O BILANGAN 26
26
O Sensus mahinotoka
1 #
Bil. 1:1-46
O Bodito gënanga de ipahaika, ma Jou wätemo o Musa deʼ o Eleazarika, ma Imam Harun aingohaka, 2”Ngini kokiani niä sensun yongodumu o Israel manyawa imoteke manga tau madol̄a moi-moi. Mata-mata o nau-nauru manga umuru o taongo monaoko de ihikail̄e kayakunu yodadi o tentara, kokiani nihitulihi manga romanga.” 3-4O Musa deʼ o Eleazar yadiai o pareta gënanga. Onanga yä ahoko o nau-nauru mata-mata manga umuru o taongo monaoko de hinoto de ihikail̄e deʼ yatoomu önanga o Moab matonaka irata-rataoka, o Yordan ma Ngairi mahonongaka imahi tigi-tigika o o Yerikho makotaika.
Ne önanga o Israel manyawa yohö hupu-hupu o Mesiroka.
5O Ruben, o Yakub aingohaka mariaka; o Henokh, o Palu, 6o Hezron deʼ o Karmi manga ahaluku. 7O Nau-nauru manga ahali magoronaka gënanga manga ngoë manyawa ya 43.730. 8O Palu aingohaka gënanga o Eliab, 9deʼ o Eliab ai ngoha-ngohaka ganga o Nemuel o Datan deʼ o Abiram. O Datan deʼ o Abiram gënanga o umati yäirikoka, mä önanga imahi ganua de o Korah iwinö ninïki mangale yä lawani o Musa deʼ o Harun deʼ iwi lawani ma Jou. 10De o tonaka imoana deʼ yälahiri önanga hiädono önanga yohonenge kamamoi de o Korah deʼ iwinö ninïki maöraha o uku yäbinaha o nau-nauru ya 250. O hali gënanga idadi o hohininga o Israel manyawaika. 11Mä o Korah ai ngoha-ngohaka koya hidotomaua.
12O Simeon ai hoanino: O Nemuel, o Yamin, o Yekhin, 13o Zerah deʼ o Saul manga ahaluku. 14O nau-nauru manga ahaluku magoronaka gënanga manga ngoë manyawa ya 22.200.
15O Gad ai hoanino: O Zefon, o Hagi, o Syuni, 16o Ozni, o Eri, 17o Arod deʼ o Areli manga ahaluku. 18O nau-nauru manga ahaluku magoronaka gënanga manga ngoë manyawa ya 40.500.
19-21O Yehuda ai hoanino: O Syela, o Peres, o Hezron deʼ o Hamul manga ahaluku. O Yehuda aingohaka yahinoto, enagënanga o Er deʼ o Onan, yohonengoka o Kanaan ma tonakoka. 22O nau-nauru manga ahaluku magoronaka gënanga manga ngöe ya 76.500.
23O Izakhar ai hoanino: O Tola, o Pua 24O Yasub deʼ o Simron. 25O Nau-nauru manga ahaluku magoronaka gënanga manga ngoë ya 64.300.
26O Zebulon ai hoanino: O Sered, o Elon deʼ o Yahleel manga ahaluku. 27O Nau-nauru manga ahaluku magoronaka gënanga manga ngoë manyawa ya 60.500.
28O Yusuf aidifauku, aingohaka o nauru yahinoto: O Manasye ai hoana deʼ o Efraim ai hoana.
29O Manasye ai hoanino: O Manasye aingohaka, o Makhir, ai ama ganga o Gilead; deʼ o ahali-o ahali imakoki nïkika nënanga ganga o Gilead aidifauku: 30O Iezer, o Helek, 31o Asriel, o Sekhem, 32o Semide deʼ o Hefer. 33O Zelafehad o Hefer aingohaka o nauru koiwa, duga-duga o ngoheka. Toönanga manga romanga ganga o ngo Mahla, o ngo Noa, o ngo Hogla, o ngo Milka deʼ o ngo Tirza. 34O nau-nauru manga ahaluku magoronaka gënanga manga ngoë manyawa ya 52.700.
