O AMSAL 7
7
1Kokiani nöhohininga ahidemo-demo, ahingohaka, deʼ uha nawohanga okianaga tonihi popareta ngonaika. 2Namoteke hagala ahinasihati hupaya ngona nowango nosanangi. Namoteke hagala ahidodotoko nohidodiai hokä ngona nögoana anilako magomono mahirete. 3Nöhohininga salalu hagala ahidodotoko gënanga, deʼ nagogono anihininga magoronaka. 4Nadiai o barija hokä anidodoto deʼ o ganako hokä anidodiawo madutu. 5O barija aha inihitingaka ngona yakökurutika deo ngoheka monaka-nakali, deo ngoheka ami bobaja de ami demo-demo mamuti-mutiti.
O ngoheka monaka-nakali
6O wange moiuku ahitau majangelaino de topulo-pulono. 7De ngohi tämake manga ngöe o goguduru okia-kiaowahi yanako; mä duru titötailako womatengo mahidogoronaka wobodo. 8-9O bimaoauku itigi-tigi ihuhutu, o goduru gënanga wotagi-tagi womahitigi-tigi. Tigika ongekomo madupukoroka mamota ongï mogogere momatengo ongoheka. 10-12Ongoheka genanga mamao mosanangua momagogogere ami tauoka. O öraha utu munanga naga o ngekomo madatekoka, ipaha o lapangoka, ekola momaokoino mototama o ngekomo madupukoroka. Ami kalakuanga mobarani de manakoua o mal̄eke. Tomimake munanga mohupu de momapakeanga hokä o ngoheka ohuhutu yanïniki, de mimake o goduru genanga de ami datoro oakali madorou. 13Munanga mikololo o goduru genanga de miame. Moma hohamal̄ekua mitemo unanga, 14”Owange nenanga ngohi kiani tofangu ahijaji, de mangale genanga ngohi tohihuba ka ohuhuba. 15Genanga mahababu ngohi tohupu mangale tonilingiri ngona, hupaya ngona hol̄omo ahitauoka. O öraha nenanga ngohi toni makeoka ngona! 16Ahi dangiri tomaidu-idu tata munukuoka de o siperei irupa-rupaka ma bunga o Mesirino, 17de tabuonoka de o mur, o cendana de o kayu manis mabounu ihemo-hemoro. 18O öraha nenanga, naino ngone homahi more-morene de hamao nanga rorasa homahisanangi o hutu hahaiwatiki. 19Ahirokata kowiwa otauoka, unanga magogiria wodagi magogurutika. 20Unanga woao tiwi kohaamoka, de aha wolioua o mingguhinoto magoronaka.” 21Hokogenanga o ngoheka genanga melaru o goduru genanga de o bobaja yatauru ai hininga hiadono migoda unanga. 22Wapikirikau unanga woniki o ngoheka genanga hokä o hapi yatatauru mangï yatoa-toakika de hokä o nyawa yatumunguku yaao mangale yatarima ohuku mangi yasosadiaka mangale o nyawa bodo; 23öraha mahuhutulohi otoimi madatoaha yatotara ai gate. Hokä ototaleo ihoho yameta o modoika, hokogenanga o goduru genanga woma nako-nakoua ai jiwa iboditoka. 24Nababu genanga ngoha-ngohaka, nihihigihene ngohi Niohininga ngihidodiai hagala ahi nasihati. 25Uha mimi mal̄aika ongoheka hokä hokogenanga matauru ani hininga, uha noiki womilingiri munanga, 26hababu munanga mawederoka manga wowango o nau-nauru komangangoe. Haetongo hakunua mangangoe yobinaha karana munanga. 27Noiki ami tanika mamangari yale o ngekomo madipoko mameta o honengika.
Currently Selected:
O AMSAL 7: TLB
Highlight
Copy
Compare
Share
Want to have your highlights saved across all your devices? Sign up or sign in