2 Makabhewu 5
5
Gufa ga Jasamo
1Khu gikhati gegi, Antiyoko, a di gu dongisela nya wuvili masotshwa gasi gu hongola Egipito. 2Gipimo nya magumana matshigu, dhoropani gwatshavbo, gu di wonega tsangatsanga nya vakhileli nya dzikavalu na va gu tutuma pfhukani khu sikwata, na vari ni guambala nya ndralama, na va pharide matshari va fanana ni tsawa nya vathu va somidego. 3Sikwata nya masotshwa na ma fode khu mafolelo nya gudwane, na ma dongisedwe gu dhumela gimombo ni gimombo, gukutsungwa nya sitshangu, gurinywa siholoma nya singi ngudzu nyambana tengo, matshari na ma homodwe sikhwesoni sa mugiwununi, gu phalalegiswa sighalala, matshari nya gukhedzige nya ndralama, sikhweso nya sikete nya mafumbu yatshavbo. 4Khu guralo, vatshavbo va di gu lombelela gasi siwoniso soso si vbindre khu gu vbiredza. 5Na gu phalalegide gitiviso nya malipha nya gupwani Antiyoko fude, Jasamo a di tshanganisa likhumi mazana (1.000) masotshwa aya dhumela lidhoropa khu githugedza. Na va padwe avbo va vhikelago libhiyo, uye a dzi kodzide gu wandra lidhoropa, Menelawu a di thavela likhokholani. 6Aholu Jasamo a di songa va na gyawe nyamba va tsetselela, a divaledwa khu gukhuye gupala va na gyanu gu dzi vangela libango nya likhongolo; a di gira gukhwatshi a di mana hure ga valala vaye, nasiri ga va na gyawe.
7Aholu, kha dzi kodza gu wandra wufumu. Gambe wulogovedzi waye wu hegiside khu gu mu ninga tsayiso nya dzitshoni, a gu thava nyaluphye a hongola tigoni ga va na Amoni. 8Guvbela nya guvbanye gwaye nya guvivbe khogu: A di thuledzwa mbeli ga Areta, mufumeli wa Vaarabhi, a gu thava khu lidhoropa ni lidhoropa, na gu lundrwa khu vatshavbo, a vengwa kha nga muhambanisi nya milayo, na gu nyenywa kha nga musongi nya litigo laye ni va na gyawe, a di vbagedwa a yiswa Egipito. 9Khu magirelo yaya, wule a tutumisidego vathu nya vangi, a va gurumedza gu duga tigoni gwawe, a diya fela tigoni nya valombo, na gu thavela tigoni ga Esiparita, khu gu tumba gukhuye mwendro a na ya mana wuthavelo ga vathu nya lifumbu lawe.#5:9 Wona gambe: 1 Mak 12, 21, lidangalila li nga lowago khu mufumeli wa Esparita li rumedwa ga Muphasi nya mhamba Oniya. 10Wule a nga digago vathu nya vangi nyamba dzingwa, kha lidwa khu muthu, gambe kha dzingwa khu madzingelo nya githawo, tigoni gwawe mwendro ga va nya mayigo.
11Gikhati mahungu nya esi si giregidego ma nga vboha dzindzeveni ga mufumeli, uye a di alakanyela gukhuye litigo la Judheya li ngu vbweta gu mu wugela. A dita ni masotshwa nya mangi khu Egipito, na ma tade khu likhulo, a di wandra lidhoropa khu tshivba nya matshari, 12a di laya masotshwa gukhuye ma songetele nyamba tsetsa vale va na thegelago mandzani gwawe, va pile migolo vale va thavelago dzinyumbani. 13Kharato, va di songwa vathu vaphya ni sikhosane, va di mbemba vama, vanyamayi ni sanana, dzi di songetedwa dzimbiri ni sikhwathana. 14Khu matshigu mararu, va di songwa livbandre na mararu magumi magumi mazana (80.000), magumana magumi mazana (40.000) nya avo, va di songwa litungani, ni vambe nya vangi va di rengiswa kha nga dzikhumbi. 15Mufumeli kha nga kodwa basi khu esi, a di tiyela guya bela Nyumbani ga Nungungulu a gu iyo yi agidego ngudzu tigoni gwatshavbo, na gu gimbidziswa khu Menelawu, mutshunganisi nya milayo ni mulogovedzi nya litigo laye. 16A di phara khu mandza nya gunyenyeze mikanvu ni sombo nya guagiswe nya miphaso, a gu dzega miningelo yi vegidwego khu vafumeli va vbindridego, gasi gu dandrisa, ni gu mburisa, ni gu dhumisa Wulanga wule nya Guage.
