O NAHUM 3
3
1I bodito o kota nënanga iomanga o tengeluku deʼ o doma;
iomanga o baranga iora-oraino ekola ibobanakonino.
2Ni ihene o boboha mailingi deʼ o roda maboriti,
madibingi o kuda ima popata deʼ o kereta matodara.
3O kudauku yobare-barene manga duduono yo parangi itötotomo manga kuata,
o oworo mai sawi deʼ o kuama ma meletongo.
O nyawa yohonenge hakunua hä etongo
toönanga manga maiyeti kaitoto porono
hagala o nyawa yadiai yopeleke.
4O Niniwe ma röehe ya huku-hukunu gënanga magogiria wahi döaka o hukumanga.
Mahailoa igoungu yatauru nanga hininga.
O höana deʼ o berera ma ngöe iwi gumateroka,
deʼ iwi baja deʼ ihi sanangi ai hininga.
5Ma Jou Duru wo ko Kuaha wotemo,
”Hei Niniwe, ngona aha Toni hangihara!
Ani ngöere taiki o hoana deʼ o berera ma ago-agomo manga himangoka
hiädono ani maleke önanga yamake.
6Toni hidiai ngona hokä o baranga ha emo-emono,
Toni kaweli ngona deʼ o pëseke;
Toni hidadi ngona o baranga ya wuni-wuningi.
7Inimö make-make aha imahi kurutika manga diri deʼ yo temo,
’O Niniwe igogogere kamagiliangokahi mata-mata!
O nagona yonïki yoduka de de enanga?
Koiwa yomau ihi döaka o lolaru enangika.’ ”
8Hei Niniwe, kiaka yakunu ngona iholoi yaoa ngaro deʼ o Tebe, o Mesir makota matiti? O Tebe ö magogere o ngairi madatekoka yahohongino hokä o bebeno o mehele. Ya, o Nil ma Ngairi gënanga o bebeno madadatoko. 9O Tebe ya pareta mangale o Sudan deʼ o Mesir, deʼ ma kuaha koiwa mabatingi; o Libia deʼ o Put ganga ai dodiawo. 10Ngaro hoko gënanga, o Tebe manyawa ya tagoko deʼ ya toraka o tabuangika. Mata-mata o ngekomo mai tetekoka, aingoha-ngohaka yägohara hiädono yohonenge. Ainyawa yolago-agomo yalara deʼ o rante deʼ ya hikodoku ya tago-tagoko manga hidogoronaoka.
11Hei Niniwe, ngonaö aha nokiditoko karana ini mal̄eke. Ngona ö aha nomahidailako hupaya no otana hagala ani haturuino. 12Hagala ani bebeno o mehele aha hokä o ara ma gota ma utu iomanga hagala o hohoko iomu-omuku. Nako o gota ma utu gënanga yagiwi, hagala ma hohoko aha itifa o nyawa yonö nahihu yaol̄omo manga uru magoronauku. 13Hagala ani tentara yobole hokä o ngoheka deʼ ani berera kama moiuku ima sikaua yä himanga o haturu. O uku aha yatuhuku ani ngorana ma ago-agomo hagala madudukuru. 14Nomä guiti dika o akere mangale no ma sadia madekana ngona ini higiloliti, deʼ nakuata hagala ani bebeno o mehele! Na doko-doko o peseke mangale nodiai o tela, deʼ nasadia hagala ihi popahitaka! 15Okia ö nadodiai, aha parahaja dika, hababu ngona maraioka aha no mata inï uku ekola nohonenge o parangi magoronaka. Ngona aha nohihanga hokä o dumule ma hasili yaol̄omo o kahoho.
Ngona no fätoka hokä o kahoho! 16Ani nyawa ima huku-hukunu iholoi manga gegetongo hagala o murumu o dihangoka! Mä o öraha nënanga önanga yohihanga, hokä o kahoho yarefe magahuhu daha ihoho imahihanga. 17Ani nyawa yolö ago-agomo deʼ yo pangka-pangkati hokä o kahoho matika ima hohongo hagala o bebeno o meheloka maöraha o dumamata. Mä o wange ipotoka ibötino, enanga deʼ majapati imahihanga; moiua ö ihi öriki kiaika enanga iöiki.
18Hei o Asyur maberera ma koano! Hagala nia gubernur yohonengoka, deʼ hagala nia bupati imä idu mangale kahi ado-adonika. Ani kawaha hohahikokabarihi o l̄oku ma buturungoka, deʼ moiua ö yakunu yaao önanga yahigiliooli. 19Ani bodito yakunua ihouru, deʼ hagala ani nabo yakunua itogumu. Mata-mata o nyawa yoihene ani binaha ma abari yopopoka yomorene. Hababu mata-mata o nyawa yatagongo o hangihara karana nia dorou ipaha-pahaua gënanga.
Currently Selected:
O NAHUM 3: TLB
Highlight
Copy
Compare
Share
Want to have your highlights saved across all your devices? Sign up or sign in
