2 Makabhewu 7
7
Gu songwa ga livbandre na vavili vandruye
1Gu giregide gambe, ga gimbe gikhati, khu litshigu limwedo, gu modwa livbandre na vavili vandruye gumogo ni mayi wawe. Mufumeli, khu tshivba nya gu va kwamule khu dzimboma, a di zama gu va gurumedza gu hodza nyama nya khumba yi loleziswago khu nayo. 2Moyo wawe a di ganela kharati, khuye: “Ginani u vbwetago gu hi wudzisa ni gu giti avbo gwathu? Ethu hi dzi dongisede gufa guvbindra guhambanisa milayo ya vababe vathu.” 3Mufumeli, a di tala khu giviti, a rumela gukhuye wu dzuriswe nilo umo nya matindzalo numo nya sidhingiselo. 4Avbo magala ma khondridego nya dzadi, a di ruma gukhuye wule a nga phela khuye gu ganela, a pidwe lidimi, va mu tshula lidowo la hungoni, va mu pila mandza ni migondro, na gu wonwa khu vandriyaye ni mayi waye. 5Na va mu pilede sivbango saye satshavbo, mufumeli a di rumela gu mu hidzimisa vbanilotunu, va mu vbisa umo nya litindzalo na nga gu vbanya. Na wu nga gu tuviga wutshi nya litindzalo wu phalalega, vandriyaye gumogo ni mayi wawe, va di tiyiselana khu gyawe, va lomba gufa khu wuzundzo na va tumbegide, 6#Wona gambe: Dhet 32:36. khavo: “Pfhumu a ngu hi wona, khu lisine uye a na hi pwela gisiro, kha nga idzo a ganelago khidzo Mosi ga ndzimo yaye nya silayelo, khuye: Uye a na pwela wuhindzi sithumi saye.”
7Na fude oyu nya guhegule khu mafelo yaya, va di hidzimisa vbatsayisotunu uye nya wuvili. Va di mu tshula lidowo la hungoni gumogo ni ndzudzu, va mu wudzisa, khavo: “U na hodza nyama nya khumba mwendro wa gu vbweta gukhuwe mili wago wu pileledwa givbango khu givbango, gani?” 8Uye a di ganela khu lidimi la va vavelegi vaye, khuye: “Eni gima kha nyi na gira silo nya nga isoso!” Khu guralo, a di tshaniswa khu matshaniselo nya nga ya oyu nya guhegule. 9#Wona gambe: Gut 3:1; 15:8. Na gu sala guya gufani a di ganela, khuye: “Uwe muthu wewe nya guvivbedwe khu monyo, wa gu hi dusela guvbanya gwathu gwa gikhati gegi, aholu Pfhumu nya Tshivba Yatshavbo a na hi wusa a hi yisa guvbanyani nya gupindruge, ha gufa na hi tumbegide ga milayo yaye.” 10Khu hwane nya oyu, va di tshanisa uye nya wuraru. Uye, avbo va nga mu lombago lidimi, a di dzegela gu va ninga, bwelo khavbo a thawuludza mandza khu gutimisela. 11A di ganela na tade khu gitumbo, khuye: “Sivbango sesi, nyi si hakhide khu gu ningwa khu Ndzadzini, olu, nyi ngu si nyenya khu gu haladza milayo ya Nungungulu, nyi ngu lindrela gu si hakha gambe nyaluphye, khiyo gwaye.” 12Mufumeli ni vambe va nga bani va mu randrede, va di samala khu gu wona wundrena wa lidzaha leli, li nga bani li si khathali khu sitshaniso. 13Na fude oyu, va di tshanisa khu magirelo yamamowo oyu nya wu na. 14Na gu sala guhadza gufa, a di ganela, khuye: “Gunengela nya gukhongolo ngudzu gufela mandzani nya vathu na hiri ni gitumbo nya gukhethu Nungungulu a na hi wusa; aholu uwe khu na nga wuga u gu bela guvbanyani.” 15Khu gulandrela, va di ndrindra uye nya livbandre, va mu tshanisa nuye. 16Aholu uye a di khedzisa mufumeli khovbeni a mu embela, khuye: “Ambari u gu muthu u emedwego khu gufa, u na ni tshivba nya guninge lufu vathu, ni gugira guhaladza gwago. Aholu, u nga alakanyi gukhuwe Nungungulu digide va na gyathu! 17Lindrela, u na wona wugulu nya tshivba yaye ni idzo a na gu tshanisago khidzo uwe ni melego wago.”