17Antiyoko na tade khu matshandza monyoni gwaye, kha nga tugula gukhuye Pfhumu Nungungulu digide gu khathalela Nyumba yaye nya Miphaso kholu a nga goroga gikhati gidugwanana khu kotani nya sighoho sa vathu va dhoropani. 18Kholu nari gukhwatshi Vajudha va diri mwalo nandru nya sighoho nya singi, uye nuye Antiyoko, gikhati a vbohidego, na khinyeledwe khu tshivba, a gurumedzwa gu diga matshandza yaye, kha nga iso si nga dugelelago ga Heliyodhoro a nga rumedwago khu mufumeli Selewuko guya thumisa Gyuma gya Nyumbani nya Miphaso.
19Khu lisine, Nungungulu khandri a di hatha vathu khu kotani nya Nyumba ya Nungungulu, aholu, hathide Nyumba ya Nungungulu khu kotani nya vathu. 20Khavbo avbo, Nyumba ya Nungungulu, hwane nya gu na yi hengede guvivbani nya vathu, yi dita mana gu hengela dzithombani dza ndzadzini, na yi digidwe gikhatini nya likhulo, yi vbahedzidwe ni wuzundzo waye watshavbo khu gikhati nya guwuyelelane ni Pfhumu Nungungulu a Khusegidego Ngudzu.
21Na giride esi, Antiyoko a di bela Nyumbani ga Nungungulu a guba likhumi na livbandre na mararu mazana (1.800) Dzitaleta, a gu vbiredza gu bwelela Antiyokiya nyamba hwela. Na tade khu matshandza monyoni gwaye, a di pimisa gukhuye a ngu dzi kodza gu gimbidzisa ngalava mafuni nya gubange, ni gu gimbila khu migondro vbatshani nya yiphwa, khu gu dzi gugumugisa nya monyo waye. 22Aholu tshide tigoni dzindruna ni thumo nya gutshanise vathu, a gu edzi: Tigoni ga Jerusalema tshide Filipi, givelegwa gya Frijiya, mwama nya wughevenga ngudzu guvbindra uye a nga mu hathago; 23gigomoni gya Garizimi a di tshiya Androniko, gu diga nya ava, tshide Menelawu, a nga vbindrago vatshavbo khu gu girela guvivba va na gyawe. 24A di rumela nuye Apoloniyo, muthangeli wa Vamisiye, mwama nya guvivbedwe khu monyo, gu thanga mbeli nya libutho nya tshivba nya magumavili na mavili magumi mazana (22.000) vama, ni nayo nya gusonge vakhongolo vatshavbo, ni gu rengisa vanyamayi ni sanana.
25Na vbohide Jerusalema, Apoloniyo a di pfhadza gukhwatshi a guta ni mahungu nya gurule, a di lindrela kala litshigu nya guage nya Sabhadho. Khu vbale, gikhati Vajudha va nga bani va vegisa guhefemula, a di ninga nayo masotshwa ma gu phara matshari. 26Vatshavbo avo va nga dugago khavo guya wona, va di songetedwa. A di dzuwulugela dhoropani ni masotshwa yaye, a gu songa vathu nya vangi ngudzu.
27Aholu Judha, a tidwago khu lina nya gupwani Makabhewu a di duga ni vambe livbandre na vana vama a gu thavela giwulani. A di vbanya ni vathu vaye musigomoni kha nga sirengo sa khabini, na va gu hodza mwasi basi gasi va si dzi nyenyezisi.
