Habacuc 1
1
1Kaychömi profëta Habacucta Tayta Dios revelanqan qellqashqa kaykan.
Habacuc llakikur mañakunqan
2 Tayta Dios, llapan shonqüwan mañakamuptïpis ¡imayyaqrä wiyamankitsu!
Pasaypa mañakaykämuptïpis ¡imayrä mana alli runakunapa makinpita salvayämanki!#Sal. 13.1-2; 73.4-14; Jer. 12.1-4; Apoc. 6.10.
3¡Imayyaqrä mana allikunata rurayanqanta rikashä!
Kaychöqa wanutsinakuylla y ushakätsinakuyllam.
Maytsaychöpis rimanakuylla y chikinakuyllam.
4Tsaynö karmi leykunata cäsuyantsu.
Defiendikuyta mana puëdiqkunatam manakaqman churayan.
Munanqaykinö kawaq runakunatam pasaypa chikiyan.
Juezkunapis manam leykuna ninqannötsu arreglayan.
Habacuc mañakunqanta Tayta Dios contestanqan
5Tsaymi Tayta Dios nirqan:
<<Wakin nacionkunata ima päsanqantapis tantiyakur pasaypa mantsakäyay.
Pasaypa mantsariypä kaqkunata ruranäpänam kaykä.
Imanö ruranäpä kanqanta willayäshuptikipis manam criyiyankitsu.#Hech. 13.41.
6Noqam animaykätsï Babilonia#1.6 Hebreo idiömachömi Caldea nin. Caldeaqa Babiloniapa jukaq jutinmi. mana alli runakuna guërrata rurayänanpä.#2Rey. 24.2.
Paykunaqa maytsaypam puriykäyan runakunapa wayinta y chakrankunata qechur.
7Pasaypa mantsaypä mana allim kayan.
Juk nacionman charpis tsay nacionpa leyninkunata mana cäsurmi kikinkunapa leyninkunallata välitsiyan.
8<<Paykunapa caballunkunaqa tigripitapis masmi cörriyan.
Paqaspa puriq löbu mantsaypä kanqanpitapis mas mantsaypämi kayan.
Caballunkuna muntashqam yupaytapis mana atipaypä puriyan.
Anka karupita chipshaman aywanqannömi guërramanpis karupita aywayan.
9Tinkuyanqan kaqtaqa pïmaytapis wanutsirmi ushayan.
Maypa chäyaptinpis runakuna pasaypam mantsayan.
Prësu tsariyanqan runakunaqa lamar kuchunchö arënanörämi kaykäyan.
10<<Nación mandaq reykunatapis autoridäkunatapis asipar penqakuymanmi churayan.
Markachö runakuna amparakuyänanpä murallanqanta rikar asikuyanmi.
Murälla waqtanman allpata muntunaskirmi tsay markakunaman atacayänanpä yaykuyan.
11Shukukuy vientu imatapis ushakätsinqannömi pïmaytapis ushakätsiyan.
Tayta Diosman yärakuyänanpa trokinmi kikinkunapa kallpanman yärakuyan>>.
Tayta Diosta Habacuc yapay mañakunqan
12Tayta Dios tsaynö niptinmi Habacuc nirqan:
<<Tayta Dios, imaypitapis kawaq santu Diosmi kanki.
Imaypis mana ushakaqmi kanki.
Tsapämaqnï qaqam kanki.
Kikiki yanapaptikim Babilonia runakuna castigayämänanpä shayämunqa.
13Tsaynö kaptinpis qamqa jutsa ruraq runakunataqa manam rikaytapis munankitsu.
Jutsasapa runakunataqa imaypis manam chaskinkitsu.
Tsaynö kaykarqa ¿imanirtä tsay mana alli ruraq runakunata ushakätsinkitsu?
¿Imanirtä tsay jutsasapa runakuna jutsaynaq runakunata wanutsiyaptin upälla kakunki?#Sal. 5.4-6.
14¿Imanirtä permitinki lamarchö pescäduta atarräyawan tsariskir apayanqannö runakunata apayänanpä?
¿Imanirtä pipis mana cäsushqa arashtanö wanutsiyänanpä permitinki?
15<<Anzuëluwan atarräyawan karpis atska pescäduta tsariqnömi maytsay nacionpita runakunata wanutsir pasaypa kushikuyan. 16Mikunanpä tsaytsika kaptin pescaq runa atarräyankunata y anzuëlunta adorar sacrificiukunata rupatsinqannömi armankunata adorayan y kallpayuq kayanqanpita gäla tukuyan. 17¿Tsaynöllatsurä wanutsiyanqa? ¿Tsaynöllatsurä nacionkunata mana kuyapaypa ushakätsiyanqa?>>
Currently Selected:
Habacuc 1: qxo
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
