O BILANGAN 34
34
Ma batingi-ma batingi o berera gënanga
1Ma Jou wohidöaka o Musaika 2o pareta-o pareta nënanga mangale o Israel manyawa, ”Itedekanokaua ngini niwohama o Kanaan mabereraika, o berera Tinihi döa-döaka nginika hokä o tonaka o puhaka. Nenanga doka maba tingi-ma batingi nia berera gënanga. 3O Koreharail̄e, o batingi gënanga imulaenge o Zin matonaka ikokakahaka de yaigoro o Edom. O wange mahiwaroko o batingi gënanga imulaenge o Honenge ma Ngöto mabarenoka o koreharail̄e, 4irehene koreharail̄e yameta o Akrabim ma Ngekomo deʼ igila-gila o Zinika hiädono o Kades-Barnea o koreharail̄e. Genangokadau irehene o wange madumuniha hiädono o Hazar-Adar, deʼ igila-gila o Azmonika. 5Genangokadau de irehene o waika o Mesir mahiri batingoka deʼ mabobaha o Ngöto i Kokoronaka.
6O Ngöto i Kokoronaka marupa nia berera mabatingi o wange madumuniha.
7O koremieuku, o batingi gënanga imulaenge o Ngöto i Kokoronaka yameta o Hor mal̄oku. 8Genangokadau de o Hamat ma Ngekomika, daha igila-gila o Zedadika 9deʼ o Zifronika deʼ mabobaha o Hazar-Enanoka.
10O wange mahiwaroko, o batingi gënanga imulaenge o Hazar-Enanoka de o Sefamika. 11Genangokadau de iuti o Riblauku o Ain deo wange ma hiwaroko, daha igila-gila o doporono-o doporonika o Galilea ma Taaga mahohana o wange mahiwaroko. 12Daha o koreharail̄e o Yordan ma Ngairi magurutu hiädono o Honenge ma Ngötoka.
Genanga doka nia berera imoteke mabatingi-mabatingi magilolitino.”
13 #
Bil. 26:52-56
#Yos. 14:1-5 O Musa wätemo o Israel manyawaika, ”Genanga doka matonaka aha ngini nia tarima de madodagi niundi, o tonaka imoteke ma Jou Ai pareta kokiani ihihikodoku o Israeloka manga hoana hiwo de mahonongaika. 14O Ruben deʼ o Gad manga hoana de ikali o hidoku mahononga o Manasye ai hoanino yatarimaka toönanga manga hidoku, deʼ o tonaka gënangö ma, ihikodokuoka toönanga manga tau madol̄aika. 15Toönanga manga tonaka puhaka gënanga o Yordan ma Ngairi o wange mahiwaroko, imahi tigi-tigika o Yerikho makotaika.”
O tutuda-o tutuda yahi momanarama inï hikodoku o tonaka gënanga
16Ma Jou wïtemo o Musaika, 17”Yohidoku–doku o tonaka gënanga kokiani tingini nia hidogoronaka gënanga ma Imam Eleazar deʼ o Yosua o Nun ai ngohaka. 18Natumutö o hoana yogetongo o tutuda womatengo mangale wiriwo o Eleazar deʼ o Yosua ihikodoku o tonaka gënanga.” 19-28Manga romanga o nyawa geönanga ganga:
| Ai hoana | Manga tutuda |
|---|---|
| o Yuda | o Kaleb o Yefune aingohaka |
| o Simeon | o Semuel o Amihud aingohaka |
| o Benyamin | o Elidad o Kislon aingohaka |
| o Dan | o Buki o Yogli aingohaka |
| o Manasye | o Haniel o Efod aingohaka |
| o Efraim | o Kemuel o Siftan aingohaka |
| o Zebulon | o Elisafan o Parnah aingohaka |
| o Izakhar | o Paltiel o Azan aingohaka |
| o Asyer | o Ahihud o Selomi aingohaka |
| o Naftali | o Pedael o Amihud aingohaka |
29Geönanga doka ma Jou wahi popareta mangale ihi kodoku o tonaka o puhaka o Israel manyawaika o Kanaan mabereraka.
Currently Selected:
O BILANGAN 34: TLB
Highlight
Share
Compare
Copy
Want to have your highlights saved across all your devices? Sign up or sign in
