Bharuki 1
1
Gubikedwa nya libhuku gumogo ni mulovi wakone
1Khilo eli libhuku li lovidwego khu Bharuki, mwamana wa Neriya, mwamana wa Maseya, mwamana wa Zedhekiya, mwamana wa Sedheyi, mwamana wa Hilikiya, tigoni ga Bhabhiloni, 2khu litshigu nya livbandre na mavili, nya ngima nya livbandre nya mwaga nya livbandre#1:2 Ndrani nya libhuku leli kha hi mani mahungu nya gu hi dzumedzise guti matshigu ni mwaga ni gikhati li lovidwego khigyo. Aholu gukhwatshi li lovidwe ndrani nya gipandre gi khugelago mwaga nya mazana mavili kala mwaga nya lizana (Séc II ou séc. I a. C) na si gu velegwi Kristo. si giregide gikhati Vakalidhiya va nga wandrago lidhoropa la Jerusalema, va wuya va li vbisa.
Nombelo wugumbini
3Bharuki a di hevbulela Jekoniya, mwamana wa Jowakimi, mufumeli wa Judha magana nya libhuku leli, gumogo ni vathu vatshavbo va ngatago va ta pwa na li gu hevbudwa libhuku#1:3 Libhuku li ngu hi yeyedza nombelo nya gulombe ditshedzo nya sighoho, a hi tivisa kharati gukhuye vale va vbagedwego va yiswa wugumbini mayigoni ya hwindzo, kha va divaledwa khu litigo lawe, gambe va ngu simama gu khala na va tumbegide gukhodwani nya Nayo wa Israyeli. 4vathu nya guthavisege, sanana sa vafumeli, madhota gumogo ni vatshavbo va nga bani va gu vbanya Bhabhiloni mbirini nya tsongo wa Suli, gukhugela sanana kala vakhongolo. 5Na va mu pwide, va di lila, na va gu hala ni gu lombelela mbeli ga Pfhumu Nungungulu.
6Khu gu landrela va di gira mihengo nya dzitsapawu, muthu ni muthu gukhedza khu edzi a dzi kodzago khidzo,#1:6 Gugira mihengo giolovedzo gya gale omu nya mitshangano nya Vajudha va vbanyago vbavbandze nya litigo lawe. Va di dzipwa vari ni fanelo nya guhenge gasi gu phasedza vale va tshadego Jerusalema, a gu avo va wonelelago ni gu tiyisa gutumbega gukhodwani nya nayo wa Pfhumu. Wona gambe: Rom 15:22-23; 1 Kor 16:1-4; 2 Kor 16:16. 7va dzi rumela Jerusalema ga muphasi nya mhamba Jowakimi, mwamana wa Hilikiya, mwamana wa Salumi, gumogo ni ga vambe vaphasi nya mhamba ni vathu vatshavbo va nga tshalago naye Jerusalema. 8Khu litshigu nya likhumi nya ngima nya Sivhani, Bharuki a di wuyiside sombo sa Nyumbani ga Pfhumu Nungungulu, si nga bani si bidwe, gasi gu si bweledza tigoni ga Judha. A diri sombo nya parata esi Zedhekiya, mwamana wa Josiya, mufumeli wa Judha a nga bani a si rumide gu giriswa, 9hwane nya gu mufumeli Nabhukodhonosori na vbagede khu Jerusalema Jekoniya gumogo ni dzindruna, sibotshwa, vathangeli ni vathu va tigoni a va yisa Bhabhiloni. 10Lidangalila va nga rumelago li di ganela, khilo: “Hi ngu rumela iyoyo dzitsapawu, gasi mu renge sirengo nya miphaso nya guvbiswe ni miphaso nya guhandze sighoho ni libani, gasi gu girani dzimhamba mu dzi bikela vbagiluvelotunu gya Pfhumu, Nungungulu wathu. 