18Khu hwane ga oyu, va di resa uye nya livbandre na moyo, na si gufi a di ganela, khuye: “U nga dzi pembi sago, kholu, ethu hi na ni fanelo nya guhakhe dzitshanisa dzedzi kholu hi nga ghohela Nungungulu wathu, khigyo gi girago hi hakha sitsayiso sesi nya guthise. 19#Wona gambe: 2 Dzik 13:12; Mith 5:39. Aholu, uwe u nga pimisi gukhuwe u na vbuluga, hwane nya gu bani u tiyede gu dwana ni Nungungulu.” 20Gisamadziso nya gikhongolo gi yelago guzundzega, gi di wonega ga mayi wakone, avbo khu tshigu mwedo basi, a nga wonago na gu songwa sanana saye nya livbandre na sivili a timisela wuvi wowu khu wundrena, kholu gitumbo gyaye a di vegide ga Pfhumu Nungungulu. 21Uye a di laya moyo ni moyo khu lidimi lawe nya mavelego, na tade khu wuvi nya guthavisege, a pata gumogo gutiya nya nga mwama ni wuzundzo nya wunyamayi. 22#Wona gambe: Job 10:8-12; Dzind 139:13-15. A di va embela, khuye: “Kha nyi dziti gukheni mu vbohide kharini mahembeni gwangu, kholu khandreni nyi mi ningidego hefemulo ni guvbanya, gambe khandreni nyi nga vegedzela sivbango sanu. 23Khu lisine, Muvangi nya mafu, uye a nga girago muthu ni Muvangi nya silo satshavbo, khu wuhindzi waye a na mi bweledzelani, liphuvbo ambari guvbanya, mwa gumba khathalani khu sivili sanu khu kotani nya gugole milayo yaye.” 24Aholu, Antiyoko a di pimisa gukhuye nyamayi a gu mu vala ni gu mu poyila; kha nga li nga bani li nga tshade lidzaha nya nandra, a di li sengedzela, nasiri khu magana basi, aholu a di pata ni gu mu tumbisa khu gusambanya gukhuye a gu hambana ni milayo nya tumbunugo wa vakokwe vaye, a na mu ninga wufumu, a khala gitetema, a vbanya na tangade, ni gu mu gira pari ya mufumeli, a mu pharisa mithumo nya wuzundzo umo nya mufumo waye.
25Khu gu wona gukhuye lidzaha li di si mu yingisi, mufumeli a di ruma mayi wakone gu khongotela khu wusingalagadzi gyanana gyaye gasi gi vbulugisa womi waye. 26Hwane nya gu bani a mu gurumedzide dzinyondro nya dzingi, nyamayi a di dzumela gu layela mwanaye. 27A di noga ga gyanana gyaye, a tsorodzela mufumeli wule nya dzihanyi ni guvivbedwa khu monyo, a gu embela mwanaye khu lidimi laye nya mavelego, khuye: “Mwanangu, nyi pwele wusiwana, eni nyi gu sayisidego livbandre na mina migima ndrani gwangu, nyi gu mamisidego myaga miraru, nyi gu wundzidego, nyi gu hevbudza, nyi gu hodzisa kala olu. 28Nyi ngu gu lomba, mwanangu, khedzisa ndzadzini ni mafuni u wona satshavbo si guromo umo. Pimisa gwadi gukhuwe Nungungulu a si giride satshavbo nyambana gilo, kharato gambe ni vatshavbo vathu. 29U nga thavi gighevenga gegi, aholu yeyedza gukhuwe u ngu yedwa khu wuzundzo wa vandriyago, u dzumela lufu, gasi, khu litshigu nya gupwedwe wuhindzi, eni nyi kodze guta gu hakha nyaluphye gumogo ni vandriyago.” 30Na ngari gu vbedza gu ganela, lidzaha li di, khilo: “Ginani mu lindrelago? Kha nyi na yingisa guruma ga mufumeli, aholu nyi na yingisa basi sirumo nya Nayo va ningidwego vababe vathu khu ga Mosi.” 31Aholu uwe u gu uwe muwusi nya tshanisa ni wuvivbi wowu ga Vajudha, khu na vbuluga mandzani ga Nungungulu.
