2 Makabhewu 6
6
Gutshaniswa nya Vakhodwa nya Wujudha
(1 Makabhewu 1:41-64)
1Khu hwane nya gikhatinyana, mufumeli a di rumela moyo nya khongolo nya muthu nya gute khu Atena gasi guya gurumedza Vajudha gu diga milayo nya tumbunugo wa vakokwe vawe, gumogo gambe ni gu va himbedzela guvbanya khu milayo ya Nungungulu. 2#Wona gambe: 2 Dzipf 23:7; Rom 2:1-5; Gut 11:10. A di ningidwe gambe nayo nya guye nyenyezisa Nyumba ya Nungungulu dhoropani ga Jerusalema, a yi phasela ga nungungulu Jupiteri Olipiku ni gu phasela eyi ya gigomoni ga Garizimi ga Jupiteri muhakhi nya vapfhumba, mayelano khu mavbanyelo ya vathu va wulanga wowo.
3Vatshavbo va di tshaniseka kholu guvivba gogu nya gukhongolo ngudzu gu di khala gigaradzo nya gulemele nyamba tiyedwa khu muthu. 4Nyumba ya Nungungulu yi di girwa wulanga nya mihagano ni siwombawomba sa va nya mayigo va nga bani va dzi hungata umo ni maphuphulu, va gu bhayana ni vanyamayi makupakupani nya guage, vata hodzela Nyumbani ya Nungungulu silo nya guloledziswe. 5Giluvelo nya miphaso gi di fenengedzidwe khu sirengo nya gunyenyeze si himbedzedwago khu nayo. 6Gu di si dzumedziswi gu agisa litshigu nya Sabhadho, ambari gualakanya matshigu nya mikhuwo nya mibuzo ya tigoni gwawe, mwalo ni moyo a nga bani a dzumedziswa gu dzi rana Mujudha.
7Khu ngima ni ngima khu litshigu nya gualakanywe guvelegwa ga mufumeli, gu di girwa buzo ni miphaso nya dzimhamba. Vajudha va di gurumedzwa khu tshivba guya hengela buzoni nya mhamba, khu matshigu nya buzo nya gualakanye Dhiyonisiyo,#6:7 Dhiyonisiyo, khu Gilati pwani Bhaku khu nungungulu nya dziuvha ni wadwa nya dziuvha, nungungulu nya malipha wa Vagereki ni Varoma a alakanywago mabangani ni sikhwathini, khuye muemeli nya dzibewudzi mwendro nya madivi. va di gurumedzwa gu bangaladza tsholologo wa Bhaku, nava ambagisidwe dzihari nya gugirwe khu matamo nya nyagidogomelane.#6:7 Gihugu nya matamo nya nyagidogomelane, khu Giputukezi pwani matamo nya hera, mwasi nya gufanane ni nyagidogomelane. Vagereki ni Varoma va di gu wu thumisa gu gira sihugu gasi gu rungudza nungungulu nya malipha Dhiyonisiyo mwendro pwani Bhaku, nungungulu nya wadwa ni dzibewudzi. 8Khu guruma ga Pitolomewu,#6:8 Vambe valovi va gale vari, khavo: Ga vathu va vbanyago dhoropani ga Pitolomayidha. gu di duswa khwepa wu nga gurumedza madhoropa ya Vagereki nya vaakelane gu tshanisa Vajudha khu matshaniselo ya mamowo, ni gu va gurumedza khu tshivba gu hengela umo nya mikhuwo nya dzimhamba ni mibuzo nya wuhedheni. 9Nayo wu di ruma gambe gukhuwo va songwe vale va si dzumeligo gu landrisa mikhuwo nya wuhedheni. Khu esi, hi ngu dzi kodza gu wona mhango nya yikhongolo yi nga bani yi gu va hidzimelela. 