: Job 28:23-27; Mav 8:23-31; Gut 6:12-21. Uye a ngu dzi rana, idzo dzi mu hakha, khidzo: “Hi womo avba,”
na dzi gu nengela, dzi ngu tsopeta ga muvangi wawe.
36Oyu khuye Nungungulu wathu, mwalo mumbe a fananago naye.
37A ngu dziti dzindzila dzatshavbo dzi yisago iyo nya guti,
a gu ningede ga Jakobe, githumi gyaye ni ga Israyeli gigodwa gyaye.
38Khu hwane nya esi, gu dzi wonegiside mafuni,
guta vbanya vbakari nya vathu.
Currently Selected:
Bharuki 3: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.