32Gasi ethu, ha gu tshaniswa khu kotani nya sighoho sathu. 33Gasi gu hi tsayisa ni gu hi kawuka, Nungungulu a vbanyago ni Pfhumu yathu, a hi gorogede khu gikhati gidugwana, aholu uye a na wuyelana nyaluphye ni sithumi saye. 34Aholu, uwe muhedheni wewe, nya guvivbedwe khu monyo guvbindra vathu vatshavbo va mafuni, u nga dzi khusedzi nyambana fanelo khu situmbiso nya malipha, u wugela sithumi sa Nungungulu khu kotani nya guvbise nya likhulo lago. 35Kholu u si gu vbulugi gulamudwa khu Nungungulu nya Tshivba Yatshavbo, a wonago satshavbo. 36Vandriyangu hwane nya gu bani va rwade sitsayiso khu gikhati nya gukari, olu va ngu hengela guvbanyani nya gupindruge, khu gikombiso nya gidzumeledzwano, aholu uwe u na tsayiswa gukhedza khu matshandza yago, khu gulamula ga Nungungulu. 37Khu giwonelo gya vandriyangu, nyi ngu ningela givili gyangu ni womi wangu gasi gu vhikela milayo ya vababe vathu, nyi ngu lomba ga Nungungulu gukheni a vbiredzele gu wonegisa wuhindzi waye ga vathu vaye, gasi uwe, vbakari nya sitshaniso ni wuvi, u khodwe gukhuwe Uye khuye Nungungulu wamoyo basi. 38“Likhulo la Mune nya Tshivba Yatshavbo li thegedego lifumbu lathu latshavbo, li na bose avbo gwangu ni vandriyangu.”
39Khavbo avbo, Mufumeli na vbisegide ngudzu, a di tshikhulela lidzaha leli, a gu li tshanisa khu tshivba ngudzu guvbindra vandriyaye, kholu a nga mu tsorodzela. 40Khu guralo, li difa nilo lidzaha leli, na li agisidwe guvivba gwatshavbo, na li vbelede gutumbega ga Pfhumu. 41Khu guhegisani, hwane ga sanana saye, a di songwa nuye mayi wakone. 42Ha gu hegisa avba magana hi lovidego mayelano khu mibuzo ni miphaso nya tumbunugo ni dzitshanisa dzedzi nya guthise.
Currently Selected:
2 Makabhewu 7: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
2 Makabhewu 7
7
Gu songwa ga livbandre na vavili vandruye
1Gu giregide gambe, ga gimbe gikhati, khu litshigu limwedo, gu modwa livbandre na vavili vandruye gumogo ni mayi wawe. Mufumeli, khu tshivba nya gu va kwamule khu dzimboma, a di zama gu va gurumedza gu hodza nyama nya khumba yi loleziswago khu nayo. 2Moyo wawe a di ganela kharati, khuye: “Ginani u vbwetago gu hi wudzisa ni gu giti avbo gwathu? Ethu hi dzi dongisede gufa guvbindra guhambanisa milayo ya vababe vathu.” 3Mufumeli, a di tala khu giviti, a rumela gukhuye wu dzuriswe nilo umo nya matindzalo numo nya sidhingiselo. 4Avbo magala ma khondridego nya dzadi, a di ruma gukhuye wule a nga phela khuye gu ganela, a pidwe lidimi, va mu tshula lidowo la hungoni, va mu pila mandza ni migondro, na gu wonwa khu vandriyaye ni mayi waye. 5Na va mu pilede sivbango saye satshavbo, mufumeli a di rumela gu mu hidzimisa vbanilotunu, va mu vbisa umo nya litindzalo na nga gu vbanya. Na wu nga gu tuviga wutshi nya litindzalo wu phalalega, vandriyaye gumogo ni mayi wawe, va di tiyiselana khu gyawe, va lomba gufa khu wuzundzo na va tumbegide, 6#Wona gambe: Dhet 32:36. khavo: “Pfhumu a ngu hi wona, khu lisine uye a na hi pwela gisiro, kha nga idzo a ganelago khidzo Mosi ga ndzimo yaye nya silayelo, khuye: Uye a na pwela wuhindzi sithumi saye.”