10Vanyamayi vavili va di singedzwa gupwani va haniside wugwera sanana, va di legalegiswa ni lidhoropa, na va hungeledwe sanana sawe vbakhanatunu, va ya redwa khu vbatshani nya mabhiyo. 11Vambe va di thavede mavbalani nya siwindri ma nga bani ma romo malangani ya vbafuvbi, gasi guya gira iyoyo phaso nya Sabhadho khu gisihaledza. Na va thuledzidwe ga Filipi, va diya vbiswa gumogo vatshavbo, kholu kha va nga dzi vhikela, khu gu ninga githawo litshigu nya guage. 12Nyi ngu lomba ga avo va hevbulago libhuku leli, gukheni va nga khunguvanyegi khu kota nya sigiro sesi si thelago wusiwana, aholu va na pimise gukhavo silo sesi kha sa girega khu gu vbweta gu hi mbembisa, aholu khu gu vbweta gululeka lifumbu lathu; 13kholu giyeyedzo nya wuhindzi nya wukhongolo gumba diga sighohi si vbedza gikhati nya gingi nyamba tsayiswa, gu vbwetega va ningwe tsayiso nyamba hwela. 14Pfhumu Nungungulu a ngu dzi phara a timisela mambe mayigo na si gu ma tsayisi, kala ayo ma tadzisa pimo nya wuvivbi wawe, aholu kha giri kharati ga ethu, 15khu guthava gukhuye a nga hi tsayisa hwane nya gu bani hi ghohide ngudzu. 16Khu magirelo yaya, uye gima kha dusi avbo gwathu wuhindzi waye, gambe kha digi vathu vaye gikhati a va tsayisago khu sigaradzo! 17Hi ganede satshavbo sesi, khu gufela basi gukhethu si khale gialakanyiso avbo gwanu. Gasi olu, hi naya mbeli ni longoloko nya guganelele matimo.
Gufa ga Eleyazari
18Khu guralo, Eleyazari, mwama nya khongolo nya muthu ni khovbe nya wumburi, moyo nya guhegule nya vahevbudzi nya nayo, a di gurumedzwa gu hodza nyama nya khumba, va mu hamisa likana khu tshivba. 19Aholu uye a di sambanya gufa khu wuzundzo, guvbindra guvbanya gunyenyezani, a di gimbila na tshulegide gu hongola wulangani nya tsayiso. 20#Wona gambe: Levh 11; Dhan 12:2; Gutu 3:2. A di gosa nyama yatshavbo, kha nga idzo va fanedego gu gira avo va tiyelago gu bomba iso si himbedzedwago gu hodzwa, ambari gu lomba gu ningela womi wawe. 21Aholu, vathangeli nya buzo yoyu nya guvivbe nya wuhedheni ni phaso nya tumbunugo, va diri dzipari dzaye khu gale. Va di mu dzega khu phuvbo, va mu lomba gukhavo a rumele va mu resela dzinyama a dzumedziswago gu hodza, na dzi dongisedwe khuye, gasi a ta hodza gukhwatshi a gu hodza dzinyama nya phaso, kha nga idzo a nga layago khidzo mufumeli. 22Khu gu gira kharato, a di hadza gu vbuluga gufa. Va di gira naye magirelo yaya nya gu mu pwele gisiro, khu kotani nya wupari wawe wa gale. 23Aholu Eleyazari, a di hunga monyoni gwaye gikungu nya wuzundzo, ma yelanago ni tanga yaye, nya thumo wu yelanago ni wukhosane waye, ni wuzundzo nya dzinvi dzaye, ni gululama nya mavbanyelo yaye gukhugela wanana waye nya wuzundzo, ngudzungudzu mayelano ni milayo nya gukatege yi vegidwego khu Nungungulu, a di wona na guri ni lisima gu yiswa gusongwatunu.