11Lombelelani khu womi wa Nabhukodhonosori, mufumeli wa Bhabhiloni, ni guvbanya gwa mwanaye Bhalitazari,#1:11 Avba gu ganedwa khu Bhalitazari kha nga gyanana gya Nabhukodhonosori (Dhan 5:2), aholu matimo ma ngu hi hevbudza gukhayo oyu a nga tshikedza mufumeli Nabhukodhonosori vbagikhalotunu nya wufumu khu Evili-Merodaki, Bhalitazari gyanana gya Nabhonidhe, mufumeli nya guhegise wa Kiro a nga pala, a gu wandra lidhoropa. gasi matshigu yaye ya mafuni ma khale kha nga matshigu ya ndzadzini, 12gasi Pfhumu Nungungulu a hi ninge tshivba ni gu wenengedza maho yathu gasi hi vbanye mutsani ga Nabhukodhonosori, mufumeli wa Bhabhiloni, ni mutsani ga mwanaye Bhalitazari gasi hi va thumele matshigu nya mangi hi vbanye tshivbani gwaye. 13#Wona gambe: Jer 24:1-10; Amos 3:12. Lombelelani gambe ga Pfhumu, Nungungulu wathu khu ethu, kholu hi mu ghohede, likhulo laye ni gugoroga gwaye kha sa hambana ni ethu kala litshigu la muhuno. 14Litini libhuku leli hi mi rumelago gasi li hevbudwe vbakari nya vathu, na va gu lipwa vatshavbo Nyumbani ga Nungungulu khu litshigu nya buzo gumogo ni mambe matshigu ma yelago.”
Dawulelo nya sighoho
15Upwani esi mu na ganelago:#1:15 Gipandre gegi nya libhuku, gi phelago khu ndrimana nya 15 giya kala ndrimana 8 nya gipimo 3, gya gu hi ninga tshamuselo nya matimo nya Vathu va na Israyeli gukhedza khu mawonelo nya wukhodwa wa Israyeli. Satshavbo esi si dugelelago ga vathu va na Israyeli sa gu mana tshamuselo nya lisine laye ga edzi vathu va vbanyago khidzo gidzumeledzwano va hungidego ni Nungungulu. Gutumbega mwendro gumba tumbega ga Nungungulu khugo gu resago makategwa ni gukhadzisega, mwendro givalo ni dzitshanisa dzatshavbo. Avba mulovi a gu dawulela gughoha nya litigo latshavbo. Vatshavbo va fenengedzidwe khu dzitshoni.
“Ga uwe Pfhumu Nungungulu, gululama; aholu ethu hi fenengedzidwe khovbeni khu dzitshoni, kha nga idzo gu guromo khidzo muhuno ga vathu va Judha ni vavbanyi va Jerusalema, 16ga vafumeli vathu ni dzindruna, ga vaphasi nya mhamba, ga vaprofeti gumogo ni vavelegi vathu, 17kholu hi ghohede Pfhumu Nungungulu. 18Hi yeyiside Pfhumu, Nungungulu wathu, kha ha yingela lito laye, gambe kha ha landrisa sirumo nya nayo a hi ningidego. 19Gukhugela litshigu Pfhumu Nungungulu a dusidego vababe vathu tigoni ga Egipito kala muhuno, hi khade vakanyisi ga Pfhumu, Nungungulu wathu, ni guvbungugani gwathu nya mapimo hi bombide gupwa lito laye. 20Khu guralo, kha nga olu hi wonago, hi ngu landrisedwa khu libango nya sigiro nya gugaradze ni guvivba, esi Pfhumu Nungungulu a ganedego khu kanani ga Mosi, githumi gyaye, gikhati a dusidego vababe vathu tigoni ga Egipito, gasi gu va ninga litigo, umo gu gogago mahwe ni wulombe. 21Aholu kha hapwa lito la Pfhumu, Nungungulu wathu, gukhedza khu magana yatshavbo ya vaprofeti a hi rumedego. 22“Moyo ni moyo nya ethu, a di gimbila gukhedza khu monyo waye nya guvivbe, a gu thumela vanungungulu nya malipha, a gira guvivba mbeli ga Pfhumu, Nungungulu wathu.
Currently Selected:
Bharuki 1: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.