7Na fude oyu nya guhegule khu mafelo yaya, va di hidzimisa vbatsayisotunu uye nya wuvili. Va di mu tshula lidowo la hungoni gumogo ni ndzudzu, va mu wudzisa, khavo: “U na hodza nyama nya khumba mwendro wa gu vbweta gukhuwe mili wago wu pileledwa givbango khu givbango, gani?” 8Uye a di ganela khu lidimi la va vavelegi vaye, khuye: “Eni gima kha nyi na gira silo nya nga isoso!” Khu guralo, a di tshaniswa khu matshaniselo nya nga ya oyu nya guhegule. 9#Wona gambe: Gut 3:1; 15:8. Na gu sala guya gufani a di ganela, khuye: “Uwe muthu wewe nya guvivbedwe khu monyo, wa gu hi dusela guvbanya gwathu gwa gikhati gegi, aholu Pfhumu nya Tshivba Yatshavbo a na hi wusa a hi yisa guvbanyani nya gupindruge, ha gufa na hi tumbegide ga milayo yaye.” 10Khu hwane nya oyu, va di tshanisa uye nya wuraru. Uye, avbo va nga mu lombago lidimi, a di dzegela gu va ninga, bwelo khavbo a thawuludza mandza khu gutimisela. 11A di ganela na tade khu gitumbo, khuye: “Sivbango sesi, nyi si hakhide khu gu ningwa khu Ndzadzini, olu, nyi ngu si nyenya khu gu haladza milayo ya Nungungulu, nyi ngu lindrela gu si hakha gambe nyaluphye, khiyo gwaye.” 12Mufumeli ni vambe va nga bani va mu randrede, va di samala khu gu wona wundrena wa lidzaha leli, li nga bani li si khathali khu sitshaniso. 13Na fude oyu, va di tshanisa khu magirelo yamamowo oyu nya wu na. 14Na gu sala guhadza gufa, a di ganela, khuye: “Gunengela nya gukhongolo ngudzu gufela mandzani nya vathu na hiri ni gitumbo nya gukhethu Nungungulu a na hi wusa; aholu uwe khu na nga wuga u gu bela guvbanyani.” 15Khu gulandrela, va di ndrindra uye nya livbandre, va mu tshanisa nuye. 16Aholu uye a di khedzisa mufumeli khovbeni a mu embela, khuye: “Ambari u gu muthu u emedwego khu gufa, u na ni tshivba nya guninge lufu vathu, ni gugira guhaladza gwago. Aholu, u nga alakanyi gukhuwe Nungungulu digide va na gyathu! 17Lindrela, u na wona wugulu nya tshivba yaye ni idzo a na gu tshanisago khidzo uwe ni melego wago.”
18Khu hwane ga oyu, va di resa uye nya livbandre na moyo, na si gufi a di ganela, khuye: “U nga dzi pembi sago, kholu, ethu hi na ni fanelo nya guhakhe dzitshanisa dzedzi kholu hi nga ghohela Nungungulu wathu, khigyo gi girago hi hakha sitsayiso sesi nya guthise. 19#Wona gambe: 2 Dzik 13:12; Mith 5:39. Aholu, uwe u nga pimisi gukhuwe u na vbuluga, hwane nya gu bani u tiyede gu dwana ni Nungungulu.” 20Gisamadziso nya gikhongolo gi yelago guzundzega, gi di wonega ga mayi wakone, avbo khu tshigu mwedo basi, a nga wonago na gu songwa sanana saye nya livbandre na sivili a timisela wuvi wowu khu wundrena, kholu gitumbo gyaye a di vegide ga Pfhumu Nungungulu. 21Uye a di laya moyo ni moyo khu lidimi lawe nya mavelego, na tade khu wuvi nya guthavisege, a pata gumogo gutiya nya nga mwama ni wuzundzo nya wunyamayi. 22#Wona gambe: Job 10:8-12; Dzind 139:13-15. A di va embela, khuye: “Kha nyi dziti gukheni mu vbohide kharini mahembeni gwangu, kholu khandreni nyi mi ningidego hefemulo ni guvbanya, gambe khandreni nyi nga vegedzela sivbango sanu. 23Khu lisine, Muvangi nya mafu, uye a nga girago muthu ni Muvangi nya silo satshavbo, khu wuhindzi waye a na mi bweledzelani, liphuvbo ambari guvbanya, mwa gumba khathalani khu sivili sanu khu kotani nya gugole milayo yaye.” 24Aholu, Antiyoko a di pimisa gukhuye nyamayi a gu mu vala ni gu mu poyila; kha nga li nga bani li nga tshade lidzaha nya nandra, a di li sengedzela, nasiri khu magana basi, aholu a di pata ni gu mu tumbisa khu gusambanya gukhuye a gu hambana ni milayo nya tumbunugo wa vakokwe vaye, a na mu ninga wufumu, a khala gitetema, a vbanya na tangade, ni gu mu gira pari ya mufumeli, a mu pharisa mithumo nya wuzundzo umo nya mufumo waye.