24Uye a di phindrula, khuye: “Wupfhadzedzeli wowo kha wu yelani ni tanga yangu, kholu vathu vaphya va nga pimisa khavo, Eleyazari khu tanga nya livbandre na mana magumi myaga, a di vbindrugedza a gu vbanya khu mavbanyelo nya wuhedheni. 25Kharati, khu kotani nya gupfhadzedzele gwangu, ni gu vbweta gu engedzela vbadugwana basi matshigu yangu nya guvbanye ma humbidego, nyi di hadza gu khala giwonelo nya gupengise vathu; isoso si di hadza gu khala gipoyilo ni dzitshoni nya dzikhongolo gugumbani gwangu. 26Ambari naripwani olu nya gu vbuluga gu tsayiswa khu vathu, na nyi si vbulugi, ambari na nyi gu vbanya mwendro na nyi fude, mandzani ga Mune nya Tshivba Yatshavbo. 27Khu guralo, nya gu tiya olu nyi ningela womi wangu, nyi na yeyedza wuzundzo wu yelanago ni gugumba gwangu, nyi na tshiyela madzaha giwonelo nya wuzundzo, gasi vafe na vari ni lisima ni githawo khu milayo yathu nya guage ni guzundzega.”
28Na ganede magana yaya, a di hongola gusongwatunu. 29Vale va nga bani va mu yisa, va dipwa kha nga wupumbu magana a nga ganelago, va di vbindrugedza, va wonegisa khovbe nya wughevenga ni wulala, wulangani nya gupwele gisiro ni wuwadi va nga yeyedzago guhegulani. 30Nari vbafuvbi ni gufa khu dzimbanga nya olu va nga mu khinyelela, a di laledza vbakari gwawe na gu sala, khuye: “Pfhumu Nungungulu a tadego khu wugengeli nya guage ngudzu, a ngu wona gwadi gukhuye eni nyi ngu dzi kodza gu vbuluga gufani, aholu nyi ngupwa wuvi milini gwangu khu tshanisa nya gukwamudwe, ambarulo, nya gu tshaniseka na nyi tsakide hefemuloni gwangu, khu githawo nyi gu nagyo ga Uye.” 31Khu magirelo yaya, mwama yoyu a di vbindra mafuni a gu bela ga gumbe guvbanya; khu gufa gwaye, tshiyede, nasiri madzaha basi, aholu ni ga vathu vatshavbo, giwonelo nya wuzundzo ni gialakanyiso nya gutumbege.
Currently Selected:
2 Makabhewu 6: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
2 Makabhewu 6
6
Gutshaniswa nya Vakhodwa nya Wujudha
(1 Makabhewu 1:41-64)
1Khu hwane nya gikhatinyana, mufumeli a di rumela moyo nya khongolo nya muthu nya gute khu Atena gasi guya gurumedza Vajudha gu diga milayo nya tumbunugo wa vakokwe vawe, gumogo gambe ni gu va himbedzela guvbanya khu milayo ya Nungungulu. 2#Wona gambe: 2 Dzipf 23:7; Rom 2:1-5; Gut 11:10. A di ningidwe gambe nayo nya guye nyenyezisa Nyumba ya Nungungulu dhoropani ga Jerusalema, a yi phasela ga nungungulu Jupiteri Olipiku ni gu phasela eyi ya gigomoni ga Garizimi ga Jupiteri muhakhi nya vapfhumba, mayelano khu mavbanyelo ya vathu va wulanga wowo.
3Vatshavbo va di tshaniseka kholu guvivba gogu nya gukhongolo ngudzu gu di khala gigaradzo nya gulemele nyamba tiyedwa khu muthu. 4Nyumba ya Nungungulu yi di girwa wulanga nya mihagano ni siwombawomba sa va nya mayigo va nga bani va dzi hungata umo ni maphuphulu, va gu bhayana ni vanyamayi makupakupani nya guage, vata hodzela Nyumbani ya Nungungulu silo nya guloledziswe. 5Giluvelo nya miphaso gi di fenengedzidwe khu sirengo nya gunyenyeze si himbedzedwago khu nayo. 6Gu di si dzumedziswi gu agisa litshigu nya Sabhadho, ambari gualakanya matshigu nya mikhuwo nya mibuzo ya tigoni gwawe, mwalo ni moyo a nga bani a dzumedziswa gu dzi rana Mujudha.