Currently Selected:
2 Makabhewu 5: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
2 Makabhewu 5
5
Gufa ga Jasamo
1Khu gikhati gegi, Antiyoko, a di gu dongisela nya wuvili masotshwa gasi gu hongola Egipito. 2Gipimo nya magumana matshigu, dhoropani gwatshavbo, gu di wonega tsangatsanga nya vakhileli nya dzikavalu na va gu tutuma pfhukani khu sikwata, na vari ni guambala nya ndralama, na va pharide matshari va fanana ni tsawa nya vathu va somidego. 3Sikwata nya masotshwa na ma fode khu mafolelo nya gudwane, na ma dongisedwe gu dhumela gimombo ni gimombo, gukutsungwa nya sitshangu, gurinywa siholoma nya singi ngudzu nyambana tengo, matshari na ma homodwe sikhwesoni sa mugiwununi, gu phalalegiswa sighalala, matshari nya gukhedzige nya ndralama, sikhweso nya sikete nya mafumbu yatshavbo. 4Khu guralo, vatshavbo va di gu lombelela gasi siwoniso soso si vbindre khu gu vbiredza. 5Na gu phalalegide gitiviso nya malipha nya gupwani Antiyoko fude, Jasamo a di tshanganisa likhumi mazana (1.000) masotshwa aya dhumela lidhoropa khu githugedza. Na va padwe avbo va vhikelago libhiyo, uye a dzi kodzide gu wandra lidhoropa, Menelawu a di thavela likhokholani. 6Aholu Jasamo a di songa va na gyawe nyamba va tsetselela, a divaledwa khu gukhuye gupala va na gyanu gu dzi vangela libango nya likhongolo; a di gira gukhwatshi a di mana hure ga valala vaye, nasiri ga va na gyawe.
7Aholu, kha dzi kodza gu wandra wufumu. Gambe wulogovedzi waye wu hegiside khu gu mu ninga tsayiso nya dzitshoni, a gu thava nyaluphye a hongola tigoni ga va na Amoni. 8Guvbela nya guvbanye gwaye nya guvivbe khogu: A di thuledzwa mbeli ga Areta, mufumeli wa Vaarabhi, a gu thava khu lidhoropa ni lidhoropa, na gu lundrwa khu vatshavbo, a vengwa kha nga muhambanisi nya milayo, na gu nyenywa kha nga musongi nya litigo laye ni va na gyawe, a di vbagedwa a yiswa Egipito. 9Khu magirelo yaya, wule a tutumisidego vathu nya vangi, a va gurumedza gu duga tigoni gwawe, a diya fela tigoni nya valombo, na gu thavela tigoni ga Esiparita, khu gu tumba gukhuye mwendro a na ya mana wuthavelo ga vathu nya lifumbu lawe.#5:9 Wona gambe: 1 Mak 12, 21, lidangalila li nga lowago khu mufumeli wa Esparita li rumedwa ga Muphasi nya mhamba Oniya. 10Wule a nga digago vathu nya vangi nyamba dzingwa, kha lidwa khu muthu, gambe kha dzingwa khu madzingelo nya githawo, tigoni gwawe mwendro ga va nya mayigo.
11Gikhati mahungu nya esi si giregidego ma nga vboha dzindzeveni ga mufumeli, uye a di alakanyela gukhuye litigo la Judheya li ngu vbweta gu mu wugela. A dita ni masotshwa nya mangi khu Egipito, na ma tade khu likhulo, a di wandra lidhoropa khu tshivba nya matshari, 12a di laya masotshwa gukhuye ma songetele nyamba tsetsa vale va na thegelago mandzani gwawe, va pile migolo vale va thavelago dzinyumbani. 13Kharato, va di songwa vathu vaphya ni sikhosane, va di mbemba vama, vanyamayi ni sanana, dzi di songetedwa dzimbiri ni sikhwathana. 14Khu matshigu mararu, va di songwa livbandre na mararu magumi magumi mazana (80.000), magumana magumi mazana (40.000) nya avo, va di songwa litungani, ni vambe nya vangi va di rengiswa kha nga dzikhumbi. 15Mufumeli kha nga kodwa basi khu esi, a di tiyela guya bela Nyumbani ga Nungungulu a gu iyo yi agidego ngudzu tigoni gwatshavbo, na gu gimbidziswa khu Menelawu, mutshunganisi nya milayo ni mulogovedzi nya litigo laye. 16A di phara khu mandza nya gunyenyeze mikanvu ni sombo nya guagiswe nya miphaso, a gu dzega miningelo yi vegidwego khu vafumeli va vbindridego, gasi gu dandrisa, ni gu mburisa, ni gu dhumisa Wulanga wule nya Guage.
