O HABAKUK 1
1
1Nënanga o behehongo wohinyo nyata-nyata ma Jou ma Nabi Habakukika.
O Habakuk ai hininga ma böaka mangale i adi-adilua
2Ya, Jou, hiädono öraha okia ngohi kiani tomahi böaka togahoko o roriwo? Maöraha okia Ngona aha noihene deʼ nomi hihalamati ngomi imi tuku-tukuino? 3Yadodoa nohi mal̄aika ngohi tamake hoko gënanga ma ngöe o dorou? Kaiyakunu Ngona natahana nolega-lega hoko gënanga manga ngöe yatotilakuru? Kiaka honanga naga o binaha deʼ o dobuturungu, ima kangamo deʼ imateke ributu. 4O tita yolegaikaua deʼ komaiwa ihimatoko o adili. O nyawa ma dorou imadiai yoholoi yokurutil̄e ngaro deʼ o nyawa manga hininga iriko-rikoto, done o adili ya tö takaidulu.
Ma Jou Ai bobaluhu
5 #
Kis. 13:41
Ipaha ma Jou wätemo Ai umatika, ”Nio hohininga o höana deʼ o berera ma ago-agomo inihi gogilolitino, done ngini aha niheranga deʼ nikiriri. Hababu nia orahoka Ngohi aha todiai okianaga moi, ngini nia ngakuua nako duga-duga kainï ade-ade nginiika. 6#2Kok. 24:2 O Babel manyawa duru yohohatera gënanga aha Tahidadi o höana de o berera yokokuaha. Onanga yohupu yotuo-tuono manga bereraka deʼ yaino deʼ yodadagi o dunia ya mode-modekika mangale ya utumu o hoana deʼ o berera ma ago-agomo ma homoaino. 7Okiaika honanga önanga ihi puda o hawana; deʼ manga edenge önanga yatila mata-mata o tita sawaliua ima mö mote-moteke toönanga manga nahihu.
8Manga kuda iholoi itaiti ngaro deʼ macan tutul, deʼ iholoi ihatera ngaro deʼ o kaho o honganika ma gogiria yahahini. O kudauku yo bare-barene manga duduono yoboa hagala o berera magogurutoka deʼ yaino; önanga yoboa hokä o totaleo o kawihi yautuku ma inomo.
9Manga tentara yoparangi mangale yodiai deʼ mabuturungu, mata-mata o nyawa yohahara yä make önanga yoboa. Onanga yatago-tagokino hakunua hä etongo manga ngöe. 10Onanga yahohedu o kokoano deʼ yä gogiete hagala o pegawe magogurutil̄e. Ya pulono okia-kiaua yädaene o bebeno o mehele yogetongo, deʼ yopohuku o tonaka daha yaora o bebeno o mehele gënanga. 11Daha kaima tero majapati o hidal̄oko, imagoraka hagala o nyawa ihi amo-amoko manga kuata mahirete gënanga.”
O Habakuk ai hininga ma boakoli ma Jouika
12Jou, maöraha kahurunikahi Ngona ganga o Jou Madutu. Ngona ahi Jou Madutu no tebi-tebini deʼ nokokakali. Jou, ahi Jou Madutu deʼ ahi hohohongo, o Babel manyawa gënanga Na iriki deʼ madiai yo puturungu mangale imï hukumu ngomi. 13Mä sarakia Ngona nakunu napulo-pulono hagala o nyawa madorou deʼ koö iwa-iwa manga hayanga gënanga? Koigoungua Ngona duru no tebini mangale napulo-pulono o dorou? Koigoungua Ngona namao na emono namake iadi-adilua? Ho, yadodoa Ngona kanoma riridoka dika maöraha o nyawa yotebi-tebini yabinaha mangale yososetiaokaua?
14Yadodoa o nyawa Na pulono hokä o nawoko o ngötoka, de hokä o kahoho koiwa ma tutuda? 15O Babel manyawa ya tagoko hagala o nyawa deʼ o gumä, ma tero-tero önanga gënanga o nawoko; Hagala o nyawa gënanga yaliliara hagala o jä magoronaka deʼ o Babel manyawa kaimahi sosanangi deʼ toönanga manga hasili. 16Ipaha o jä gënanga önanga yahuba deʼ önanga ihi huba o huhuba, hababu deʼ o jä gënanga önanga yamakeoka o rijiki deʼ ma boboloi deʼ idadi mata-mata ka deʼ enanga.
17Kiaka yakunu önanga aha gila-gila imä rahukil̄e manga oworo deʼ yä toma o hoana deʼ o berera ma ago-agomo, koiwa ma apongo?
Currently Selected:
O HABAKUK 1: TLB
Highlight
Copy
Compare
Share
Want to have your highlights saved across all your devices? Sign up or sign in