7Khu ngima ni ngima khu litshigu nya gualakanywe guvelegwa ga mufumeli, gu di girwa buzo ni miphaso nya dzimhamba. Vajudha va di gurumedzwa khu tshivba guya hengela buzoni nya mhamba, khu matshigu nya buzo nya gualakanye Dhiyonisiyo,#6:7 Dhiyonisiyo, khu Gilati pwani Bhaku khu nungungulu nya dziuvha ni wadwa nya dziuvha, nungungulu nya malipha wa Vagereki ni Varoma a alakanywago mabangani ni sikhwathini, khuye muemeli nya dzibewudzi mwendro nya madivi. va di gurumedzwa gu bangaladza tsholologo wa Bhaku, nava ambagisidwe dzihari nya gugirwe khu matamo nya nyagidogomelane.#6:7 Gihugu nya matamo nya nyagidogomelane, khu Giputukezi pwani matamo nya hera, mwasi nya gufanane ni nyagidogomelane. Vagereki ni Varoma va di gu wu thumisa gu gira sihugu gasi gu rungudza nungungulu nya malipha Dhiyonisiyo mwendro pwani Bhaku, nungungulu nya wadwa ni dzibewudzi. 8Khu guruma ga Pitolomewu,#6:8 Vambe valovi va gale vari, khavo: Ga vathu va vbanyago dhoropani ga Pitolomayidha. gu di duswa khwepa wu nga gurumedza madhoropa ya Vagereki nya vaakelane gu tshanisa Vajudha khu matshaniselo ya mamowo, ni gu va gurumedza khu tshivba gu hengela umo nya mikhuwo nya dzimhamba ni mibuzo nya wuhedheni. 9Nayo wu di ruma gambe gukhuwo va songwe vale va si dzumeligo gu landrisa mikhuwo nya wuhedheni. Khu esi, hi ngu dzi kodza gu wona mhango nya yikhongolo yi nga bani yi gu va hidzimelela. 10Vanyamayi vavili va di singedzwa gupwani va haniside wugwera sanana, va di legalegiswa ni lidhoropa, na va hungeledwe sanana sawe vbakhanatunu, va ya redwa khu vbatshani nya mabhiyo. 11Vambe va di thavede mavbalani nya siwindri ma nga bani ma romo malangani ya vbafuvbi, gasi guya gira iyoyo phaso nya Sabhadho khu gisihaledza. Na va thuledzidwe ga Filipi, va diya vbiswa gumogo vatshavbo, kholu kha va nga dzi vhikela, khu gu ninga githawo litshigu nya guage. 12Nyi ngu lomba ga avo va hevbulago libhuku leli, gukheni va nga khunguvanyegi khu kota nya sigiro sesi si thelago wusiwana, aholu va na pimise gukhavo silo sesi kha sa girega khu gu vbweta gu hi mbembisa, aholu khu gu vbweta gululeka lifumbu lathu; 13kholu giyeyedzo nya wuhindzi nya wukhongolo gumba diga sighohi si vbedza gikhati nya gingi nyamba tsayiswa, gu vbwetega va ningwe tsayiso nyamba hwela. 14Pfhumu Nungungulu a ngu dzi phara a timisela mambe mayigo na si gu ma tsayisi, kala ayo ma tadzisa pimo nya wuvivbi wawe, aholu kha giri kharati ga ethu, 15khu guthava gukhuye a nga hi tsayisa hwane nya gu bani hi ghohide ngudzu. 16Khu magirelo yaya, uye gima kha dusi avbo gwathu wuhindzi waye, gambe kha digi vathu vaye gikhati a va tsayisago khu sigaradzo! 17Hi ganede satshavbo sesi, khu gufela basi gukhethu si khale gialakanyiso avbo gwanu. Gasi olu, hi naya mbeli ni longoloko nya guganelele matimo.
