O BILANGAN 17
17
O Harun ai diki-diki
1Ma Jou wïtemo o Musaika, 2”Nä huloko o Israel manyawa ihidöaka ngonaika o diki-diki o gahumu ngimoi de hinoto, o hoana moi o diki-diki moi, kokiani manga hoana matutuda ihidöaka. Natulihi manga romanga moi-moi o tutuda gënanga manga diki-diki ika, 3deʼ o Harun ai romanga o Lewi ai hoana madiki-dikiika. Mangale o hoana matutuda yogetongo kokiani naga o diki-diki o gahumu moi. 4Nao hagala o diki-diki gënanga Ahi Tauika deʼ nakelenga o Jaji ma Peti mahimangoka, o ngï Ngohi biaha homakamake dede ngini. 5O nyawa Tä iri-iriki manga diki-diki aha itori. De madodagi hoko gënanga Ngohi aha tatogumu hagala o nyawa manga daiana kahoko genangika kaini ngamo-ngamo nginika?”
6O hali gënanga o Musa wohiädono o Israel manyawaika. De hagala toönanga manga tutuda ihidöaka unangika o diki-diki o gahumu moi mangale o hoana moi manga tutuda. Mata-mata naga o gahumu ngimoi de hinoto, deʼ o Harun ai diki-diki naga mahi dogoronaka. 7Daha o Musa wohi gogere hagala o diki-diki gënanga ma Jou ai Tau magoronaka o Jaji ma Peti mahimangoka.
8 #
Ibr. 9:4
Yarehino mawange, maöraha o Musa wowohama ma Jou Ai Tau magoronaika, ünanga wamake o Harun ai diki-diki, enagënanga o Lewi ai hoana madiki-diki, itorioka. O diki-diki gënanga i boro, ihuri deʼ ihi hasili o tiliho mahohoko madodimono! 9O Musa wal̄ë mata-mata o diki-diki gënanga de wohi dumutu o Israel manyawaika. Onanga yamake okia idö dadadioka, daha moi-moi o tutuda yal̄ëoli manga diki-diki. 10De ipaha ma Jou wïtemo o Musaika, ”Na kelenga nohi galioli o Harun ai diki-diki o jaji ma Peti mahimangoka. O diki-diki gënanga kokiani igogono hokä o hohininga o Israel manyawaika yoigo-igo imalawani gënanga önanga aha yohonenge nako önanga yamal̄aua yongamo-ngamo.” 11O Musa wadiai okia ma Jou wihi popareta.
12De o Israel manyawa iwitemo o Musaika, ”Nako hoko gënanga, ngomi mibodito! Ngomi aha mibinaha. 13Nako o nyawa imahi tigika ma Jou Ai Tau kokiani yohonenge done koiwaka o ngonganono mangale ngomi!”
Currently Selected:
O BILANGAN 17: TLB
Highlight
Share
Compare
Copy
Want to have your highlights saved across all your devices? Sign up or sign in