35O Efraim ai hoanino: O Sutelah, o Bekher, deʼ o Tahan. 36O Eran ai ahaluku ganga o Sutelah ai difauku. 37O nau-nauru manga ahali magoronaka gënanga manga ngoë ma nyawa ya 32.500. Genanga o ahali-o ahali o Yusuf aidifauku.
38O Benyamin ai hoanino: O Bela, o Asybel, o Ahiram, 39o Sefufam deʼ o Hufan manga ahaluku. 40O Ared deʼ o Naaman manga ahaluku ganga o Bela aidifauku. 41O nau-nauru manga ahaluku magoronaka gënanga manga ngöe manyawa ya 45.600.
42O Dan ai hoanino: O Suham ai ahaluku. 43O nau-nauru ai ahali magoronaka gënanga manga ngoë ma nyawa ya 64.400.
44O Asyer ai hoanino: O Yimna, o Yiswi deʼ o Beria manga ahaluku. 45O Heber deʼ o Malkiel manga ahaluku ganga o Beria aidifauku. 46O Asyer ngoi yora ongoheka momatengo ami romanga ongo Serah. 47O nau-nauru manga ahuluku magoronaka gënanga manga ngöe manyawa ya 53.400
48O Naftali ai hoanino: O Yahzeel, o Guni, 49O Yeser deʼ o Syilem. 50O nau-nauru manga ahali magoronaka gënanga manga ngoë ma nyawa ya 45.400.
51Mata-mata o nau-nauru o Israel manyawa manga ngoë ma nyawa ya 601.730.
52 #
Bil. 34:13; Yos. 14:1-2 Ma Jou wïtemo o Musaika, 53”Nahikodoku o tonaka gënanga o Israel ma nyawaika imoteke ma amoko toönanga manga hoana. 54-56Nadiai gënanga de o undi. Manga hoana ilago-agomika kokiani nahidöaka manga hidoku ilamoko, deʼ manga hoana ma itetekika, manga hidoku ihutulu.”
57O Lewi ai hoanoka o Gerson, o Kehat deʼ o Merari manga ahali. 58Toönanga manga difauku magoronaka naga o Libni, o Hebron, o Mahli, o Musi deʼ o Korah manga ahali. O Kehat ganga o Amram ai ama. 59O Amram wokawingi deʼ o ngo Yokhebed, o Lewi ngoi ora. O ngo Yokhebed gënanga momakil̄au o Mesir mabereraka. O Amram deʼ o ngo Yokhebed manga ngohaka o nauru yahinoto: O Harun deʼ o Musa, inoli o ngoheka momatengo, o ngo Miryam. 60#Bil. 3:2 O Harun aingohaka o nauru yaruata: O Nadab, o Abihu, o Eleazar, deʼ o Itamar. 61#Im. 10:1-2; Bil. 3:4 O Nadab deʼ o Abihu yohonenge maöraha önanga ihihuba o uku ma Jou Madutu Ai hininga yadö dae-daenua. 62O Nau-nauru o Lewi ai hoanino manga umuru o mede moi dei hikail̄e manga ngoë manyawa ya 23.000. Onanga yahitulihi itingakika yahikaganua de manga nyawa o hoana deʼ o berera moi, karana önanga yamakeua o tonaka o puhaka o Israel ma tonakoka.
63Nënanga yatuli-tulihuku o Musa deʼ ma Imam Eleazer ya korona o Israeloka manga ahali maöraha önanga yodiai o sensus o Moab matonaka irata-rata o Yordan ma Ngairi ma honongaka imahi tigi-tigika o Yerikho ma kotaika. 64Hagala o nyawa mahira o Musa deʼ o Harun yahitulihoka o Sinai matonaka ikokakahaka, kaimatengo makoiwa naga kayo wangohi. 65#Bil. 14:26-35 Ma Jou wahetongoka önanga mata-mata aha yohonenge o tonaka ikokakahaka. Deʼ igoungu önanga mata-mata yohonenge sowaliua o Kaleb o Yefune aingohaka deʼ o Yosua o Nun aingohaka.
Currently Selected:
O BILANGAN 26: TLB
Highlight
Share
Compare
Copy
Want to have your highlights saved across all your devices? Sign up or sign in