Gufa ga Eleyazari
18Khu guralo, Eleyazari, mwama nya khongolo nya muthu ni khovbe nya wumburi, moyo nya guhegule nya vahevbudzi nya nayo, a di gurumedzwa gu hodza nyama nya khumba, va mu hamisa likana khu tshivba. 19Aholu uye a di sambanya gufa khu wuzundzo, guvbindra guvbanya gunyenyezani, a di gimbila na tshulegide gu hongola wulangani nya tsayiso. 20#Wona gambe: Levh 11; Dhan 12:2; Gutu 3:2. A di gosa nyama yatshavbo, kha nga idzo va fanedego gu gira avo va tiyelago gu bomba iso si himbedzedwago gu hodzwa, ambari gu lomba gu ningela womi wawe. 21Aholu, vathangeli nya buzo yoyu nya guvivbe nya wuhedheni ni phaso nya tumbunugo, va diri dzipari dzaye khu gale. Va di mu dzega khu phuvbo, va mu lomba gukhavo a rumele va mu resela dzinyama a dzumedziswago gu hodza, na dzi dongisedwe khuye, gasi a ta hodza gukhwatshi a gu hodza dzinyama nya phaso, kha nga idzo a nga layago khidzo mufumeli. 22Khu gu gira kharato, a di hadza gu vbuluga gufa. Va di gira naye magirelo yaya nya gu mu pwele gisiro, khu kotani nya wupari wawe wa gale. 23Aholu Eleyazari, a di hunga monyoni gwaye gikungu nya wuzundzo, ma yelanago ni tanga yaye, nya thumo wu yelanago ni wukhosane waye, ni wuzundzo nya dzinvi dzaye, ni gululama nya mavbanyelo yaye gukhugela wanana waye nya wuzundzo, ngudzungudzu mayelano ni milayo nya gukatege yi vegidwego khu Nungungulu, a di wona na guri ni lisima gu yiswa gusongwatunu.
24Uye a di phindrula, khuye: “Wupfhadzedzeli wowo kha wu yelani ni tanga yangu, kholu vathu vaphya va nga pimisa khavo, Eleyazari khu tanga nya livbandre na mana magumi myaga, a di vbindrugedza a gu vbanya khu mavbanyelo nya wuhedheni. 25Kharati, khu kotani nya gupfhadzedzele gwangu, ni gu vbweta gu engedzela vbadugwana basi matshigu yangu nya guvbanye ma humbidego, nyi di hadza gu khala giwonelo nya gupengise vathu; isoso si di hadza gu khala gipoyilo ni dzitshoni nya dzikhongolo gugumbani gwangu. 26Ambari naripwani olu nya gu vbuluga gu tsayiswa khu vathu, na nyi si vbulugi, ambari na nyi gu vbanya mwendro na nyi fude, mandzani ga Mune nya Tshivba Yatshavbo. 27Khu guralo, nya gu tiya olu nyi ningela womi wangu, nyi na yeyedza wuzundzo wu yelanago ni gugumba gwangu, nyi na tshiyela madzaha giwonelo nya wuzundzo, gasi vafe na vari ni lisima ni githawo khu milayo yathu nya guage ni guzundzega.”
28Na ganede magana yaya, a di hongola gusongwatunu. 29Vale va nga bani va mu yisa, va dipwa kha nga wupumbu magana a nga ganelago, va di vbindrugedza, va wonegisa khovbe nya wughevenga ni wulala, wulangani nya gupwele gisiro ni wuwadi va nga yeyedzago guhegulani. 30Nari vbafuvbi ni gufa khu dzimbanga nya olu va nga mu khinyelela, a di laledza vbakari gwawe na gu sala, khuye: “Pfhumu Nungungulu a tadego khu wugengeli nya guage ngudzu, a ngu wona gwadi gukhuye eni nyi ngu dzi kodza gu vbuluga gufani, aholu nyi ngupwa wuvi milini gwangu khu tshanisa nya gukwamudwe, ambarulo, nya gu tshaniseka na nyi tsakide hefemuloni gwangu, khu githawo nyi gu nagyo ga Uye.” 31Khu magirelo yaya, mwama yoyu a di vbindra mafuni a gu bela ga gumbe guvbanya; khu gufa gwaye, tshiyede, nasiri madzaha basi, aholu ni ga vathu vatshavbo, giwonelo nya wuzundzo ni gialakanyiso nya gutumbege.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.