O HIMATOKO 5
5
O buku iluluino deʼ o Duba ma Ngohaka
1 #
Yes. 29:11; Yeh. 2:9-10 Ipaha ngohi tamäke o buku moi iluluino to Unanga Ai giamoka wogogogeruku o kuruhi imomulia gënanga. O buku gënanga iömanga de o dulihi arihohononga deʼ ihisapu de o segel o gahumu tumidi. 2Daha ngohi timäke o malaekat womatëngo wonau-nauru wopöa-pöaka de aiilingi maamokil̄e, ”O nagona ipatutu yawedere o segel-segel nënanga deʼ yahelenga o buku nënanga?” 3Mä yaoa o horogaka, yaoa o duniaka, ekola ngaroka o dunia matimioka hamäkeua o nyawa moiö yakunu yahelenga o buku gënanga, deʼ yolega magoronaika. 4Ma ngohi toari hadangö ihihöhowo-howo hababu o nyawa moiö de koiwa ipatutu yahelenga o buku gënanga, deʼ yolega magoronaika. 5#Kej. 49:9; Yes. 11:1, 10 Daha womatëngo o tutuda-o tutuda manga hidogoronaka gënanga wohitemo ngohino, ”Uha noari! Nolega! O singa o ahali de o hoana o Yehudaino, o Daud wolamo-amoko aidifauku, woutumoka. Unanga wakunu wapooteke o segel tumidi deʼ wahelenga o buku gënanga.”
6 #
Yes. 53:7; Za. 4:10 Ipaha ngohi tamäke o Duba ma Ngohaka moi imaokoino o kuruhi imomulia gënanga mahidödogoronaka, ihigilolitino o dodadi iata deʼ o tutuda mata-mata gënanga. O Duba ma Ngohaka gënanga hapulo-pulono hokä haluitoka mangomahino. To ënanga matataduku tumidi deʼ malako tumidi: enagënanga o womaha tumidi ma Jou Madutuino yahulokoka o duniaika ingodumu. 7Ipaha o Duba ma Ngohaka gënanga itagi yaika deʼ yal̄ë o buku iluluino gënanga o nyawa aigiama manirakoka wogogogeruku o kuruhi imomulia mal̄okuoka. 8#Mzm. 141:2 O Duba ma Ngohaka gënanga idiai hokogënanga magogiriaka, yatilabukuku mahimangoka o dodadi iata deʼ o tutuda-o tutuda yamonaoko de yaruata. Onanga moi-moi yasöika o kecapi deʼ o belu-belu o gurasi madol̄a o manyanyi, enagënanga ma Jou Madutu aiumati manga niata. 9#Mzm. 33:3, 98:1; Yes. 42:10 Onanga yonyanyi o lugo mahungi moi:
”Ngona i patutu nal̄ë o buku gënanga
deʼ napooteke masegel-segel.
Hababu Ngona initomaka, deʼ de Ani honenge,
o nyawa hagala o hoanino, o bahasa, o negara deʼ o hoana de o berera ini ijaka mangale ma Jou Madutu.
10 #
Kel. 19:6; Him. 1:6 Ngona nahidadioka önanga o hoana moi o imam-imam noma dinga-dingakoka,
hupaya önanga iwileleani tongone nanga Jou Madutu,
deʼ yopareta o dunia mal̄okuoka.”
11 #
Dan. 7:10
Ipaha ngohi tamäkeoli. Ngohi toihene o malaekat mailingi maribu-ribuhu deʼ masäna iribu-ribuhu mangöe. Onanga imaoko yakiloliti o kuruhi imomulia deʼ o dodadi iata de o tutuda-o tutuda gënanga. 12Deʼ onanga yonyanyi de manga ilingi makuatil̄e,
”O Duba ma Ngohaka yalui-luitoka mangomahino gënanga, ipatutu mangale yatarima o kuaha;
o kaya, o barija deʼ o kuata;
ünanga ipatutu iwihoromati, iwihimulia deʼ iwihigögogiriri!”
13Daha ngohi toihene hagala o dodadi o dihangoka, o duniaka, o dunia matimioka deʼ o ngöto magoronaka – de madipoko, hagala o dodadi o alami madol̄a nënanga – i nyanyi,
”Unanga wogogere o kuruhi imomulia mal̄okuoka, deʼ o Duba ma Ngohaka ikokurutil̄e gënanga,
ganga iwihigögogiriri deʼ iwihohoromati de womulia deʼ wokuaha mangale kahi ado-adonika!”
14Ododadi iata gënanga yohaluhu, ”Amin!” Deʼ o tutuda-o tutuda genangö yatilabuku deʼ iwi huba.
Currently Selected:
O HIMATOKO 5: TLB
Highlight
Copy
Compare
Share
Want to have your highlights saved across all your devices? Sign up or sign in