17Antiyoko na tade khu matshandza monyoni gwaye, kha nga tugula gukhuye Pfhumu Nungungulu digide gu khathalela Nyumba yaye nya Miphaso kholu a nga goroga gikhati gidugwanana khu kotani nya sighoho sa vathu va dhoropani. 18Kholu nari gukhwatshi Vajudha va diri mwalo nandru nya sighoho nya singi, uye nuye Antiyoko, gikhati a vbohidego, na khinyeledwe khu tshivba, a gurumedzwa gu diga matshandza yaye, kha nga iso si nga dugelelago ga Heliyodhoro a nga rumedwago khu mufumeli Selewuko guya thumisa Gyuma gya Nyumbani nya Miphaso.
19Khu lisine, Nungungulu khandri a di hatha vathu khu kotani nya Nyumba ya Nungungulu, aholu, hathide Nyumba ya Nungungulu khu kotani nya vathu. 20Khavbo avbo, Nyumba ya Nungungulu, hwane nya gu na yi hengede guvivbani nya vathu, yi dita mana gu hengela dzithombani dza ndzadzini, na yi digidwe gikhatini nya likhulo, yi vbahedzidwe ni wuzundzo waye watshavbo khu gikhati nya guwuyelelane ni Pfhumu Nungungulu a Khusegidego Ngudzu.
21Na giride esi, Antiyoko a di bela Nyumbani ga Nungungulu a guba likhumi na livbandre na mararu mazana (1.800) Dzitaleta, a gu vbiredza gu bwelela Antiyokiya nyamba hwela. Na tade khu matshandza monyoni gwaye, a di pimisa gukhuye a ngu dzi kodza gu gimbidzisa ngalava mafuni nya gubange, ni gu gimbila khu migondro vbatshani nya yiphwa, khu gu dzi gugumugisa nya monyo waye. 22Aholu tshide tigoni dzindruna ni thumo nya gutshanise vathu, a gu edzi: Tigoni ga Jerusalema tshide Filipi, givelegwa gya Frijiya, mwama nya wughevenga ngudzu guvbindra uye a nga mu hathago; 23gigomoni gya Garizimi a di tshiya Androniko, gu diga nya ava, tshide Menelawu, a nga vbindrago vatshavbo khu gu girela guvivba va na gyawe. 24A di rumela nuye Apoloniyo, muthangeli wa Vamisiye, mwama nya guvivbedwe khu monyo, gu thanga mbeli nya libutho nya tshivba nya magumavili na mavili magumi mazana (22.000) vama, ni nayo nya gusonge vakhongolo vatshavbo, ni gu rengisa vanyamayi ni sanana.
25Na vbohide Jerusalema, Apoloniyo a di pfhadza gukhwatshi a guta ni mahungu nya gurule, a di lindrela kala litshigu nya guage nya Sabhadho. Khu vbale, gikhati Vajudha va nga bani va vegisa guhefemula, a di ninga nayo masotshwa ma gu phara matshari. 26Vatshavbo avo va nga dugago khavo guya wona, va di songetedwa. A di dzuwulugela dhoropani ni masotshwa yaye, a gu songa vathu nya vangi ngudzu.
27Aholu Judha, a tidwago khu lina nya gupwani Makabhewu a di duga ni vambe livbandre na vana vama a gu thavela giwulani. A di vbanya ni vathu vaye musigomoni kha nga sirengo sa khabini, na va gu hodza mwasi basi gasi va si dzi nyenyezisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.