25Khu gu wona gukhuye lidzaha li di si mu yingisi, mufumeli a di ruma mayi wakone gu khongotela khu wusingalagadzi gyanana gyaye gasi gi vbulugisa womi waye. 26Hwane nya gu bani a mu gurumedzide dzinyondro nya dzingi, nyamayi a di dzumela gu layela mwanaye. 27A di noga ga gyanana gyaye, a tsorodzela mufumeli wule nya dzihanyi ni guvivbedwa khu monyo, a gu embela mwanaye khu lidimi laye nya mavelego, khuye: “Mwanangu, nyi pwele wusiwana, eni nyi gu sayisidego livbandre na mina migima ndrani gwangu, nyi gu mamisidego myaga miraru, nyi gu wundzidego, nyi gu hevbudza, nyi gu hodzisa kala olu. 28Nyi ngu gu lomba, mwanangu, khedzisa ndzadzini ni mafuni u wona satshavbo si guromo umo. Pimisa gwadi gukhuwe Nungungulu a si giride satshavbo nyambana gilo, kharato gambe ni vatshavbo vathu. 29U nga thavi gighevenga gegi, aholu yeyedza gukhuwe u ngu yedwa khu wuzundzo wa vandriyago, u dzumela lufu, gasi, khu litshigu nya gupwedwe wuhindzi, eni nyi kodze guta gu hakha nyaluphye gumogo ni vandriyago.” 30Na ngari gu vbedza gu ganela, lidzaha li di, khilo: “Ginani mu lindrelago? Kha nyi na yingisa guruma ga mufumeli, aholu nyi na yingisa basi sirumo nya Nayo va ningidwego vababe vathu khu ga Mosi.” 31Aholu uwe u gu uwe muwusi nya tshanisa ni wuvivbi wowu ga Vajudha, khu na vbuluga mandzani ga Nungungulu.
32Gasi ethu, ha gu tshaniswa khu kotani nya sighoho sathu. 33Gasi gu hi tsayisa ni gu hi kawuka, Nungungulu a vbanyago ni Pfhumu yathu, a hi gorogede khu gikhati gidugwana, aholu uye a na wuyelana nyaluphye ni sithumi saye. 34Aholu, uwe muhedheni wewe, nya guvivbedwe khu monyo guvbindra vathu vatshavbo va mafuni, u nga dzi khusedzi nyambana fanelo khu situmbiso nya malipha, u wugela sithumi sa Nungungulu khu kotani nya guvbise nya likhulo lago. 35Kholu u si gu vbulugi gulamudwa khu Nungungulu nya Tshivba Yatshavbo, a wonago satshavbo. 36Vandriyangu hwane nya gu bani va rwade sitsayiso khu gikhati nya gukari, olu va ngu hengela guvbanyani nya gupindruge, khu gikombiso nya gidzumeledzwano, aholu uwe u na tsayiswa gukhedza khu matshandza yago, khu gulamula ga Nungungulu. 37Khu giwonelo gya vandriyangu, nyi ngu ningela givili gyangu ni womi wangu gasi gu vhikela milayo ya vababe vathu, nyi ngu lomba ga Nungungulu gukheni a vbiredzele gu wonegisa wuhindzi waye ga vathu vaye, gasi uwe, vbakari nya sitshaniso ni wuvi, u khodwe gukhuwe Uye khuye Nungungulu wamoyo basi. 38“Likhulo la Mune nya Tshivba Yatshavbo li thegedego lifumbu lathu latshavbo, li na bose avbo gwangu ni vandriyangu.”
39Khavbo avbo, Mufumeli na vbisegide ngudzu, a di tshikhulela lidzaha leli, a gu li tshanisa khu tshivba ngudzu guvbindra vandriyaye, kholu a nga mu tsorodzela. 40Khu guralo, li difa nilo lidzaha leli, na li agisidwe guvivba gwatshavbo, na li vbelede gutumbega ga Pfhumu. 41Khu guhegisani, hwane ga sanana saye, a di songwa nuye mayi wakone. 42Ha gu hegisa avba magana hi lovidego mayelano khu mibuzo ni miphaso nya tumbunugo ni dzitshanisa dzedzi nya guthise.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.